婚享同學會


可用已有生活易帳號

登入


未有生活易帳號?

立即註冊

alcien的BLOG

alcien的主頁 | 查看全部BLOG
自我介紹:
http://www.facebook.com/ireneleungalcien

你可能也喜歡…

當前第 3 個 | 共 43 個BLOG      上一個 | 下一個
查看BLOG | 返回BLOG列表

全面分析dermes、Medilase、Musee、銀座Calla 4大脫毛中心

標籤化妝  脫毛  10月前

相信好多sis都知道,網上有好多關於美容既討論同埋分享,用黎參考當然好有用,不過我自己都係偏向「信自己」,唔係話覺得人地分享既野唔好,只係因為我自己成日睇完網上既分享都仲會心大心細,所以通常睇完網上既資料同用家分享,都會再自己打去問,或者直接去試做。今次我去脫毛毛都唔例外~我就比較咗4間脫毛中心: dermesMedilaseMusee、銀座Calla

 

利申: 我只係去咗試做dermes同埋Medilase

 

 

論年資及信譽

dermes1999年成立,有17年歷史,我小學既時候已經係到@@dermes而家已經有13萬人join咗,的確平時聽好多sis話去做激光脫毛都係搵dermes,而且佢地既母公司係 Neo Derm Group (曾獲得HKMA優質管理金獎,旗下有reenex, elyze等醫學美容品牌) ,醫學美容經驗比較豐富,公司實力同信譽應該有番咁上下。

 

Medilase就係2013年成立,2,3年左右,係比較新既公司,母公司香港醫學抗衰老中心,有100bloggers見證,20萬個正評(Facebook likecomment)

 

另外兩間係日本成立,近年打入香港市場既公司: MuseeCalla

 

Musee係香港成立咗8年,係日本就有好多分店,不過佢唔係做激光脫毛,而係彩光脱毛,所以唔會做到永久脫毛既效果;而銀座Calla創業23年,2013年先進駐香港,Calla係做激光脫毛既,不過Musee同埋Calla既脫毛療程就唔似dermesmedilase咁,用既儀器冇拎晒FDA認證同埋歐盟28個國家安全證明(CE) 認證,所以我自己會有少少卻步,始終安全最緊要,所以我都無諗住去MuseeCalla做脫毛~

 

 

脫毛技術及儀器

dermes用既係現時最好既755波長激光脱毛技術,療程時配合敷冰、凍gel、冷風三重cooling紓緩肌膚,試做既時候都唔覺痛;儀器方面dermes用既係Cynosure Apogee+,配合12mm極細機頭,可以精準咁去除每條毛毛,如果要做既係underarm,髮線呢類彎位較多既部位,機頭夠細就可以確保每個細位暗位都會cover到,就算用喺比堅尼位呢類部位,脫毛效果都會仔細好多。

Medilase同樣都係用755波長既儀器,CANDELA GentleLase ProTM,射出激光既同時,會射-20度既冷凍劑出黎。試做既時候,治療師打咗2下,1下係只有冷凍劑,1下有冷凍劑加激光,激光果下緊係痛喇,但只有冷凍劑果下我都覺得痛痛地,好似俾水柱射到咁。機頭方面,Medilase就用24mm機頭,療程時間相對快啲,不過覆蓋范圍一定無12mm咁精準,同埋機頭大咗,激光光線都會分散咗。當然Medilase2-3年,感覺上儀器會新啲,但係新野通常要時間改善!

銀座Calla用既係Diode 808波長,大概係上一代既技術,我上網睇,sisCalla果種脫毛療程唔係一下下打落皮膚,係一下下掃過做果個部位,而且Calla有個「美肌潤美保濕噴槍」,聲稱可以係脫毛同時鎮靜及滋潤肌膚,但係佢既脫毛機原產地係~中國。我..唔係好敢用中國機(..)

