婚享同學會


可用已有生活易帳號

登入


未有生活易帳號?

立即註冊

PatPatChi的BLOG

PatPatChi的主頁 | 查看全部BLOG
自我介紹:
2012.11.25 已經成為人妻啦!結婚前, 忙到甩轆. 結婚後, 終於有時間記低結婚的鎖碎事.
當前第 117 個|共 180 個BLOG      上一個 | 下一個
查看BLOG|返回BLOG列表

婚禮小分享- 分半點福氣給我, 不準留底我一個

標籤拋花球  婚禮統籌  2013-09-04 11:49
無錯, 今次想分享既係關於"姊妹淘"
 
我在朋友圈中算是較早結婚(P.S, 我唔係想扮細個, 我年紀唔係好細, 只不過真係咁啱比佢地早), 我的姊妹們都是未婚, 有的已計劃結婚, 有的拍拖穩定, 有的仍然戀情尋找中, 在籌備婚禮當過程, 他們幫忙很多, 而且偶爾我可能會"怪獸新娘"左, 佢地都會包容我. 當時我沒有準備什麼"給姊妹們的小禮物"答謝他們的幫忙, 只想到以前細個睇電視劇都會話"接到新娘花球的女朋友將會是下一位新娘子。" 所以我都好希望陪伴我出嫁的花球能夠傳到有緣姊妹手中, 將福氣傳給他.

然後做了少少拋花球research:
時間: 通常都會在註冊完畢之後
地點: 有一定的範圍空間
注意事項:
拋出的花球一定要有人接,有時可能會因力度或風向問題令花球落空跌在地上,但只要有人拾起該花球便可。
反之,若花球落空而又沒有人拾的話,那就不太好了。除了令場面尷尬外,更是不好意頭,因落空即是「凶」,不太吉利,所以宜先內定一位姊妹來接花球。
此外,花球一定不可以拋「散」,因有分離之意,所以宜選用小巧圓型的花球。
[quoted from 大日子]
 
 
而我既大日子rundown, 預計入席前在酒樓註冊. 如果代入以上research 資料, 我既拋花球環節, 理應在入席後, 敬酒前, 叫一聚姊妹在台前進行. 但......有鑒於大家都係女人, 特別係未婚少女就更加薄皮, 如果在席間叫一聚姊妹去台前接花球, 一定冇一個人會心甘情願去做, 因為好易比人既感覺, "嘩! 你咁落力, 你一定好想嫁!" 本人亦都曾經去過朋友婚禮, 見到新娘在席間掟花球, 一掟......姊妹們係, 花球跌落地, 再由一位小妹妹執左圓場.
 
為了承傳幸福, 我諗左好幾個拋花球方案同老公商量, 希望可以在婚禮上加入此環節時. 不過就是唯獨是呢一項環節, 我們有少少意見分歧.
 
方案1: 在迎賓前, 大約5點/6點左右, 先在酒樓小圈子拋花球
小妹立場: 迎賓前, 賓客不多, 姊妹們唔駛怕尷尬, 而且個場人少d, 空間大d, 唔駛就住掟.
老公立場: 迎賓前掟未正式註冊, 好似唔啱規矩, 而且之後進場都仲要拎花球, 掟完個花球會唔會殘晒架?!
 
方案2: 註冊後, 效法S.H.E Ella結婚咁, 花球底部準備10條8條絲帶, 姊妹們各抽一條, 然後大家一齊拉, 只有一位幸運兒既絲帶係綁著花球

小妹立場: 唔駛飛身去接, 我估姊妹會配合機會大d, 而且又唔駛怕花球接唔住跌落地
老公立場: 呢個根本係抽獎, 唔係拋花球, 冇左拋既意思, 咁不如每一台都叫人一個人出黎抽
 
講到呢到.........真係有d 激氣~ 咁又唔好, 咁又唔好, 咁點呀~
 
老公意見: 一係唔做, 要做就註冊後, 敬酒前, 叫姊妹出黎接, 唔通爭取自己幸福都要怕醜咩~
 
當然, 我知如果我堅持, 姊妹們可能唔願意, 但都會配合, 但我唔想我既姊妹因為怕醜而我既花球(我明, 女仔有矜持都好合理), 而且我好鐘意我既花球, 我唔想佢跌落地呀.........
 
所以, 在rundown 中, 拋花球呢一項環節, 從此消失.........
 
