~~薑醋篇~~

薑醋
NB: 濕熱底，臨生之前重有感冒, 唔好食因為薑醋係燥熱食物，如果食咗手尾會好長, 感冒唔清。

Questions:

1)生完BB後飲畺醋要飲多久呢?
2一個人分量要用幾多八珍甜醋（係咪唔洗買最大果種??)、薑、豬手及蛋既分量係點??
3)褒薑醋係唔係唔洗落水架??

Answers:

1) 視乎個人喜好, 一般過滿月即可
2) 如果你可以買到八珍醋, 可以叫人幫你煲埋呢? HK有這類服務, 唔知外國有無?
醋 薑同豬手同蛋既份量好視乎個人喜好, 一般甜醋八份加一份薑煲第一煲, 煲到薑同醋的味道純後(即嗅不到酸醋同薑味後), 即可加蛋(連殼), 最後加豬手, 不過老人家話孕婦個煲第一煲係唔加豬手, 第二煲或後來俾人的才加, 我也不明白
3) 完全唔駛加水, 所以會愈煮愈濃, 到時可再加醋

 

薑醋對產婦的好處

產婦產後即時可以飲用薑醋。薑醋對產婦身體早日康復,尤其是對內生殖器官的復原極有幫助。薑醋有袪風散寒、活血去瘀、幫助子宮收縮的作用；豬腳含有大量鈣質,而薑醋可以將之軟化、有助產婦補充失去的鈣質。而雞蛋含有八種人體必需的氨基酸，多種礦物質和維他命等多種成分，對產婦身體補益大有好處。

烹煮薑醋的方法及須知

產婦產後所服用之薑醋可以在預產期前兩星期製作，先將生薑用清水洗乾淨，刮去薑皮，切厚件，然後放入鐵鑊內(不必加油)烘乾水份，要不斷反覆炒，以避免烘焦。待生薑乾水，薑面微轉黃色後，然後放入生油和幼鹽爆香。豬腳(喜歡吃肉的，可以買豬手)預先斬件，放入滾水中出水，再用清水洗乾淨，放入鐵鑊內加適量生油爆香與巳經爆炒過的生薑一齊放入瓦煲內，放入甜醋浸過生薑和豬手，開火煲至醋滾，便可原煲離火。冷卻之後，即可用紅紙封好煲蓋。如果未到產期，隔星期左右再煲滾一次。

喜歡吃醋蛋的，可以先將雞蛋蒸熟去殼之後放入薑醋內，但是放雞蛋必須要在吃薑醋前早一兩天才放。因為雞蛋白給醋浸得太硬，較難消化，反而無益。由於產後第十二天才可以進食肥膩食物，所以豬手或豬腳在產後第十二天之後才加入薑醋內比較好。

點捒姜煲醋?

每年三四月是子薑盛產期。其實煲薑醋並非難事，最緊要是買到含有藥材成份的靚甜醋，可以用子薑或老薑來煲。 如果平日喜歡吃薑醋的話，可以選擇子薑，因為子薑幼嫩少根，較為爽甜，又不太辣。 若果是產婦吃的，便要採用大肉老薑才有驅風功效。 中國自古以來，產婦曉得吃薑醋補身，真是聰明，因為將豬手骨加入醋中一齊煲，大量鈣質溶入醋中，對產後婦人，大有補益作用。

豬腳薑食譜
(1) 材料：大肉老薑五磅、添丁甜醋一大樽、豬手或豬腳兩隻、雞蛋十二隻。

做法：洗淨姜，刮去皮，切成大塊，略為拍扁。

燒熱幹鑊，不用放油，將薑炒片刻。

用大瓦煲或玻璃煲盛甜醋，煲至滾，放入姜，煲至大滾，蓋，改用中火，煲約二小時，熄火，讓姜在醋中浸隔夜。 翌日再煲十五分鐘，如是者煲約三星期。 （通常在預產期前一個月便要開始煲薑醋，豬手或豬腳應在食前一星期加入。）處理豬手或豬腳：刮去豬毛，斬件，用滾水拖過，再衝凍水，然後放入薑醋中煲至稔。雞蛋隨水置煲中，慢火煲熟，然後去殼，加入薑醋中，煲至金黃色即可。 　注：如果煲的是子薑，可減省很多時間，翻煲二、三次便可進食。

(2) 材料(十人份量)：

十斤(4.8公升) 八珍甜醋
五斤去皮生薑
兩隻豬腳 (亦可選用質地較柔嫩的豬手)， 斬開約八至十件
熟去殼雞蛋十隻
一斤八珍黑糯米醋

做法： 產前一個月

預先將甜醋及生薑放入瓦煲內大火煮兩小時
每隔一星期煲滾一次， 以免細箘及霉箘滋生
派送前一天
把豬手豬腳放入滾水中飛水去油及沖洗乾淨
把豬手豬腳放入已預備好的薑醋中煮滾
以慢火煲豬手豬腳至腍熟，加入八珍黑糯

 

(3) 快速煲薑醋製法: 兩日搞掂第三日食得的快速煲薑醋法(即十二朝前兩日先整)。

材料： 甜醋2500ml、黑糯米醋250ml、豬腳兩隻,老薑2斤、粗鹽1茶匙、雞蛋(隨意)

製法：
第一日
1）將生薑刮去皮沖洗乾淨
2）拍薑～抹乾水份切厚件輕輕拍鬆。
3）烘薑～(少油、粗鹽)少油將薑放入白鑊灑下粗鹽以中慢火把薑烘至乾身、軟身。
4）另一邊煲醋，烘完將薑放入醋內(最少煲四小時)。

