婚享同學會


可用已有生活易帳號

登入


未有生活易帳號?

立即註冊

柑柑桔桔的BLOG

柑柑桔桔的主頁 | 查看全部BLOG
自我介紹:
#G先生與K小姐的日常#筍野#食好西#婚禮大小事#Follow: K&G Marriage (www.facebook.com/KGmarriage/)

你可能也喜歡…

當前第 7 個 | 共 34 個BLOG      上一個 | 下一個
查看BLOG | 返回BLOG列表

【廣州婚紗街遊記】14小時即興超極速之旅 K.O.男禮+短婚紗

標籤婚紗  晚裝  禮服  男禮  裙褂  廣州  婚紗街  好百年  匯美  江南大道  市二宮  婚慶用品  1月前

事關兩星期後影PW, 柑桔同Mr.G嘅衫仲未有著落...

之前淘嘅短婚紗雖然係訂製order, 但唔夠修身,

而旺角金都嘅男禮, 普通款式度身訂造五件套,

什至再高質少少嘅三件套要二千幾蚊, 需時1個月,

至於現貨, 與淘寶相差無幾都要$1300-$1500...


所以睇完B2B Ellyshan嘅廣州婚紗街分享之後, 

柑桔星期六即興同Mr.G上去行左轉,

網絡上/WOW上都有好多關於婚紗街嘅資料分享,

只要search"好百年/匯美/廣州婚紗街"

已經有一大堆攻略/心得, 大家可以爬下文發掘一下:) 

事出突然冇做功課, 只係準備好三千蚊人仔就出發啦!

今次會以遊記性質, 純紀錄低呢趟超極速旅程!


柑桔係不折不扣嘅路痴, 就連睇住地圖都可以行錯路!

所以搭車搵路嘅重任就交俾Mr.G XDD



即日來回交通行程篇

行程家 > 羅湖港鐵站 > 深圳過關 > 

乘和諧號火車上廣州東站 > 乘鐵路到市二宮站 (目的地) >

乘鐵路到公園前站步行街 (晚餐) > 回程 (經廣州東站)


時間表參考

8:45am 各自在家中出發

9:45am 到羅湖, 預番30分鐘過關+買廣深鐵路和諧號火車票


小插曲原本想買由深圳站開往"廣州火車站",

可惜遲左少少買唔到, 而下一班車要等1小時,

所以最折衷嘅辦法就係買去"廣州東站"

(下面會同大家比較兩個站車程嘅分別)


10:24am 坐和諧號出發

11:45am 到達廣州東站

12:45pm 食完Lunch答地鐵去市二宮站

1:30pm   行匯美批發廣場、好百年、江南大道北婚紗街

6:30pm   離開, 搭車去公園前站步行街食晚餐

10:06pm 返回廣州東站乘和諧號到深圳

11:30pm 到羅湖關口



廣州火車站 VS 廣州東站

咁究竟兩個站嘅車程有咩分別?

可以先睇睇以下*列車時間表:

*更多班次可以上>>Ctrip<<查看

方法一:深圳站 > 廣州火車站 | 車程1小時35分鐘


方法二:深圳站 > 廣州東站 車程1小時19分鐘


廣州地鐵圖節錄:

目的地婚紗街"市二宮站" (紅色框)

方法一:廣州火車站再坐藍色2號線, 5個站車程約20分鐘

方法二:由廣州東站坐黃色1號線公園前站轉車, 9個站車程約40分鐘


雖然深圳站去廣州火車站 (方法一) 比廣州東站 (方法二) 慢15分鐘,

但廣州火車站 (方法一) 去目的地市二宮站快20分鐘,

其實拉上補下分別不大, 但相對地廣州東站 (方法二) 路程會轉折少少



*方法三:直接從紅磡乘直通車, 直達廣州東

車程約2小時, 票價HK$210 (比火車快1小時,貴HK$100)

<< 廣東線車費表連結LINK >>

<< 廣東線行車時間表連結LINK >>


----------------------------------------------------

車費:

二等座 - RMB79.5 (3+2座位: ABC  DE)

 

我地去程係櫃位買票, 唔記得同售票員講要"連位"!!!

結果佢出左C+D兩個走廊位俾我地...後黎上車發現,

原來好多乘客會臨時調位! 

所以最好早少少上車, 搵番自己原本個個位先,

再有禮貌同對調個位乘客講聲:

不好意思, 請問可以換一下位子嗎?

但我亦見到有少數人渾水摸魚, 冇對號入座亂坐!

記得記得記得要買連位呀!!!



一等座:RMB99.5 (2+2座位: AC  DF)

 

回程就試下一等座同二等座有咩分別啦!

設於車頭第一卡, 一共5行, 上車後會有站員核對車票,

唔使擔心有其他人霸佔坐位, 位置好鬆動!

