婚享同學會


可用已有生活易帳號

登入


未有生活易帳號?

立即註冊

你可能也喜歡…

當前第 2 個 | 共 6 個BLOG      上一個 | 下一個
查看BLOG | 返回BLOG列表

E&V P.4 結婚公仔

3月前
~結婚公仔~
因V仔自小就鍾情Snoopy同Woodstock(係V媽講),所以乜嘢都未揀V仔已經搵緊結婚公仔,喺金都睇到一對好靚嘅,佢寫住日本原裝但要$1xxx蚊錢(後來我响專賣Snoopy嘅店見到$799,V仔仲有member discount..),V仔心諗真係初到「貴」境,原來以家結婚啲嘢咁貴架?!雖然V仔平日見到Snoopy嘅嘢,基本上係唔睇價錢(係!我係大駛鬼!),而四少亦都不停咁話要買俾我,但小妹對結婚憧憬不嬲唔大,著婚紗嘅Snoopy....都係再睇睇先喇。跟住俾我响網上面見到一對超級勁靚嘅Snoopy結婚公仔,但V仔又唔知咩事一直無問呢間,唔知是咪傳說中嘅鬼揞眼走咗去問另一間,店主話$3xx但要自己提供公仔,當時又唔知做乜會諗去邊度搵兩隻公仔嚟?!(屋企嗰啲咩嚟?!真係低B到一個點)
如事者有日行開金都,一間專賣結婚公仔嘅舖頭(大部份B2B都應該知我講緊邊間架喇)見到一對好大嘅,其實之前一個人路過已經留意到,但喺日本原裝嘅霧霾下諗一定好貴啦所以無問過,咁嗰日同四少一齊佢就入咗去同個疑似老闆傾計,但我又唔想問價錢因我都係掛住網上嗰對,就喺出門口嘅時候個老闆就話呢對Snoopy以家做特價好抵呀都係5百幾蚊之嘛咁話,咁四少就話咁平你平日買隻細粒丁都要百幾蚊錢啦咁話,咁我就入返去,嗰位女士就話舖頭嗰對係幫客做緊未完成,佢可以幫我做另一對,仲問我幾時影PW幫我趕嚟影,當時大約仲有兩個星期,佢承諾一定趕得切,咁好啦,原本我都無諗住要帶佢哋去,有我當然唔抗拒,但開單嘅時候就變成6百幾蚊錢再加埋佢話幫我加返隻蝴蝶綁車要加$150,咁埋計就變成咗$8xx喇。
到咗5月頭我whatsapp佢問佢有得拎未,佢之前叫我提佢,佢覆我隨時可以攞,咁我就去拎,因為拎嘅時候好趕,只係望兩望就走咗,上到車拎出嚟睇...我明明講咗唔要啲蝴蝶仔,同埋男仔唔要綠色襟花,我唔鍾意五顏六色,佢當時話可以仲講咗會轉乜嘢,呢對好明顯係一直放响舖頭嗰對嚟,雖然不得不承認佢哋真係好靚,而且好大隻,我都好鍾意佢哋,但我覺得呢間舖頭好唔老實囉~

收到嘅Snoopy

喺WOW見到有位B2B AngelTang為佢嘅公仔加頭紗同花球,於是V仔都試下,好多謝Angel嘅inspire呀!!

加工後嘅Snoopy

直到以家V仔都念念不忘最初睇中嘅一對,所以終於send msg問嗰間舖頭不過未有回覆,但V仔已經同姊妹們講定嗰日要幫佢哋換埋衫,雖然俾V媽串你對狗仔換衫俾邊個睇,但V仔唔理除非貴過佢哋本身唔係我點都會造俾佢哋!!

238 次閱讀 | 2 個評論
Facebook WOW Google+ Weibo Mail
當前第 2 個 | 共 6 個BLOG      上一個 | 下一個

評論

  • VeronicaE 3月前
    過千蚊錢真係....我都有叫嚟緊(7月)去東京嘅屋企人留意下,見到就話你知吖~
  • Heidibabe 3月前
    我都係阿比粉絲😂😂♥️
    金都果對我都見過呀😂但又係問完價要千幾我真係企左喺度😵
    我唸住叫飛大阪嘅朋友幫我望下環球影城有無🤔

您需要先登入才能繼續本操作