第二日
1）豬腳～放入滾水中以中火煮10分鐘，再轉調慢火煮45分鐘，撈起放入一盤水喉水中，再用水不斷沖至凍晒為上(內外都凍)，沖洗乾淨瀝乾水份。 之後將豬腳放入醋內煲(一定要薑墊煲底)， 煲到豬腳直至可用筷子穿得過為止(最少煲四小時)。
2）另一邊側可以將雞蛋烚熟後去殼，(去殼後蛋一定要乾身)先可放入薑醋。

第三日
吃時可把薑醋再次煮滾即食。

＊如要加豬腳再重覆第日的步驟＊

提示：
1）煮豬腳薑要買豬腳，不要用豬手。因為食豬腳薑是食其豬皮筋腱，而豬手的瘦肉比較多，用醋浸後會變得乾硬不好吃。但喜歡食豬手亦可以加的。
2）浸豬腳薑的醋汁可多次使用。但豬腳不宜一次過落太多，否則豬腳膠質重會令醋汁太濃。
3）除了豬腳薑外亦可加入雞蛋，但雞蛋不宜浸得時間太長，免至變得乾硬不好吃。

 

(4)

From Someone: 十斤甜醋就加一支黑糯米醋, 甘就好味喎! 仲要成日翻煲.d薑剃乾淨要風吹下先用. 至於猪腳就俾人食之前o個晚落就得.隔幾日番煲一次, 當然煲滾之後吾好掂佢,甘就吾怕壞同吾駛放入雪櫃.仲有, 如果係你食既雞蛋, 就要早少少, 在生之前放入去煲, 生之前就開始食, 可以食到生為止.(生之前吾放猪腳架, 所以淨係食蛋同薑), 如果係十二朝派俾人食, 在俾人食之前兩日放即可.

薑去皮後切塊, 落鑊爆一爆(加少少油即可), 接住放入瓦煲再加醋, 慢火煲滾d醋即可, 約預產期前 3個月開始煲, 咁d 醋就好有薑味, 而d薑入口時, 亦不會太辣, 此煲留來自己食。而豬腳最好用另一個瓦煲去煲, 生完bb約 9-10天後才煲就ok, 此煲俾其他人食, 因為好肥, 生完不宜食太肥, 好難瘦, 雞蛋就可以彈性處理, 你可以在生前, 把蛋拾熟, 打碎d 殼後, 連殼放入自己食的那煲薑醋, 據說好有益。又或生完在煲豬腳時, 才拾蛋去殼放入去一齊煲。反正雞蛋最多人食, 都要添幾次, 點煲都得.
 
材料：薑10斤、甜醋兩大樽(可以去買小樽裝, 唔夠醋再加入去)、大瓦煲一個、小瓦煲一個, 豬腳+雞蛋(生左先買)。

1. 首先買10斤薑, 刨皮, 略拍, 用白鑊炒十幾分鐘。
2. 將甜醋煲滾, 落所有薑, 煲1個鐘, 熄火, 唔好用野了佢, 由得佢擺係度, 隔日再煲滾, 如是者一路重覆隔日煲滾,d 薑會越煲越縮, d 醋浸唔過薑面就要加醋落去, 加醋後必須再煲滾。
3. 生左之後, 12日可以派薑醋, 咁係第9日就買新鮮豬手或豬腳, 有人鍾意買豬手, 有人鍾意豬腳。豬腳買返黎飛水, 我會再用水喉水沖乾淨d 油。如果方便有人可以幫你買野, 你就先買兩隻豬腳, 如果唔方便, 你就一次過買幾隻, 飛晒水後, 食幾多就煲幾多, 未煲個d就放入冰箱, 下次想煲個陣就拎出黎, 沖去d 冰, 就可以放入d 薑醋裡面煲。
講返d 豬腳點煲, 豬腳出水洗淨後, 預計下會派幾多比人, 就由大瓦煲個邊筆適量既薑同醋去小瓦煲, d 人多數都係鍾意食豬腳同雞蛋,薑唔駛筆咁多, 咁大瓦煲既醋一定要蓋過d 薑面, 唔駛筆太多醋去小瓦煲, 唔夠醋再加新醋。小瓦煲有薑醋,就放豬腳落去, 煲1小時後熄火, 唔駛理佢, 第2日再煲, 第3日再煲, 基本上煲3日已經夠淋。講埋雞蛋, 雞蛋都係同豬腳差唔多, 煲2、3次已經好入味, 好多人會係派比人之前一日先落蛋, 因為d 蛋會越煲越硬, 但係越硬既蛋就越補, 你可以煲耐左既蛋留返比自己食。雞蛋就烚熟去殼, 就咁放入去煲就得。

**緊記, 薑醋煲滾之後唔好了佢, 所以最好食完之後再煲滾, d 薑就由大瓦煲過邊筆過去, 因為薑要煲好耐, 所以d 人都係煲一次, 豬手豬腳就可以不停咁加, 唔夠醋都要加, 大瓦煲既薑係每次筆完去小瓦煲之後都要煲滾, 只要滾就得, 唔駛煲太耐。
滿月後d 薑醋未食晒, 可以放入雪櫃, 食幾多就煲幾多。希望幫到你!!
第一次煲個陣, 你可以下醋、薑一齊煲, 大滾後轉中小火續煲1小時, 熄火, 唔駛理佢, 隔一日煲滾就得, 唔駛再煲1個鐘。(你可以係煲之前, 將d 薑攪下佢, 將底個d 攪上面, 面個d 就攪落底!咁先至煲滾。緊住, 煲滾之後唔好攪!)

薑方面, 唔一定要老薑, 如果買唔到, 就用平時煮飯個種薑都得, 唔好子薑。