婚享同學會


可用已有生活易帳號

登入


未有生活易帳號?

立即註冊

Aliccia的BLOG

Aliccia的主頁 | 查看全部BLOG
自我介紹:
淘寶分享> http://alicciastory.blogspot.com/
當前第 9 個|共 26 個BLOG      上一個 | 下一個
查看BLOG|返回BLOG列表

婚享 PART 2: 證婚 & 設宴 @ CLUB ONE 西港城大舞臺飯店

標籤婚宴  clubone  西港城  大舞台  大舞臺    2013-09-24 11:45
早上出門、入門都沒有甚麼特別要說,所以直接SKIP 去下午的證婚和擺酒場地︰CLUB ONE 西港城大舞臺飯店

先說之前幾次跟大舞台聯絡的情況。個人狠喜歡大舞台這個場地,不過整個服務,只能說勉強合格。各位新人強烈建議你不要在CLUB ONE 大舞臺設宴,辦喜事都係想開開心心,在大舞台你開心之餘仲有好多氣要受。CLUB ONE 好好生意,成件事都用『唔憂做態度』對新人,我自己BOOK 左受過氣,都唔想再有B2B 無辜再中伏

早兩年在會展訂酒席的時候,當時的SALES 說可以早點給我們用新娘房,也可以安排3點證婚的,可惜當時沒有錄音(姊妹去訂酒席真的真的要記得錄音,保障自己)。

結果呢,落了兩次訂,最後一個月前落大訂的時候,先說最早只可以3點半 SET 好前半的場以供4點正證婚,新娘房早到可以隨便用,不過唔會有人理你唔會有人手SERVE。你都講到出口,咁我都骨一聲吞左算,唔駛你SERVE了

但係我帖都印好左下午3點證婚,你以家來同我講最早4點交場

FINE 算數(我都未講CLUB ONE帖,又係一肚氣),我再FIRM 過律師同REMIND 會來見證的親朋好友

如果新人知道自己較多親友想要麻雀耍樂,要注意大舞台只提供 8 枱麻雀,多過8枱要自備,亦沒有台灣牌。(『係得8,有少冇多』

到左當日,2點50分去到個場,竟然個場係度幫另一對新人搞LUNCHEON ,成個場都亂到爆,新娘房被人佔用中,負責人YUKO 影都唔見

老實講我去到真係打左個突,行到去電梯D接待板仲寫緊另一對新人個名,我仲以為自己BOOK 錯日子定點,仲要個YUKO 係找極都唔見人(連STAFF 開WALKIE 都找唔到囉)大舞台一早知同日有兩個FUNCTION,如果你早D講一聲LUNCH 有另一對新人,我都唔會打個突,又可以自己預算下時間同其他野

CLUB ONE 大舞台真係一句都冇出過聲,提都冇提過

仲要我行到去新娘房,YUKO 先彈出來話仲有10分鐘,叫我行埋一邊等下,一早講左3點先交新娘房。以家未夠3點冇得交 < 原句佢真係咁同我講,態度同語氣真係想激到我嘔血,你以家咁樣算係點?趕客嗎?佢地D『一早講左』冇人知幾時同咩人同你講GA,好神奇

因為當時真係好激氣(我成個頭同化妝都要轉,又要換衫,呢D真係分秒切爭),所以我一直看著時間,去到2點58分,YUKO 先行入去提上一個新娘PACK 野走

最後到了3點,冇人由新娘房走出來交房,我直接自己行入去,YUKO 呢個時候先出來又講兩句叫我在一邊SET 妝先。3點應該要PASS OVER 但係我只拿到個角落頭可以化妝轉造型,仲要背後上一手D人同我D兄弟姊妹出出入入爭路

理所當然大舞台係唔會SAY SORRY 或者有任何抱歉表示

之後轉造型,4點 FINAL RETOUCH KO 左就出去證婚(基本上上一手都係咁,佢地都唔駛點轉D野都OK)

好彩我有班好幫得手GE 兄弟姊妹,而且化妝師TING @ AS MAKE UP 都好得,所以好快就平復番

證婚約了譚英傑律師,之前見家姐結婚用佢都OK,講野清楚不拖泥帶水,我唔想要找搞氣氛GE 律師(證婚我覺得係一件好莊嚴GE 事),覺得佢講野同個樣OK同正正常常, 而且收費合理(HKD2800),所以找番佢

譚英傑律師準時而且都有交帶,不過佢個助手好唔得,所有文件第一個DRAFT 都係錯GE,大家如果找譚律師一定一定要CHECK 清楚,佢個助手第一次係打錯晒我同新郎的名、身份證號碼同地址(基本上冇野係正確,佢對著張身份證副本同銀行信都係打錯晒),每一次有文件往來都要小心小心CHECK 多幾次,OK 先交番比佢

