婚享同學會


可用已有生活易帳號

登入


未有生活易帳號?

立即註冊

kinkieddie的動態

kinkieddie的主頁 | 打個招呼

2017-04-20

  • kinkieddie 發表了新BLOG 7日前
    湊B日記 - 樂做不比較媽媽
    從一出生,世上何其多比較。 先比私家定公家出世,再比較那個快說話,行路,,再比較讀那間學校,學做到什麼。

    自問自己是一個凡人,比較之心一定有,但每個孩子都有自己成長路,當比較時,老實講,係有啲唔開心

    直到有次,諾諾比我迫佢講野,迫到喊曬拍頭,先發現,越比較,當媽既我越大壓力比個仔。

    於是,我把心一橫,咩都唔再強迫,比諾做一個快樂既小朋友,他有自己既成長路,也有自己既思想,我同老公只要默默地走在背後,陪伴佢一直行就可以了。

    日子久了,諾諾係某些事情上或者比別人學得慢,但他總會每天掛住笑臉,其實,我最重要的唔係佢讀到邊間學校,學到啲咩哄人技倆,我只需要佢係一個樂觀而愛笑既小朋友就夠。

2017-04-13

  • kinkieddie 發表了新BLOG 14日前
    湊B日記 - 孩子讀書,你想要啲咩
    好耐無係呢度寫blog啦,今日有感而發,實在想係度分享。。。

    今日帶住諾諾去探朋友同行街,因為大家都有同齡小朋友,所以好自然就講起小朋友開始要揀學校。

    話說朋友本來已經揀好左有幾間幼稚園遲啲拎表去報名面試,有一間仲要係心儀左好耐,但早排佢同朋友食飯,其他媽媽就話呢間學校功課太易,根本對於小朋友黎講無難道,於是我朋友就係度諗,係咪真係需要讀其他學校呢。。。。

    其實,在於我既立場,幼稚園係小朋友最後既童年生活,上到小學,佢地基本上都已經唔會再有童年,點解連最後既快樂時光都唔守護呢?

    讀書好講天資,有人讀書好叻,過目不忘,有啲人音樂好叻但讀書好差,有人有美術天份,呢啲都唔係靠背書而來。

    香港教育制度下,所有學生基本同一隻待宰既鵝肝鴨一樣,每日抄寫背書,不斷塞你食好多野。。。。返學根本唔快樂。

    或者,我係一個唔合格既媽媽,我會以小朋友自願返學,開心上學為原則,學到既係同人相處,學懂禮貌,學會體諒於足夠,什麼乘數表,什麼26個字母,什麼拼音等等,我一點都唔著重。

    我生一個小朋友,唔係要迫到佢地學識好多野從而話比其他人知我有幾叻。 我係要話比人知,諾諾係一個好自願返學既開心小朋友。

    各位媽媽,或者你會覺得我唔重視個仔既將來,但, 將來既野,有邊個會知???