Musee用既係彩光,佢用既脫毛方法叫S.S.C.脫毛,Smooth Skin Control 光滑嫩膚」脫毛,claim話脫毛既時候唔會痛。佢website有寫成個脫毛流程出黎: http://www.musee-hk.com/treatment/,主要以Gel keep住皮膚低溫,做完療程後就敷冷敷墊鎮靜皮膚。

 

服務及專業性

dermes治療師經過280 小時嘅專業訓練,療程時治療師對準每一寸肌膚,90度直角咁逐下逐下打落去,配合埋個12mm極細機頭,唔放過一條毛毛,正所謂慢工出細貨,真係一門手藝~ 試做完之後,治療師好清楚咁解釋激光脱毛療程既原理,佢話要做6-8次療程,先可以達至最佳效果,仲叫我番去慢慢考慮,我覺得唔太hard sell (可能太多客唔係好洗狂sell~)。期間治療師仲同我傾咗好多脫毛心得,原來用剃毛機係好傷皮膚架! 總括黎講dermes治療師俾我既感覺幾專業,值得一提既係試做完已經見到皮膚白滑咗,因為治療師話做一次已經去除咗20%毛毛。

 

Medilase 既試做有少少唔同,因為佢唔係真係做晒一個部位,佢叫PRO TEST,簡單黎講就響你想做脫毛果個位試篤2下,之後顧問會再講解一下,佢就話3-4次已經可以做到永久,我就有少少懷疑,因為網上sis多數都要做1年先清到毛毛,3-4次我諗未必得;同埋佢地比較急進,好多時間都係放咗係sell我度,係咁問我有咩要考慮,叫我即日開plan,話有多啲優惠,好似有轉會優惠,當然精明既我係會選擇試晒再番屋企分析一下先決定喇~

 

價錢及優惠

dermesMedilase都係一個位置只收取一次費用,兩者相比,dermes價錢會比Medilase高少少,不過唔算差好多,都係有新娘同學生優惠,dermes好似定期都會推唔同優惠。如果要最平,就可以考慮番Musee同埋Calla,佢地係以類似$388低價招客既~ 但如果要永久效果,dermesMedilase先會做到,如果做唔到永久效果,其實幾平都冇用..

 

總括而言,我自己會傾向選擇dermes,因為試做完真係見到有效果,而且價錢唔算差好遠,一世保證,我覺得都值! 治療師俾我既感覺都較為專業,更加重要既係,我今次要做既係underarm,所以dermes12mm極細機頭會適合一點~不過我覺得每個人既需要都唔同既,希望以上既分析幫到大家喇!!

 

大家可以去dermesMedilase試做咗先,我去dermes做仲有bioderma送,好開心>W<

dermes:

http://www.dermes.com.hk/tc/promotion/DSELA0915A?ref=DBLOA0716F

Medilase: http://www.medilase.com.hk/%E6%BF%80%E5%85%89%E8%84%AB%E6%AF%9Bmedilaseprou/201510_besexypromo-mainsite/

6975 次閱讀 | 4 個評論
Facebook WOW Google+ Weibo Mail
當前第 3 個 | 共 43 個BLOG      上一個 | 下一個

評論

  • alcien 10月前
    外星小姐: 2間我都有join,
    不過真係Medilase既效果遠遠未能做到我想要既效果 !

    想當年我同一時間 join dermes 腳 , 同埋medilase 既手
    腳我未做之前成日都會自己處理,
    吓, 荷爾蒙只影響手唔影響腳? 咁你點同Medilase 講?
    Dermes 都真係好快幫我KO 我頑強的 underarm毛毛呢~ 那你腳本身多唔多, 如果大半年已經KO 8 成也真不錯呢~
  • alcien 10月前
    ae20150103: dermes好hard sell 架, join左你就知咩事
    千祈唔好1join就join full package,因為之後佢無得sell,服務會好差
    我最初是Join dermes, 我果時個Consultant 就唔算Hard Sell, 而且當大家熟咗的時候有時佢都幫我打多D  , 所以我之後打咗兩年後都無再返發...所以我幾個Fd 之後我介紹佢地join 過都ok, 不過不排除會有個別員工會這樣子.
  • 外星小姐 10月前
    2間我都有join,
    不過真係Medilase既效果遠遠未能做到我想要既效果 !

    想當年我同一時間 join dermes 腳 , 同埋medilase 既手
    腳我未做之前成日都會自己處理, 攪到d 毛好粗,
    而手係從未處理, d 毛係偏幼

    dermes 我做左大半年已經ko 左8 成既毛毛
    但medilase 反而愈做愈差..... 同medilase反應, 佢地賴係我荷爾蒙問題 (如果係呢個問題, 點解我做腳冇愈做愈差?)

    所以我都係會揀dermes, 貴係貴d, 不過起碼真真正正ko 到d 毛毛!
  • ae20150103 10月前
    dermes好hard sell 架, join左你就知咩事
    千祈唔好1join就join full package,因為之後佢無得sell,服務會好差