除了新娘房一開始有D亂,之後整晚都OK

LACE 手套好靚~ 好彩有買到~ >3<

席前小食係另一個問號,完係係估你唔到……我們有join 席前和特色婚宴,應該提供到100人份量的fruit punch 和小食,可是大家都說 clubone 大舞臺的席前小食好難吃,而個fruit punch顏色同味道都好像李斯德琳……我地4點證婚,7點入席,8點開始(8點半我自己都可以在主家席食緊乳豬了,全部都比較早但係我想早d),4點到7點應該係有席前小食和fruit punch,但係6點幾左右,我仲在台上同guest 影緊相,竟然見到爸爸同細佬拿了十打西餅來——因為席前小食唔夠。如果大家的guest 比較多而且早到,真係要買定多d西餅

夜晚整個婚禮都好SMOOTH,我們的朋友仔都話好食,不過媽媽有一台就話煮到又燶又咸。整體而言食物OK,係有一台真係差左D,其他都冇聽到話有問題,反而有不少朋友話好食

另外媽媽有朋友說個場比較黑,所以電話影相狠難拍得好睇

不得不提二樓對正台的3圍台,係冇冷氣,當晚非常熱(天兔打風前,香港悶熱到爆炸),如果早一兩天還有風 / 冬天會好一點,不過天氣熱就真的不要開那3圍台,那邊是熱到難以呼吸的地步

整體而言,CLUBONE 大舞台得個埸好靚,食物尚算OK,好處係不會要添D添d加大最後尾數,也冇話要好多利是(well 佢咁ge 態度我都比唔落),不過服務態度,不予置評

總之不建議大家在 CLUBONE 大舞臺設宴


分享 6388 次閱讀 | 28 個評論
當前第 9 個|共 26 個BLOG      上一個 | 下一個

留下足跡

評論

  • keikei_wong 2013-12-16 02:52
    CLUB ONE帖,又係一肚氣)
    <<mind. to share?
  • Aliccia 2013-11-14 20:57
    BLUESKYMA: 你個日係咩色?
    介唔介意講下你用左咩色衫?
    我用了紫色
    你去看看全部留言 / 爬下blog,有相
  • BLUESKYMA 2013-11-14 12:41
    你個日係咩色?
    介唔介意講下你用左咩色衫?
  • Aliccia 2013-11-13 16:28
    pcw: 我只知道3隻色....紫....金.綠..
    我睇場個日剛剛有人用紫色..真係好靘好浪漫...但揀衫就要就番唔可以太深色lor..(朋友比的意見)d燈光又好似暗咗d
    燈光可以叫佢地較光D,我中間有段時間叫左佢地教光D比我影相
  • Aliccia 2013-11-13 16:27
    BLUESKYMA: 我都BOOK左下年大舞臺丫,
    同主題婚宴..(點知係咩都冇...)
    各位SIS有JOIN, 記唔記得有邊四隻主題色你選?(我記得有紫, 白, 金...)
    其實最煩係揀衫問題, 因為佢個
    4隻色仲有一隻係綠,不過聽講會轉,得番3隻,你要問下大舞台

    我就揀左紫色(呢邊會見到實地影紫色會點︰http://wow.esdlife.com/space.php?uid=38034&do=blog&id=162324
  • pcw 2013-11-13 12:23
    BLUESKYMA: 我都BOOK左下年大舞臺丫,
    同主題婚宴..(點知係咩都冇...)
    各位SIS有JOIN, 記唔記得有邊四隻主題色你選?(我記得有紫, 白, 金...)
    其實最煩係揀衫問題, 因為佢個
    我只知道3隻色....紫....金.綠..
    我睇場個日剛剛有人用紫色..真係好靘好浪漫...
    但揀衫就要就番唔可以太深色lor..(朋友比的意見)
    d燈光又好似暗咗d咁...如果要就d衫..唯有用金色做主題啦. ..
  • BLUESKYMA 2013-11-13 10:30
    我都BOOK左下年大舞臺丫,
    同主題婚宴..(點知係咩都冇...)
    各位SIS有JOIN, 記唔記得有邊四隻主題色你選?(我記得有紫, 白, 金...)
    其實最煩係揀衫問題, 因為佢個埋太埋,
    如果揀紫色, 其實會唔會好難揀衫....
  • Aliccia 2013-11-11 15:49
    pcw: 請問你擺咗幾多圍呀 ?你要咗個咩plan 架酒菜呀 . .?
    最後擺了28(定29?已經唔記得了),我係兩年前上訂金的所以我的菜單和現在的不一樣
    酒水PLAN 係500 一圍任飲啤酒汽水果汁先生(定300呢?都唔好記得)
  • pcw 2013-11-11 15:42
    請問你擺咗幾多圍呀 ?你要咗個咩plan 架酒菜呀 . .?
  • shanbi 2013-09-25 23:39
    ernestca: 我join左席前小食哦,佢話會不斷refill至8:00,唔係嫁咩???啊~~~救命呀......
    唉...要學識唔可以信D STAFF 講既野,要佢白紙黑字記低

