婚享同學會


可用已有生活易帳號

登入


未有生活易帳號?

立即註冊

kinkieddie的BLOG

kinkieddie的主頁 | 查看全部BLOG
自我介紹:
已是人妻級, 也都感恩有一個愛護自己的好老公, 感謝「你」一直的愛護與付出。希望能跟你分享更多的喜與樂。

你可能也喜歡…

當前第 2 個 | 共 474 個BLOG      上一個 | 下一個
查看BLOG | 返回BLOG列表

湊B日記 - 孩子讀書,你想要啲咩

14日前
好耐無係呢度寫blog啦,今日有感而發,實在想係度分享。。。

今日帶住諾諾去探朋友同行街,因為大家都有同齡小朋友,所以好自然就講起小朋友開始要揀學校。

話說朋友本來已經揀好左有幾間幼稚園遲啲拎表去報名面試,有一間仲要係心儀左好耐,但早排佢同朋友食飯,其他媽媽就話呢間學校功課太易,根本對於小朋友黎講無難道,於是我朋友就係度諗,係咪真係需要讀其他學校呢。。。。

其實,在於我既立場,幼稚園係小朋友最後既童年生活,上到小學,佢地基本上都已經唔會再有童年,點解連最後既快樂時光都唔守護呢?

讀書好講天資,有人讀書好叻,過目不忘,有啲人音樂好叻但讀書好差,有人有美術天份,呢啲都唔係靠背書而來。

香港教育制度下,所有學生基本同一隻待宰既鵝肝鴨一樣,每日抄寫背書,不斷塞你食好多野。。。。返學根本唔快樂。

或者,我係一個唔合格既媽媽,我會以小朋友自願返學,開心上學為原則,學到既係同人相處,學懂禮貌,學會體諒於足夠,什麼乘數表,什麼26個字母,什麼拼音等等,我一點都唔著重。

我生一個小朋友,唔係要迫到佢地學識好多野從而話比其他人知我有幾叻。 我係要話比人知,諾諾係一個好自願返學既開心小朋友。

各位媽媽,或者你會覺得我唔重視個仔既將來,但, 將來既野,有邊個會知???
71 次閱讀 | 0 個評論
Facebook WOW Google+ Weibo Mail
當前第 2 個 | 共 474 個BLOG      上一個 | 下一個

留下足跡

評論


您需要先登入才能繼續本操作