婚享同學會


可用已有生活易帳號

登入


未有生活易帳號?

立即註冊

Winny的BLOG

Winny的主頁 | 查看全部BLOG
自我介紹:
一個喜愛手作之人妻~ 請多多指教!

你可能也喜歡…

當前第 150 個 | 共 308 個BLOG      上一個 | 下一個
查看BLOG | 返回BLOG列表

(長篇)姊妹會之小小分享

2013-09-29 17:59
十月中有同學結婚, 搵我做姊妹, 呢幾日係第一次開姊妹會。
姊妹團連伴娘有六人, 當中有四個人已婚, 包括我!
當中有個姊妹A係我同事, 我,佢,同另一姊妹都係同新娘識咗十幾年嘅同學。
我結婚時,呢個姊妹唔喺我姊妹團, 因為……我同我老公都覺得佢麻麻。

開會時, 發覺新娘仲有d嘢唔清楚, 未準備好!
作為姊妹, 知嘅嘢, 我哋當然盡量幫忙啦!
呢個會, 令我更清楚作為姊妹, 有咩應該做, 有咩無必要嘅, 就盡量唔好講!
以下係我嘅少少個人意見, 不喜勿插!

事件一:
討論接新娘時想玩咩遊戲, 新娘話新郎哥想玩d Running Man呢d咁有質素嘅遊戲, 其他低質素嘅, 佢同班兄弟都唔玩! 姊妹A即刻話:「 Running Man遊戲玩好耐㗎喎! 佢哋想周街搵嘢呀? 我哋搞唔到㗎! 邊有時間預備呀? 」另一姊妹話:「其實佢哋係咪想玩d要落街嘅遊戲咋?佢哋都知接新娘時間有限! 」我話: 「係啦! 你鼓佢哋真係咁認真咩? 佢哋如果真係想玩, 咪叫佢哋早一日出嚟玩囉~ 玩通頂第二日接新娘咪啱啱好囉!」我講完其他人就笑啦!
個人意見:
一聽就知新郎哥玩嘢啦! 鼓唔到姊妹A咁認真! 認真唔緊要~ 唔好認真地ban啦! 如果另一姊妹同我都唔出聲, 搞到died air嘅話, 新娘子會好尷尬!有d嘢~ 唔洗太認真嘅!

事件二:
新人籌備結婚, 梗係好多嘢唔知, 或者做漏㗎啦!(我當時結婚都係~!)
例如新娘子無諗到散席要book車車嘢走,我就提佢要預早d book車, 一係就問人借車! 姊妹A話: 「係呀! 一定要book定車呀! 我嗰時結婚, 嗰晚家姊幫我book車, 打咗半個鐘電話都搵唔到車呀! 你夜晚book車, 一定會無車!」新娘子開始驚啦, 因為佢無預呢樣嘢, 仲未搵租車公司! 姊妹A再話:「你夜晚要車, 一定book唔到!」 我頂唔順開聲話:「嗰晚先租車梗係租唔切啦! 所以我咪叫新娘而家搵定囉!」我同新娘講:「你而家仲有幾個星期先結婚, 而家開始搵應該搵得切, 唔洗擔心!再唔係就問定有無親戚有車可以幫手車嘢返屋企啦! 我嗰時都無租車, 搵屋企人幫手車, 咪一樣走到!」
個人意見:
新娘結婚前已經多嘢搞, 有嘢忘記好正常! 作為姊妹應該係要幫新娘諗方法解決問題, 而唔係不斷制造恐慌令新娘擔心!如果好似姊妹A咁話夜晚一定租唔到車, 咁對新人點呀?! 喺酒樓等通頂, 第二日先車嘢走呀?! 諗解決方法啦!!!