    仲有一樣野,我JOIN左佢主題婚禮,會有椅套。俾曬2訂佢先講,到時可能會轉曬木既CHAIR。椅套放係木CHAIR,成件事就唔夾,本身好GRAND既一件事,變左係木CHAIR上整個蝴蝶結!HOW COME?!?!?
  • Aliccia 2013-09-25 14:55
    anne_tingting: 我沒有訪問過親友們食物質素.... 當日d staff 用個3層tea set碟裝左d小食比我, 一路化妝可以食少少野...
    不是很好食, 又不至於太差....
    當日都有人用3層TEA SET 裝左野比我,不過最後都冇食到,可能D兄弟姊妹行過肚餓拿來食都唔出奇。我好CLOSE GE FRD 之後一日同我講,夜晚D野食OK,係個席前真係真係好差…… /__\

    可能你中了同集團的WEDDING PLANNER 所以樣樣都跟得好D,我冇JOIN 佢地個PLANNER 又冇抽中真係灰到爆…………
  • anne_tingting 2013-09-25 13:52
    Aliccia: 小食當初話會REFILL(我都有問過),係野飲得100人份量。不過個野飲真係好好好難飲,杯杯都成杯李斯德林咁囧搞到我都唔好意思…而d 小食係真係難食,4點開始小食
    我沒有訪問過親友們食物質素.... 當日d staff 用個3層tea set碟裝左d小食比我, 一路化妝可以食少少野...
    不是很好食, 又不至於太差....
  • anne_tingting 2013-09-25 13:48
    Aliccia: 你真好彩但係我真係一肚氣…你幾時結的?點解有WEDDING PLANNER 送?我那邊個YUKO 在9月頭都有WHATSAPP 我間中交待下,事前跟野都OK,不過之前最後落訂講
    3月擺酒...wedding planner 是banquet前一個半月公司來電說抽中我們... (好像每月抽幾pair)... 很好, 有2次meeting, 幫我們找歌, 做rundown etc. 之前有wow友都中過獎

    不止酒, 我連回禮禮物, 佈置物品, 晚裝都預早拎晒去.... 部分仲係叫vendor直接送貨... manager收貨後都會whatsapp我...

    十分同意lunch有function要一早出聲!! 其實一日擺兩場真係會好迫!
  • Aliccia 2013-09-25 09:23
    anne_tingting: depends妳有多少人...
    我有join席前小食... 安排在證婚後出...(around 6pm),
    當係cocktail比出席證婚的親友....

    因為席前小食係around 100人份量....
    不過我有
    小食當初話會REFILL(我都有問過),係野飲得100人份量。不過個野飲真係好好好難飲,杯杯都成杯李斯德林咁囧搞到我都唔好意思…而d 小食係真係難食,4點開始小食,4點的時候朋友去拿都已經係"林"晒蝦片上面加腸仔,仲要話會REFILL 的小食冇REFILL…可能有REFILL 我唔知,又可能我D GUESTS 大家都早到而且多人(因為我出面KEEP住有車車大家過來)你的席前小食係咩?得唔得?
  • Aliccia 2013-09-25 09:19
    anne_tingting: 幸好負責我婚宴的Staff 好好.... 之前一直whatsapp溝通... 之後佢地仲送埋wedding planner 比我....所以家長&我地都好滿意大舞臺的服務....

    妳當日lunch有w
    你真好彩 但係我真係一肚氣…你幾時結的?點解有WEDDING PLANNER 送?我那邊個YUKO 在9月頭都有WHATSAPP 我間中交待下,事前跟野都OK,不過之前最後落訂講ge 野同當日安排差好多。

    我個日的前一日都有人擺婚宴,不過都可以照送紅酒那些去大舞臺(HUMMM 我想可以早一兩日送貨過去存起呢個係BASIC 野吧?)

    其實佢如果早D講一聲LUNCH 有FUNCTION,我們大家就一就都好D,不過成件事就真係冇出過聲,我來到的時候真係好亂而且又找唔到負責人,仲要負責人出現之後佢有幾次對著我黑面 =.=(我都未黑比佢睇,佢就黑晒,想點?)
  • anne_tingting 2013-09-25 09:12
    ernestca: 我join左席前小食哦,佢話會不斷refill至8:00,唔係嫁咩???啊~~~救命呀......
    depends妳有多少人...
    我有join席前小食... 安排在證婚後出...(around 6pm),
    當係cocktail比出席證婚的親友....

