家庭圈子 - 新婚靚太小圈子

舉報 |

洗頭都要學？7個洗頭禁忌你要知

子維 2014-09-12 14:44

校工我雖然成日唔梳頭唔gel頭就返工出街，但我有一個堅持：就係日日要洗頭！唔知點解由細到大，我都好怕個頭油淋淋，瞓覺時硬係唔舒服、周身唔聚財咁，所以無論係以前長頭髮時 (去到肩膀的，幾反叛

)、定係依家短髮，都一定要晚晚洗咗頭先去瞓~

所以對於我呢個一年365日洗足366次頭的人，早兩日睇到「一定要知的7個洗頭禁忌」就勁好奇，睇完先知自己係唔識洗頭！咦，咁你又知唔知自己洗得正確嗎？

1. 無梳頭就直接洗
原來洗頭前要先梳頭！因為梳頭可以令附在頭皮的污垢和灰塵浮於表面，才可以同時洗乾淨頭髮和頭皮。(校工得分：0分，因為我成日唔梳頭

)

2. 洗濕頭髮就立即用洗頭水
你一洗濕頭髮就直接搽洗頭水？錯錯錯！原來要先用暖水洗頭一分鐘以上，洗走頭上的污垢後，才使用洗頭水，否則會洗不乾淨頭髮。(校工得分：0分

)

3. 洗頭時用指甲「刮」頭皮
好多女仔都有留指甲，其實指甲藏有好多細菌，如果刮捐頭皮會容易造成感染。所以最好係用指頭輕輕力按摩頭皮，慢慢洗。(校工得分：0.5分，因為我無指甲，但我又無按摩

)

4. 護髮素搽在髮根 / 頭皮
護髮素只能搽在頭髮及髮尾！由於洗髮時，頭髮毛囊會張開，護髮素搽在頭皮會滲入及塞住毛囊，容易造成甩頭髮。(校工得分：不詳 - 因為我太懶，成日唔落護髮素

)

5. 護髮素未沖乾淨
有人可能以為「留低少少護髮素在頭髮有保護功能」，其實錯哂！因為護髮素容易沾上灰塵污垢，反而會堵塞毛囊引致發炎，所以每次洗頭都一定要沖乾淨。(校工得分：滿分！我每次都沖得好乾淨的

)

6. 頭髮濕去睡覺
聽過有人話「頭髮洗日吹會旱」，所以頭濕就直接去睡覺... 剛剛相反！原來頭髮半濕時會特別脆弱，不可以大力摩擦，如果呢個狀況去睡覺，頭髮同枕頭不停摩擦，會令角質層變薄，反而變得乾旱。(校工得分：滿分 - 我都唔鍾意濕淋淋去瞓，而且短髮好快乾

)

7. 洗完頭立即去街
如果唔係睡覺，而係洗完頭去街又點？一樣唔好~ 因為洗完頭馬上去室外，紫外線會更容易損害頭髮，造成斷髮及開叉。所以洗完頭即刻出街，最好戴帽及擔遮。(校工得分：滿分 - 同上)

唔知大家又有幾多分呢？

#1
小蔡太 2014-09-12 14:19

我得3, 4, 5有分!!

#2
Kamely 2014-09-12 14:40

我衰咗1同3呀~~~~~~

#3
子維 2014-09-12 14:42

Kamely: 我衰咗1同3呀~~~~~~
我睇完1已經好震撼

#4
子維 2014-09-12 14:43

小蔡太: 我得3, 4, 5有分!!
好似好多女仔都唔鍾意吹頭，我記得髮型師講過，其實吹乾頭係好的

你還不是該小圈子正式成員，不能參與討論。現在就加入。