事件三:
由於我坐reception, 所以問新娘有無禮金盒。 新娘話無, 只要將男家禮金俾新郎哥哥, 女家禮金俾新娘家姐就得啦! 姊妹A話:「如果D人唔係將禮金放係reception, 同你哋影相時俾你哋點算呀? 分唔到男家定女家喎!」 另一姊妹話:「我家姊結婚時咪叫新郎袋住, 之後俾伴郎搞咪得囉!」姊妹A:「咁都分唔到男女家禮金, 會好亂㗎! 要兄弟姊妹即時分開先得! 」再另一姊妹話:「新娘你哋返屋企都會再分㗎啦, 都要mark數㗎!」 新娘話:「都係嘅!」姊妹A:「返屋企先分咪好亂囉!」 我同姊妹A講:「你結婚嗰時係點㗎? 你可以即時分到男女家禮金㗎?同埋你係咪返到屋企都會點多次呢? 新娘都話返到屋企會再點數, 咪等佢哋分囉! 我結婚嗰時男女家禮金入埋一齊都係咁啦!又唔係即刻要分, 咪返到屋企先慢慢搞囉!」 姊妹A終於收聲!
個人意見:
一d唔critical嘅嘢 真係無需開姊妹會時講得太多!就算有大把時間都好, 講少一樣, 令新娘煩少一樣! 好心嘅, 咪等新人結婚之後提一提囉!雖知大家都想件事盡善盡美, 但呢個世界無嘢係完美㗎!!!

事件四:
我哋去完男家會去酒樓, 而酒樓極之近姊妹A屋企! 新娘好好人咁話:「去到酒樓都唔係太多嘢搞, 到時大家可以休息吓!」 姊妹A即刻話:「會呀!嗰日咁早起身, 我一家會返屋企瞓覺, 如果唔係實累死!」當時大家無人出聲!姊妹A就話:「我嗰日可以share間屋出嚟俾大家休息!」大家都係無言! 新娘子打圓場地話:「返屋企休息都好嘅~ 可以除哂鞋, 換埋衫, free d舒服d呀!」我話:「其實嗰日去到酒樓都會有好多嘢要整, 我一定會留喺度幫手!」
個人意見:
新娘EQ真係高!換著我唔爆佢都黑面! 人哋一世人結一次婚, 搵你做姊妹幫手, 竟然話要返屋企瞓覺!咁辛苦你不如唔好做啦! 條友都結過婚㗎! 嗰日多唔多嘢做唔係唔知呀?! 有d嘢, 真係唔講好過講!

事件五:
當中有問過花車同兄弟姊妹車路線問題, 有d地方新娘都唔係好清楚! 正常嘅~ 呢樣嘢係新郎哥做嘅!姊妹A同男家居住地點好近, 對個地方好了解, 包括所有停車場位置, 但新娘就唔係好熟路! 姊妹A問;「 當日d車會泊喺邊㗎?」之後內容我唔係好知佢問咩~ 大約係話邊個停車場係邊, 又有上下兩個停車場, 又邊個遠……新娘都聽到一頭煙, 其他人更加答唔到嗲啦! 只係見到姊妹A不斷問, 新娘子好努力答一d答唔到嘅問題! 我同姊妹A講:「 你係咁問新娘都無用㗎啦! 佢又唔識路! 呢d嘢咪留返俾佢個男人同司機傾囉! 新娘理得幾多嘢呀?!」另一姊妹話:「係啦! 呢d嘢留俾你老公搞啦!」姊妹A話:「唔得㗎喎! 要預時間, 預地方……」佢未講完我就話:「預幾多時間, 去邊個地方上落車, 留番司機諗啦! 佢哋俾咗錢㗎! 你而家猛問新娘, 佢都答唔到你㗎啦!」到佢無言啦!
個人意見:
有時候問問題, 真係要睇下係咪問啱人! 問錯人嘅話, 自己無癮, 人哋又難堪, 為咩呢?!當人哋答極都答唔, 問到第三個問題到就收口啦!一直係咁問, 人哋只會覺得煩, 而唔係你叻呀!

已經今次個會, 希望新娘子大婚當日順順利利!
慶幸我當日嘅工作岡位唔係同姊妹A編埋一齊!


