嚇屎人兼好搞笑o既燕麥鬆餅

點樣嚇屎人?哈哈~其實係嚇孱我至真呀~

因為焗完出o黎個鬆餅發到成座山咁高,個餅面仲好似火山口咁~

一見到個樣即刻唔想食呢~Wakakakaaaaa

面我整完第一時間走o左去影相比"野蠻女友"過目下先~雖然佢話整得唔錯,但係.......

佢一路係咁笑~笑唔停,估唔到我整o既o野食可以帶比"野蠻女友"咁多

歡樂呢~Wakakakaaaa~不過當我見到個鬆餅o既時候我都忍唔

住係咁笑hahaha~其實我整呢個鬆餅最大問題係...個模呀~都唔知點用

我開頭未用ge時候最擔心係好難脫模,點知原來易過借火呀~HaHaHa

原來最難ge係,個餅發到個頂圓碌碌咁~但係個公仔係o係餅底o架喎~

咁點先睇到呢??同埋D公仔點先會清楚D呢??不過呢個鬆餅係好食

焗完個餅面好香好脆~燕麥又有益o岩晒番薯食呢~

材料:

燕麥鬆餅粉250g(二德惠有售)  蛋90g(大約2隻)  水55g 沙拉油70g

做法:

將所有材料(沙拉油除外)拌勻後,用打蛋器用中速打4分鐘

然後落沙拉油拌勻後,用200度焗20分鐘