婚享同學會


可用已有生活易帳號

登入


未有生活易帳號?

立即註冊

你可能也喜歡…

當前第 2 個 | 共 11 個BLOG      上一個 | 下一個
查看BLOG | 返回BLOG列表

P️N ep.10 韓國婚紗攝影超詳細回顧(二)

3月前
試完婚紗第二日朝頭早6點約左我地當日既翻譯miya喺酒店lobby等。一早起身個人懵懵下就要出發jenny house,落車嗰下覺得門口同lobby都幾靚,但因為未瞓醒唔記得影多少少相。haha

入到去好快就有職員帶我地去一間專用既更衣室放低行李換衫掛衫。佢地d野真係好有系統,由於用我名book所以我地間房同所有野都夾左個牌寫住chan..好搞笑。搞掂哂我同N先生就要開始分別進行化妝set頭啦。

首先黑衫hair部職員帶左我去第二層樓度洗頭(嗰刻先知原來jenny house有咁多層😂)嗰張洗頭椅係電動唔洗自己瞓低,我大鄉里真係覺得好amazing😂之後洗頭既技術只可說係我從未試過咁舒服,真係好正😍洗好左帶我出去吹頭,佢分別用左dyson風筒吹乾再用平時嗰d風筒同我吹。我要強調我真的好大鄉里,未見過salon有咁多dyson風筒😂吹完頭上左髮卷我就被帶去下一層開始化底妝啦。

化妝間係一字排開既櫈,枱面係大家成日見一枱都係打開哂既makeup products。一坐低黑衫makeup部職員就問我有冇特別要求妝感嗰d,此時我非常慶幸miya係講廣東話既,咁我可以表達得準確d,有咩想特別修飾都講得好清楚。化底妝既過程本來我想偷下師,但佢地真係好快手,睇唔切嗰支係乜已經搽左上我塊面了😂。而且佢地做野係非常細心,我兩邊面好多斑,佢逐粒調色同我慢慢遮,睇得出佢想力求完美,好開心。

化完底妝會由著便服既stylist接手繼續化,呢個時候會再確認多次有咩其他要求。我自己本身單雙眼皮,所以要求兩邊都要雙眼皮平衡。化妝師聽到後幫我癡左一邊雙眼皮貼,而且假眼睫毛係一細珠一細珠咁癡,快手不突止搞掂哂隻眼完全唔會有負擔,感覺非常良好。

妝容大致完成就去返髮型樓層整頭髮。由於我d頭髮係超淋超扁冇乜空氣感,佢地用左非常多唔同工具同方法令我個頭可以有立體d既造型。最後由著便服既髮型師出手整,側邊有成4-5個黑衣職員睇住。我諗我d頭髮淋得好罕見😂。miya之後仲同我講髮型師話寧願用比預期多既時間都想令我頭髮更有層次更完美,我頓時好感動😭

搞掂好髮型之後就要返自己間房換衫,一入去就見到試衫時既阿珠媽,原來佢已為我準備好第一套婚紗,我要即刻著好裙然後出化妝間作最後修飾。
由於時間已經九點幾,化妝間坐滿哂人。當我定過神黎望下鏡中隔離位既人時,發現左右全部都係明星😱😱😱!omg.. 當時我個心有d小鹿亂撞,心諗jenny house果然係星級beauty salon啊。

到我所有野完成時叮一聲發現N先生原來已經一早ready在門口等我喇😆(一路忘記左佢既存在😂)跟住我就著住套婚紗坐上jun6既專車出發去影樓喇~

攝影既過程下次先寫,總結我覺得jenny house係一間非常非常專業既beauty salon,唔同部門既人都對自己範疇既美有好強既執着。雖然我只試過呢間冇得對比其他beauty salon係點,但自己親身體驗完就覺得感覺好好,book左jenny house既b2b大可以放心實會有靚靚妝髮😁

我諗冇乜人好似我打得咁「長」細😂,如果有人睇到尾,我好感謝你😘

647 次閱讀 | 8 個評論
Facebook WOW Google+ Weibo Mail
當前第 2 個 | 共 11 個BLOG      上一個 | 下一個

評論

  • cycy234 3月前
    Thanks for yr sharing!
    Can u pm me the details & yr ref code? Thx!
  • Could u pm me ? Thanks a lot
  • 熊豆兵 3月前
    好詳細嘅分享呀!謝謝你,想了解一下你個package!大約要幾錢呀?
  • Kwbb8 3月前
    Jenny house 要加錢嗎?thx!
  • Vvvchan 3月前
    👍🏻👍🏻
  • pii:
    carriesogood: 我睇哂呀!個妝好韓好靚呀!
    同埋用dyson風筒勁正!但唔係話set頭前唔好洗頭嫁咩?洗完即set第一次見呀~~~
    可以洗頭呀,不過唔好用護髮素。
    明白~~~
    個頭都卷得好靚~~~ 😍
  • pii 3月前
    carriesogood: 我睇哂呀!個妝好韓好靚呀!
    同埋用dyson風筒勁正!但唔係話set頭前唔好洗頭嫁咩?洗完即set第一次見呀~~~
    可以洗頭呀,不過唔好用護髮素。
  • 我睇哂呀!個妝好韓好靚呀!
    同埋用dyson風筒勁正!但唔係話set頭前唔好洗頭嫁咩?洗完即set第一次見呀~~~

您需要先登入才能繼續本操作