5項投資回報表

Rolex
單以單價計算，Rolex 每年都會加價，而其升幅亦比通漲高，保值潛力不錯。不過以升值潛力計算，普通Rolex款式可能要Keep 3年以上，才有20至30％升幅，但限量版則可以1至2年時間升到呢個位，不過限量版會受到炒風影響，風險亦會相對提高。

鑽石
佢嘅價值在於供求問題，鑽石屬天然資源，形成要上千萬年，”製造”永遠比”開採”慢，回報幾乎百分百。不過鑽石屬高價消費品，買賣情況與經濟環境息息相關，所以宜Keep 3至7年作中長線投資。

手袋
全靠兌換率，吼准個市去入外幣，可降低買入價，從中賺盡啲。至於手袋牌子我睇好Hermes及限量版嘅LV，以我自己為例年半前買蘋果綠、鴕鳥皮只需14萬幾，依家已經升到18萬，回報率算唔錯。要投資的話，應target產量較少或長青款式。

樓
現時樓價其實已經升到高過97及07高位，非常non-sense。雖然人人都說會升，但因為恆指多次試穿21,350點，惜後勁不繼，而且樓價可以上升空間嘅唔多，依家入市風險相對較高。

普洱
普洱屬較冷門的投資。比起其他產品，普洱入手價較低、儲存方法較容易，但普洱其實跟紅酒及藝術品等投資一樣，比較個人化，好難估到市場嘅口味，需要嘅專業知識亦比較多，屬小圈子買賣，非常海鮮價，故風險比較高。

資料來源：忽然一週