婚享同學會


可用已有生活易帳號

登入


未有生活易帳號?

立即註冊

你可能也喜歡…

當前第 2 個 | 共 13 個BLOG      上一個 | 下一個
查看BLOG | 返回BLOG列表

Son & Sam Vol. 8 [#1個鐘任試狂試?#Join 完仲有優惠?#支持香港#本地設計師

12日前
上個星期我體驗了一間勁快手、勁殷勤、職員勁健談既婚紗禮服店⋯我想講服務係好緊要嫁足以令你感覺好窩心同印象深刻。

[最緊要package]

價錢2/HK$39xx-9/HK$11xxx不等(試後即優惠價)
介紹姐妹join, 各自免費多一件晚裝
無等級分別
無拖尾收費
Hand Made Accessories 襯返
有婚紗/男禮/奶奶/潮褂


之前既blog 都講過自己對搵衫搵裙既要求外⋯其次我想搵啲特別、無咁容易撞既款⋯最好全港得你一件男禮方面,Mr. S無乜要求,只求衫既物料質素,所以都係我呢個強迫症準人妻幫佢諗啦~又唔想太普通黎黎去去都係韓式、淨色、淨煲呔、馬甲⋯配飾可唔可以唔好咁普通啊

而我試既呢間就係我話唔普通既情侶服裝店、相信好多btb都有試過/知係邊間啦~鐘意佢啲衫係本地設計師設計⋯唔只男/女裝布料特別⋯我最在意既係佢既accessories 全部都係設計師自己手造獨一無二⋯呢樣係我最欣賞~

最正係我睇既時候佢地正正做緊1個鐘任試活動、其實講緊都成二個月前、任試就好似食放題咁可以放肆咩款都試下岩唔岩自己⋯即刻想打去約試衫啦,不過試衫呢家野,我得閒時Mr. S 又唔得閒,搞搞下搞到8月試、但又因為天氣問題而去到上星期先真真正正去到試慶幸的是婚紗店都好好人⋯hold住 1個鐘任試俾我

終於到左試衫嗰日啦,滾動
店舖位置好近尖咀地鐵站附近、隔一條街就已經係K11啦~一啲都唔難搵
一上到去已經有二個職員輪流serve 我同Mr. S ,首先俾I pad 我地望下想試邊啲款先,其間問我地鐘意乜色乜款,不斷推介我地試唔同既款式、一字肩、背心、心型胸、魚尾⋯而佢地喺我睇緊期間已經好快手攞左D岩我膚色既衫俾我試~二個職員好快手輪流幫我換衫同埋非常合拍

講明係情侶服裝店、男禮又點少得呢?另一個職員一方面將我試過既衫極速掛返好、又幫定男友揀好男禮同最緊要係設計師自製既accessories 登場啦~可能設計師係因為除了新娘要靚靚之外、新郎都一樣要有型啦~好少見到服裝店連男禮既飾物都咁講究~🤵🤵

呢個時候講多無謂、睇相最實際,去相~

1. 魚尾入膊珠珠裙+閃閃黑色男禮

男禮March in 著呢件好夠搶、閃光燈下既男主角毫不讓新娘專美、領口既配件就係人手整有閃石款,閃石+閃閃禮服,仲唔係最搶眼?

至於晚裝,有睇過我分享既都知我對魚尾情有獨鍾,呢條魚尾入膊既布料好正~絲質絹布,拖尾分左三個層次,著上身真係有嘩一聲既感覺~最驚喜係自己之前試過著魚尾、肚既位置都顯得比較突但呢條反而令我肚腩位平服無咁突出職員話若果big day 著、腰位會再修啲咁豈不是會再更加人魚feel?🤤🤤上身更加正,因為我鐘意啲裙360度都有野睇,咁樣試一試先發現唔lace 既裙都一樣好靚

2. 型格敬酒紅黑玫瑰敬酒裙+暗閃黑色男禮

如果男友想低調點,呢件閃閃男禮都可列入考慮名單,始終禮服每人要求唔同、服裝店都會配合到

而呢條裙係我睇佢地fb 時已經一眼睇中既敬酒裙。又要長氣地講自從今年3月做姐妹、朋友既日系敬酒裙完全令我印象深刻後、我就一直尋找類似既款。直至遇上呢條,黑色上身用黎敬酒已經打破傳統紅色️襯埋金器效果超正,再要加上玫瑰花襯托嘩嘩嘩

3. 閃到發光心型胸晚裝⋯
男友中途有啲公司野整、我就繼續不浪費時間試試試‍♀️‍♀️‍♀️

自己真係好少揀銀灰色裙黎試、因為我膚色偏黑、怕著上會好大對比。但裙唔試過係唔知自己試得好唔好睇嫁、就咁睇條裙唔算好特別,眼看未為真,一試現真身第一個反應係~~~嘩~~~洗唔洗咁有效果啊?仲要閃到睇唔到野咁滯既效果,迎賓著好難唔考慮佢喎?

4. Navy blue 一字肩半透晚裝+閃閃男禮
閃閃男禮都可以好百搭、配我呢件係新返既半透晚裝~可惜我膚色著呢件一般、白膚色既btb 一定著得好靚

5. 粉紅花仙氣裙+配返粉紅男禮
顔色多多自然配搭都好多、粉紅男禮襯埋呢條粉紅花裙、自問非樣子甜美、花仙子都係襯甜美既新娘️~佢既背面好靚嫁~前後都有少性感,正面睇仲有啲似蝴蝶形、啲布料做到好挺身,感覺仙氣之餘都似公主裙~

除左試衫之外、好佩服二個職員之間既默契同合拍,都係因為佢地夠快手、我同Mr.S 先可以短短時間內試到唔同既款式...:D

呢間服裝舖其實除左租俾新人外、都有唔少藝人歌手都租裙出show, 設計師本身都有搞show , 唔怪得職員咁快手啦,應該其中都喺出show 時練返黎,佢地真係好好服務啊~又不斷同你傾計等你唔會悶~

職員仲話而家做緊優惠、如join plan後再介紹左姐妹join, 講返相關資料 仲會各自免費多一件晚裝添~
5717 次閱讀 | 72 個評論
Facebook WOW Google+ Weibo Mail
當前第 2 個 | 共 13 個BLOG      上一個 | 下一個

評論

 72 123

您需要先登入才能繼續本操作