椅子都大張啲闊落啲, 挨得好舒服, 訓到落車XD


之前見有B2B share過二等座有內地同胞搶位置,

我相信屬於少數, 但如果遇到有其他人坐左你個位,

你拎住車票友善同佢講番我相信唔會有大問題:)

反而有幾個香港呀叔全程車聲浪偏大, 有少少騷擾!

*由於今次旅程正值淡季, 旺季情況可能有所不同



----------------------------------------------------

好百年、匯美批發廣場、江南大道北婚紗街

 

藍色範圍 - 市二宮鐵路站

紅色範圍 - 好百年商場

黃色範圍 - 匯美婚紗婚慶批發廣場

灰色範圍 - 江南大道北兩旁婚紗店

(*時間緊迫冇太多時間影相, 以下部分圖片取自百度/痞客邦)


江南大道北兩旁婚紗店

沿路兩排密密麻麻地舖, 有齊各種形形式式嘅禮服,

價位最高, 後巷有平價尋寶


好百年婚紗婚慶廣場

從D出口啟程, 大馬路右面就係好百年

商場似旺角金都, 有三層+地庫,

婚慶用品/婚鞋/婚紗晚裝/男禮/裙褂/

旗袍/媽媽衫/頭紗...全部都有專門店

  


婚紗舖門面比匯美高檔次, 價位較高,

開價約一千至幾千蚊 (B2B share可以講價5-7成!)

婚紗可以任試, 勁多款勁靚! 完全睇唔曬咁多間!

千零蚊已經可以買到一條全新高質, 大拖尾, 閃閃...

真係靚過係香港租嘅多多聲!

(圖片取自大眾點評網)

    


裙褂舖超多褂呀! 件件都好閃好立體!

最平RMB980已經有一套 (未講價)

睇到好心動, 大家快啲上去尋寶啦!

(圖片取自店家囍綉坊)


男禮質素好過匯美/橫街小巷, 價位較高,

度身訂造五件套約千幾蚊 (未講價), 可第二日取貨,

現貨五件套約RMB7-8XX, 包改褲長, 預1-2小時取



匯美批發廣場

從江南大道北街鐵閘位轉入,

閘口隔離嘅鞋檔好平, 開價RMB68-98

 

經過橫街小巷, 地舖仔價位較低, 但質素一般

姊妹裙相對較多

     


再行入少少有個商場仔, 好多細舖, 有兩層,

呢個場有好多淘寶實物睇! 特別係婚慶用品/姊妹裙

G/F婚紗有好多款, 睇到眼花瞭亂, 可以任試,

問過店主RMB500-800已經屬於唔錯嘅質素,

再貴少少一千至千幾已經有一條好靚全新嘅婚紗!!!

柑桔係度物色到一件心頭好 220- 短婚紗連網紗拖尾

仲要包改長度/收窄, 1小時後拎得!

(保持神秘感唔開估住XDD)


1/F價位會再低啲, 以男禮為例:

地舖現貨五件套開價¥680, 1/F則開價¥480-580


而呢間男禮售賣嘅「SHENLI紳麗男士禮服」,

授權於國內特許經營品牌, 有20幾年歷史,

全國共有300間, 質素有保證,

店主係一對好nice嘅年青情侶, 好細心幫Mr.G試衫,

原本睇岩一套寶藍色, 但店主主動指出由於新舊貨源關係,

外套同馬甲會有深淺色差, 呢點真係好有誠信, 要俾讚!!!

Mr.G最後成功購入五件套灰藍色禮服! (拍手)



#後記好可惜柑桔好早之前已經係香港租曬衫T_T...

上過黎睇先知有咁多筍野, 如果你準備買PW婚紗,

或者仲未租婚紗晚裝禮服, 強烈建議上去尋寶!!!

如果要試婚紗/裙褂/男禮, 一定要預兩日時間呀~

仲有仲有! 搵路要用番"百度", Google Map GPS唔準...


是次開支合共:RMB1617.4 (~HK$2000)

交通RMB554.6

禮服RMB788

食野RMB274.8

雖然一來一回交通費都幾金, 但今次行完真係大開眼界!

有target買婚紗/裙褂/禮服, 其實係好值得行一轉!

