婚享同學會


可用已有生活易帳號

登入


未有生活易帳號?

立即註冊

1437ritalo的BLOG

1437ritalo的主頁 | 查看全部BLOG
自我介紹:
歡迎到我的fans page看我的美容,美食或親子日常生活分享 ^^ www.facebook.com/1437ritaandhim

你可能也喜歡…

當前第 3 個 | 共 194 個BLOG      上一個 | 下一個
查看BLOG | 返回BLOG列表

懷第2胎同懷第1胎,心路歷程大不同。

11日前

人人都話做媽媽好偉大,但其實未真正懷孕、未經過生產的痛、仲有照顧BB的日夜忙碌,你係唔會明究竟阿媽有幾偉大。當我懷第一胎時,我同大部份媽媽一樣對新生命來臨充滿希望,身邊所有人都會對自己特別緊張,不論家人、朋友、同事知道你懷孕都會盡量遷就,老公就更加當你女皇看待,想食乜飲乜都照顧周到,每晚仲會同BB傾計,多幸福的畫面呢。^^''

當生完第一胎,小周董步入3歲,我地就開始考慮生第二胎,原因我唸同好多爸爸媽媽一樣,唔係自己特別鐘意小朋友,9成都係為左第1個小朋友想佢有個伴,將來有兄弟姐妹陪伴,有人同佢玩,有人同佢分擔分享。......好感謝上天賜福,好快我己經懷有第二胎了。

不過我發現懷第二胎同懷第一胎,心路歷程有好大分別,先講身體狀況,醫生話原來好多人第二胎都會比較辛苦,反應亦都會比較大,有可能因為年紀大左身體差左,亦有可能係因為身體其實有記憶,再次懷孕煥醒返身體記憶,身體提早有不同的反應出來,好似我咁第一胎好後期先會抽筋,但我現在懷孕第二胎 5個多月己經開始有抽筋情況,哈~ 但好彩有暖男小周董幫我按摩 hehee

個肚亦都明顯比第一胎大得快,現在5個多月但個肚就好似第一胎7個月時咁大,腳痛腰痛、尿頻等呢D情況都已經開始出現。=.=

至於心理上更加同第一胎有好大不同,第一胎雖然人人都話生仔好痛,但個種痛根本別人點形容都唔會明,所以第一胎懷孕時都只能"想像"個種痛。我相信不論開刀或順產都有不同程度的痛楚,而我第一胎生產期間因為有D少狀況出現,在無任何止痛情況下順產,個種痛我到今時今日都仲歷歷在目,所以懷第二胎以上的女人,間中都會回憶個種痛,在一個巨大痛楚陰影下再次迎接生產,個種恐懼其實比第一胎大,需要的勇氣亦都比第一胎多。

其實第二胎在心理同身理狀況都比第一胎差,但可惜好多人以為你曾經生過就當左你係超人,好多人覺得你唔係第一次,無乜特別姐,最無奈係連老公亦都一樣,可能現成有一個小朋友,老公有時間都會盡量做好爸爸角色,陪小周董玩/傾計/睇圖書,但對於我肚入面呢個東西,好似無乜太大緊張,就算懷孕初期經常不適佢亦唔會好似第一胎咁對我多加照顧,有比較之下,導致倆公婆經常鬧交。

加上因為第一個小朋友己經大個,就算懷孕有多累,都要做好媽媽責任,繼續用心用力照顧小朋友,什至更加需要顧及佢既感受,會多D陪佢玩,多D同佢溝通,唔想比佢擔心因為BB出現,父母會分薄左對佢既愛,所以懷第二胎的媽媽會有多重憂慮,有時會覺得身心都筋疲力竭。

所以間中我地真係控制唔到情緒,會鬧點小脾氣,但其實老公們你地只要簡單一D表示,己經可以舒緩我地的情緒,例如多點問候關心、一齊照顧小朋友、分擔家務,如果可以的話帶我們大吃一餐或買束小花表心意,我們己經覺得懷孕並唔係一件孤獨的事。我算幸運,老公都會花點小心思氹下我呢個麻煩孕婦 hahaaa

而小周董亦都好生性,由佢知道做哥哥一刻開始,佢每日都來摸摸我的大肚,每日同肚入面的BB傾計唱歌,每日KISS我個肚仲多過KISS我塊面~哈哈 So sweet ^^

雖然懷第二胎己經無可能再當女皇,不過懷孕時只有我一個可以感受到BB係肚入面跳舞,其實都係一件好幸福好奇妙的事,不過最後奉勸大家(尤其老公)唔好再同第二胎的孕媽媽講 : "第二胎會生得快好多,OK啦"~~~ 原來好多第二胎孕媽聽到都會暗不爽,因為醫生都有講每一胎情況唔一樣,同埋就算真係生得快D,我地都要同樣經歷十級痛,唔係生過一胎就即刻變左超人唔怕痛呢。

希望大家同埋各位老公們,當你知道有人懷有第二胎(或以上),請記住懷孕2胎以上的女人其實係更辛苦,請比多D鼓勵及支持佢地,有人一路支持我地行呢條10個月的路會更容易,亦令我地可以再次鼓起勇氣進入產房,有力量再次迎接那種十級痛。


做左阿媽先知道媽媽體內潛在無限母愛及忍耐,阿媽真係好偉大,媽媽們:你們是最捧的,加油啊!! ^^

 <a href=www.facebook.com/1437ritaandhim" border="0" height="200" src="https://3.bp.blogspot.com/-17ZJYPWk3ck/WR099iLbg4I/AAAAAAAAEYs/xWr__6UnqgkSLvnFDhvfbWED3AaPizyQQCEw/s200/IMG_5127.JPG" width="200" style="cursor: move;">

www.facebook.com/1437ritaandhim

歡迎大家給予意見,如有任何邀稿或產品試用,請電郵聯絡: ppqq1437@yahoo.com.hk,我的其他15個BLOG分享包括: InstagramBlogspotBeautyExchangeOh爸媽、24partent專家博客Weshareshe.comtheZtyleELLE.comstyle-tips U BlogiTrialEsdlife靚太clubQOOZAMybb.com,  ClassesWePlay星級bloggerMamibuy駐站部落客OpenRice(級別5)

379 次閱讀 | 3 個評論
Facebook WOW Google+ Weibo Mail
當前第 3 個 | 共 194 個BLOG      上一個 | 下一個

評論

  • Janetysc 11小時前
    生第二胎真係要好大勇氣,又要重新經歷過陀bb既辛苦受同擔憂~加油呀媽媽~
  • clcjanus 11日前
    well said!!! 生第2胎更多野驚 !!!!!!!!!
  • Karlbaby 11日前
    very well said!!!

您需要先登入才能繼續本操作