雖然拋花球沒有預計在rundown中, 但我承傅花球幸福一事沒忘記. 在散席時, 收捨物資期間, 突然有一位姊妹問, "你花球點處置?", 然後我話"梗係掟比你地啦~". 估唔到我既拋花球會係end of event 先進行. 當中有一位姊妹要求一定要掟比佢, 所以, 我亦都順理成章作狀掟左比佢啦~
 
一個星期後, 見到姊妹仲用阿士匹靈把花球養住, 對祝福珍而重之, 我覺得好開心, 希望傅說真既, 從此可以為他有來幸福.


分享 891 次閱讀 | 14 個評論
當前第 117 個|共 180 個BLOG      上一個 | 下一個

評論

  • PatPatChi 2013-09-05 10:15
    HB4Eva: 我覺得ella的方法好好,唔使尷尬,一班姊妹又可以保持靚樣得到花球〜
    係呀, 一個二個仲可以企定定影靚相
  • HB4Eva 2013-09-04 21:41
    我覺得ella的方法好好,唔使尷尬,一班姊妹又可以保持靚樣得到花球〜
  • Hei... 2013-09-04 17:23
    PatPatChi: 其實除左我姊妹團, 我仲有d 單身朋友, 係派帖時都問我會唔會拋花球,
    所以其實我真係好想拋架~
    不過最後直接送左比其中一位姊妹, 都叫做送左福氣出去, 我都覺得好
    因為我會請既朋友唔多,同埋好多都已經結咗婚
    所以先怕冇人接
    其實送出既IDEA都幾好...如果真係唔拋花球我會送俾我最想祝福既人
  • PatPatChi 2013-09-04 14:15
    Hei...: 我都應該會skip拋花球
    因為我姊妹團人數唔多,又冇其他人去接
    除非有人話要接
    其實除左我姊妹團, 我仲有d 單身朋友, 係派帖時都問我會唔會拋花球,
    所以其實我真係好想拋架~
    不過最後直接送左比其中一位姊妹, 都叫做送左福氣出去, 我都覺得好滿足
  • PatPatChi 2013-09-04 14:12
    Piggy2013: 我最遲先嫁得出...d姊妹嫁晒lor...冇得拋花球!
    哈哈, 咁你唔駛考慮拋唔拋, 煩少樣野
  • Hei... 2013-09-04 13:45
    我都應該會skip拋花球
    因為我姊妹團人數唔多,又冇其他人去接
    除非有人話要接
  • Piggy2013 2013-09-04 12:33
    我最遲先嫁得出...d姊妹嫁晒lor...冇得拋花球!
  • PatPatChi 2013-09-04 12:20
    ChirstyLo: S.H.E的方案good idea, 免除尷尬
    我都係咁話, 不過我老公唔buy 我, 激死我
  • PatPatChi 2013-09-04 12:20
    ahbetbet: 我就係試過有次做姊妹冇人接花球, 所以決定取消呢個環節, 反而我大部份姊妹/好友都嫁左!!
    唉, 我都見過人地閃花球......我真係好鐘意我自己個花球, 我唔想比人厭棄佢

    唔拋就唔駛閃, 大家都唔駛尷尬
  • lum_ing 2013-09-04 12:18
    PatPatChi: 其實都係架, 如果唔拋, 就唔駛迫人接. 其實到最尾直接送比真正想要既人仲好!

    我有朋友為左拋花球, big day 準備左2 個花球, 鮮花for照相, 絲花for 拋~
    我見到好多新婚靚太都係鮮花for影相,絲花for拋~
    即使到最後我準備兩個我諗都係為靚d影相唔會拋~
  • PatPatChi 2013-09-04 12:17
    lum_ing: 我...諗住唔拋花球...唔洗煩...
    其實都係架, 如果唔拋, 就唔駛迫人接. 其實到最尾直接送比真正想要既人仲好!

    我有朋友為左拋花球, big day 準備左2 個花球, 鮮花for照相, 絲花for 拋~
  • ChirstyLo 2013-09-04 12:12
    S.H.E的方案good idea, 免除尷尬
  • ahbetbet 2013-09-04 12:05
    我就係試過有次做姊妹冇人接花球, 所以決定取消呢個環節, 反而我大部份姊妹/好友都嫁左!!
  • lum_ing 2013-09-04 11:56
    我...諗住唔拋花球...唔洗煩...

您需要先登入才能繼續本操作