2771 次閱讀 | 11 個評論
Facebook WOW Google+ Weibo Mail
當前第 150 個 | 共 308 個BLOG      上一個 | 下一個
全部(3)

留下足跡

評論

  • pina 2013-10-09 12:44
    我未開會欲以頭痛定~~~~~
  • Winny 2013-10-02 21:09
    Teresa_Tiara: 我做左好多次姐妹,都遇過D真係好想炳她一穫甘的「姐妹」,包括:

    1. 當日她只是站/坐著漂亮,唔知自己要做咩,妳好心提她她都未必行動,或者慢慢行動;
    2. 玩
    係呀! 姊妹團真係要搵幫到手嘅人呀!
    我結婚嗰時, 搵我堂妹做伴娘, 佢keep新娘房所匙。
    條友掛住玩, 整唔見條所匙兩次!
    搞到個rundown遲哂!
    真係俾佢激死!
  • Teresa_Tiara 2013-10-02 20:16
    我做左好多次姐妹,都遇過D真係好想炳她一穫甘的「姐妹」,包括:

    1. 當日她只是站/坐著漂亮,唔知自己要做咩,妳好心提她她都未必行動,或者慢慢行動;
    2. 玩兄弟玩到離晒譜,出門時間都唔理,以為自己係掌門人;
    3. 她負責的環節/時間,一D她唔識的人/事她係完全唔會理,你真係好想問她知唔知咩叫負責人。

    到依家我搵姐妹,我會好小心搵D MAKE SENSE、負責任的朋友幫手!
  • Winny 2013-09-30 19:43
    orangecelia: 我聽個有個朋友講, 佢結婚個時, 有個姊妹話佢唔慣著裙問可唔可以著褲tim啦 :p
    吹漲

    對你俾面一定要既 !!! 嘻嘻
    你下次打到萬里長城咁長我都要睇哂啦 :p
    呢個世界真係咩人都有!
    唔口赫死都笑死!

    再次多謝你咁俾面呀!
  • orangecelia 2013-09-30 12:45
    Winny: 係呀~ 佢話返屋企, 我哋真係O咀!
    多謝你咁俾面睇哂呢篇長blog!
    咁我下次寫短d啦!
    我聽個有個朋友講, 佢結婚個時, 有個姊妹話佢唔慣著裙問可唔可以著褲tim啦 :p
    吹漲

    對你俾面一定要既 !!! 嘻嘻
    你下次打到萬里長城咁長我都要睇哂啦 :p
  • Winny 2013-09-30 12:40
    orangecelia: 姊妹A真係好可愛 !!! 你咁多個case佢都可以拎盡風頭 !!
    叻叻.... 返屋企呢下真心爆 !! 佢無事呀ma ?!?!

    如果係我, 我一定黑面黑左9年啦

    p.s.  我好小咁有耐性
    係呀~ 佢話返屋企, 我哋真係O咀!
    多謝你咁俾面睇哂呢篇長blog!
    咁我下次寫短d啦!
  • orangecelia 2013-09-30 09:18
    姊妹A真係好可愛 !!! 你咁多個case佢都可以拎盡風頭 !!
    叻叻.... 返屋企呢下真心爆 !! 佢無事呀ma ?!?!

    如果係我, 我一定黑面黑左9年啦

    p.s.  我好小咁有耐性睇咁長既blog (俾哂面啦)
  • Winny 2013-09-29 21:51
    ahbetbet: 我做姊妹都好怕遇到D咁既姊妹. 通常我都會 IGNORE 佢......
    我都好想ignore佢 (包括平時返工~!)
    希望當日會盡少同佢接觸啦!
  • ahbetbet 2013-09-29 21:35
    我做姊妹都好怕遇到D咁既姊妹. 通常我都會 IGNORE 佢......
  • Winny 2013-09-29 20:20
    Crazy_K: 姊妹A都好"幫得手"wor我之前有次去姊妹,又係有一個姊妹好煩,多野講又幫唔到手......最後佢去到酒樓既時候,走左去打麻雀,我地成班姊妹反而
    係呀~ 佢真係“好幫得手”㗎!
    仲好“細心”! 細心到大家都唔覺得有問題嘅問題都俾佢catch到!
    同佢一齊做姊妹, 一定學到好多嘢!!!
    學你個方法,嗰日叫佢返屋企瞓覺, 可能對大家嚟講都係好事喎!
  • Crazy_K 2013-09-29 19:04
    姊妹A都好"幫得手"wor
    我之前有次去姊妹,又係有一個姊妹好煩,多野講又幫唔到手......最後佢去到酒樓既時候,走左去打麻雀,我地成班姊妹反而仲開心~~~

您需要先登入才能繼續本操作