仲可以順手買埋婚鞋/婚慶用品, 

一次再轉戰深圳筍崗婚紗街!


btw發現廣州物價好平, 10意粉、65晚市任食火鍋、

¥26貢茶+章魚小丸子, 仲有好多榴槤乜乜乜街邊小食,

話說臨走前用酒店app check下附近房價,

五星級二人房一晚147 ಠ_ಠ ...嗯, 這些機會

#即日來回 #14小時超極速之旅 #買野記得講價

#去廣州都不忘食好西


----------------------------------------------------
#所有店舖資料&優惠詳情已經係FB全部公開!
更多筍野/食好西/婚禮大小事可以follow FB:
>>> K&G Marriage <<<

其他BLOG文分享

【金器嫁妝】
物輕情意重 全套嫁妝幸福伴隨出嫁!
過年前買金器龍鳳牌+豬牌+耳環+戒指篇 (純紀錄)
過年前買金器龍鳳鈪篇 (附六大金行金價表連結)

【婚紗x禮服攻略】
廣州婚紗街遊記14小時即興超極速之旅 K.O.男禮+短婚紗
Made in HK!本土設計師精心打造高級晚裝
2017年不可不試的大熱韓國手工婚紗-Rosa Sposa-試身報告出爐!!!
尋找嫁衣尋找幸福 14日瘋狂試婚紗の旅+10大私心推介
尋找嫁衣尋找幸福 試衫篇+精選50間bridal shop list
尋找嫁衣尋找幸福 準備篇: 6招助你揀婚紗(上)
尋找嫁衣尋找幸福 準備篇: 6招助你揀婚紗(下)
Nude bra界之最強神器6款終極大比併!小A女恩物必看!
小A女紙片身材的煩惱 婚紗內衣點揀好?
小A女紙片身材的法寶 矽膠nude bra+Girdle

【酒席場地攻略】
快人一步, 搶先酒樓婚宴場地(上)
快人一步, 搶先酒樓婚宴場地(下)+尖沙咀尖東區大全(有圖有LINK)

【淘寶開箱】
大愛♕皇冠+金屬風+田園風飾品
17件小清新+玩味Pre-wedding Props

【飾品x囍物FUN享】
迪士尼超夢幻婚戒願意當我一輩子的公主嗎?
和式手繪風桃花敬茶茶具 一套200蚊有找
3套中國傳統婚禮扭蛋禮盒 24款必備囍慶小物!
海洋風華麗飾品 變身人魚公主

【其他精選】
美甲
超高質!180蚊任做Soft Gel @ 觀塘工廈美甲店
美瞳X黑瞳
紫藍粉調+鑽石CON長文大比併 (附6折網購經驗分享)
美瞳X黑瞳啡金系COLOR CON長文大比併 (附新手試戴Tips)
Bridal Shower好去處 浪漫花花茶室Hea足3個鐘!

15182 次閱讀 | 59 個評論
Facebook WOW Google+ Weibo Mail
當前第 7 個 | 共 34 個BLOG      上一個 | 下一個

評論

  • missyamm: thanks for sharing....
    你地買完係即刻可以拎走?? 佢有冇度身架??
    全部都有得試身&度身架:)
    另外如果你要改婚紗/男禮, 預2個鐘左右就拎得, 因為上面6點開始收工, 最好4點前試完拎去俾佢地改就可以即日拎走啦~
  • missyamm 5日前
    thanks for sharing....
    你地買完係即刻可以拎走?? 佢有冇度身架??
  • JoT: Thanks for sharing!
    Welcome~多謝你嘅留言! :)
  • JoT 1月前
    Thanks for sharing!
  • winksi: 請間件男禮最後幾錢呀?
    五件套男禮 RMB 568
    包括外套+禮服恤+馬甲+長褲+bow tie
  • winksi 1月前
    請間件男禮最後幾錢呀?
  • giraffe: 見到人手縫製裙褂? 質素能媲美冠冠 / 鴻鴻? 如果買走也是 980 元起,真的很平!
    係呀, 我經過門口瞥見店員拎住針線縫緊@@
    至於質素方面, 因為我係香港婚紗店租左褂所以比較唔到, 但個度啲褂真係好閃好靚勁多款! 不過我估計RMB1000以下個啲係機製, 我諗你要親自上去行一轉先感受到XDD
  • giraffe 1月前
    見到人手縫製裙褂? 質素能媲美冠冠 / 鴻鴻? 如果買走也是 980 元起,真的很平!
  • Chocobe88 1月前
    柑柑桔桔: thanks chocobe:) 希望你都買到心頭好啦!!!
    至於酒店, 係食晚飯時好隨意咁用個app碌碌下就見到, 所以...已經忘記了係邊間, 好抱歉 (掩面)。但其實房價咁平嘅原因係, 當晚酒房仲有空置房間, 先至會有呢啲超特價, 冇得預早book架, 遇唔遇到就要講彩數啦~XDD
    謝謝哦,希望睇到有岩再share
  • Wys003: 想知道你提及既野食同酒店係邊到😂 我上到去搵唔到咁正野食同埋附近酒店都要四百幾🤦🏻‍♀️
    市二宮站附近冇乜商場同食肆, 所以禮服店主叫我地搭番兩個站出去公園前站步行街, 一出站成條街都係小食檔! 我地行到去大佛寺再前面嘅商場, 入面有好多食店:)