    因為席前小食係around 100人份量....
    不過我有over 150人.... 所以都叫兄弟取d 西餅....
    我當時同負責我婚宴的經理溝通, 如不夠食就再取西餅...
  • anne_tingting 2013-09-25 09:07
    幸好負責我婚宴的Staff 好好.... 之前一直whatsapp溝通... 之後佢地仲送埋wedding planner 比我....所以家長&我地都好滿意大舞臺的服務....

    妳當日lunch有wedding真係唔好彩... 因為我之前一日都沒有wedding, 所以早一日已經可以擺野入新娘房... 當日我around3pm去到... 佢地轉場中, 兄弟姐妹各自prepare, 我轉妝後仲去天台影pre-wedding...

    婚宴後club wedding會send evaluation比妳 ga... 可以直接complaint!!
  • ernestca 2013-09-25 00:42
    shanbi: 我都BOOK左,但佢同我講席前小食會REFILL,唔會唔夠食。
    好彩我最後都決定自己帶餅去,冇JOIN到席前小食。

    但我都覺得CLUE ONE(唔知其他婚宴場地會唔會都係甘)
    我join左席前小食哦,佢話會不斷refill至8:00,唔係嫁咩???啊~~~救命呀......
  • ernestca 2013-09-25 00:35
    我都book左下年嘅大舞臺,啊.......真係好令人擔心~~特別係講完唔算呢part!
  • shanbi 2013-09-24 23:45
    我都BOOK左,但佢同我講席前小食會REFILL,唔會唔夠食。
    好彩我最後都決定自己帶餅去,冇JOIN到席前小食。

    但我都覺得CLUE ONE(唔知其他婚宴場地會唔會都係甘)佢地講D野前後矛盾,好似好多野到左落2訂,佢地都唔清唔楚,咩都講唔定甘。但由於做喜事,又唔想同佢地嘈,學你話,"骨"一聲吞左佢
  • Aliccia 2013-09-24 16:53
    Littlerara: 我都訂左下年既大舞台, 睇完你咁講, 真係有D擔心......
    大舞臺 D 野你真係要自己跟緊D,好多野你都要主動問,佢地先會回覆你。對佢地來講,午市 11-1500 係重要過你夜晚擺酒,早左到佢地都係話要做晒午市,等午市D客走晒先會照顧你。如果當初我知佢地係咁我真係唔會BOOK呢間擺酒

    希望未落訂的 JM 真係想清楚,到冇CHOICE 先考慮呢間

    今年9月20日真係好多新人結婚,我早兩年都BOOK 唔到大場,最後才找到這一間。原本想個場好靚,而D負評都成幾年前,期望今年會好左啦,點知…………
  • Aliccia 2013-09-24 16:50
    MOGRI: 如果唔好真係寫blog remind 下D JM~
    好彩最後都順利完成, 留低開心回憶就得啦~
    基本上成件事都係開心GE,個場真係好靚,係D SERVICE 真係拉底晒……
  • Littlerara 2013-09-24 15:53
    我都訂左下年既大舞台, 睇完你咁講, 真係有D擔心......
  • MOGRI 2013-09-24 15:26
    如果唔好真係寫blog remind 下D JM~
    好彩最後都順利完成, 留低開心回憶就得啦~
  • Aliccia 2013-09-24 13:40
    MsS: 我都係譚英傑律師,同你一樣個助手比我地D野係錯ga,新郎個姓串錯,但老爺係岩,唔知想點......又成日講錯男友個名......係價錢平囉......
    我都估唔到律師助手樣樣野都可以錯到咁過份,佢真係試過打幾行字,冇一行係正確ga =.= 真係得個價錢平同個律師講野咬字ok 呢一點可取 囧
  • Aliccia 2013-09-24 13:38
    manmanie: BIG DAY果日係開心日子, 遇到D咁既service又真係會燥左,
    好在你一切順利~~恭喜晒~~
    Thank you~ 其實有班好幫到手的兄弟姊妹好重要,不過 CLUBONE 大舞台真係好唔得,成個下午D安排亂到七彩,個MANAGER yuko 同負責新娘的cat 都係態度一般(說不上好,大部份時間係正常,不過間唔中會好差),就算我自己另外再比利是都係咁 =.=
    一直以來都好難找到 clubone 大舞台分享,所以自己專登打長d,而佢地又真係有好多唔好野比我寫
  • MsS 2013-09-24 12:47
    我都係譚英傑律師,同你一樣個助手比我地D野係錯ga,新郎個姓串錯,但老爺係岩,唔知想點......又成日講錯男友個名......係價錢平囉......
  • manmanie 2013-09-24 12:16
    BIG DAY果日係開心日子, 遇到D咁既service又真係會燥左,
    好在你一切順利~~恭喜晒~~

您需要先登入才能繼續本操作