    至於酒店, 係食晚飯時好隨意咁用個app碌碌下就見到, 所以...已經忘記了係邊間, 好抱歉 (掩面)。但其實房價咁平嘅原因係, 當晚酒房仲有空置房間, 先至會有呢啲超特價, 冇得預早book架, 遇唔遇到就要講彩數啦~所以4XX算OK XDDD
  • Sormagi: 多謝你的分享打得好好, 4-500男禮仲有無價講
    多謝你睇曬我篇遊記就真XDD
    有! 不過講得唔多, 同埋睇你夠唔夠牙力, 因為匯美上層開價本身已經平過好百年同地舖, 我地最後講平左幾十蚊, 由普通裇衫upgrade做禮服裇, 價錢都好合理!
  • peggylee88: 地址在哪?
    你意思係買婚紗嘅地址???:)
  • o.0b: 可pm ma?
    你想要啲咩資料呢??:)
  • Robin286: thx for sharing😊
    robin, you are welcome!!! :)
  • Chocobe88: Very details ,very good ,i will go this weekend,so happy to have your sharing
    thanks chocobe:) 希望你都買到心頭好啦!!!
    至於酒店, 係食晚飯時好隨意咁用個app碌碌下就見到, 所以...已經忘記了係邊間, 好抱歉 (掩面)。但其實房價咁平嘅原因係, 當晚酒房仲有空置房間, 先至會有呢啲超特價, 冇得預早book架, 遇唔遇到就要講彩數啦~XDD
  • Ellyshan: 可能唔係相似,直頭係大陸做😂我仲係百年見過一件晚裝同我係香港一間情侶婚紗店見到嘅又係一模一樣呀!婚紗真係應該一開始就去😂
    OMG~!! 最心痛是~去得太遲T_T 上到去勁有衝動想買婚紗/裙褂番黎...
    不過男友同我講:你已經租左啦! 你已經租左啦! 你已經租左啦
  • Wys003 1月前
    想知道你提及既野食同酒店係邊到😂 我上到去搵唔到咁正野食同埋附近酒店都要四百幾🤦🏻‍♀️
  • Sormagi 1月前
    多謝你的分享打得好好, 4-500男禮仲有無價講
  • peggylee88 1月前
    地址在哪?
  • o.0b 1月前
    可pm ma?
  • Chocobe88 1月前
    同埋想問下147人仔五星級酒店叫咩名呀,我留一晚,可以pm我嗎?謝謝
  • Robin286 1月前
    thx for sharing😊
  • Chocobe88 1月前
    Very details ,very good ,i will go this weekend,so happy to have your sharing
  • Ellyshan 1月前
    柑柑桔桔: Elly有咁多收獲一啲都唔hea啦, 我實際行左5個鐘咋! 哈哈
    上去睇完男禮, 發現同香港所謂訂造個啲...好相似, 囧
    (我嘅毛病係越打越長氣XDD, 我都參考左你篇BLOG, 好有用)
    可能唔係相似,直頭係大陸做😂我仲係百年見過一件晚裝同我係香港一間情侶婚紗店見到嘅又係一模一樣呀!婚紗真係應該一開始就去😂
  • Ct323: Can u pls pm me the details? Thanks
    你想要咩資料呀???:)
  • Ellyshan: 哇超詳細呀!睇來我去果兩日一夜太hea啦哈哈哈😂你買果件男禮超抵呀,個格仔紋同我係香港訂千六蚊果件真係好似,我懷疑係一樣的⋯⋯
    Elly有咁多收獲一啲都唔hea啦, 我實際行左5個鐘咋! 哈哈
    上去睇完男禮, 發現同香港所謂訂造個啲...好相似, 囧
    (我嘅毛病係越打越長氣XDD, 我都參考左你篇BLOG, 好有用)
  • GinWAY: Hi pretty, do u have shop details about 裙褂舖? Thanks for the info, it's really useful!
    好百年成個商場都有好多間專賣裙褂架!可以上去望望:)
    因為我係香港租左所以冇特別去睇同埋問價, 希望幫到你!
  • PG1228: 褂既地址邊度呀請問?可唔可以試架?謝謝
    好百年成個商場都有好多間專賣裙褂架!位置已經show左係上面地圖啦:)
    可以試, 但聽聞有啲舖唔俾影相, 你可以話想影低send俾家人問一問佢地意見
  • Natalieii: Hi 請問裙褂大概幾錢?THXTHX
    價錢要視乎款式而家, 買走由幾百至幾千不等, 又有分機製/手工/頭褂/幾多手,
    因為我係香港婚紗店租左褂所以冇特別去問, 同埋價格, 未必好準確答到你呢~~
    但我估計RMB1000以下個啲係機製, 冇咁立體。
  • Cherrycsc0519: 好詳細 謝謝你分享
    多謝cherry嘅留言:)
 59 12

您需要先登入才能繼續本操作