新婚圈子 - 2012年10月結婚新人圈子
-
呢排整緊 rundown,煩到嘔。我想請教大家了:
1. 結婚日早上,攝影隊係去男家先,定係女家先﹖ 我0係酒店出門。我男友覺得,梗係叫攝影隊去男家先啦,因為可以影到佈置花車同誓師,佢覺得女家係呢個時間係無0野影,我心諗,新娘化妝、著褂、派利是畀姊妹、籌備遊戲呢啲唔係0野呀﹖佢覺得呢啲細節唔重要。
我大約早上10點開始接新娘遊戲,佢就約咗花車、24座,09:00 @ 男家。佢啲兄弟有人會揸車。男女家距離係30分鐘內一定到。
2. 我有親戚從外國返港參與我的婚禮。我想問,以下人士駛唔駛敬茶﹖
- 新娘表姊
- 新娘表弟 + 表嫂
- 新郎妹妹 + 妹夫
3. 晚宴迎賓時間,我男友講,reception叫哂佢啲姨甥做就可以,兄弟姊妹都唔駛。不過,佢連問人都未問,加上兄弟姊妹當日一早就在酒樓,我好驚佢啲姨甥係會遲到,遲到就唔係幾好啦。
4. 係咪要有人負責記錄金器﹖
我好驚我做文件做到走火入魔了。唉……
-
據我所知, 表兄弟姊妹屬於平輩, 唔洗斟茶!
斟茶係俾長輩的禮儀, 所以以下人等都不用斟
- 新娘表姊
- 新娘表弟 + 表嫂
- 新郎妹妹 + 妹夫
-
我地會咁安排: 叫個攝影司去女家先... (咁就可以拍到你上面講既新娘化妝、著褂、派利是畀姊妹).. 至於新郎, 兄弟個d 自己直接去女家.. 約係尖沙咀酒店lobby 等 (因我係尖沙咀酒店出家, 唔駛兄弟佢地入男家又再出反黎去女家, 方便d)... 到人齊可以叫攝影落樓下影佈置花車... (不過要考慮你男友想唔想自己坐車過女家定是佢想花車車佢去你度...& 你屋企會唔會好遠, 兄弟自己去女家好麻煩)
如果兄弟自己去女家度, 你租個架24座可以唔駛咁早到.... 可以安排24座直接去女家... (咁樣可以慳反一早由男家去女家接新娘&等你地玩遊戲既時間...)(我地就是咁plan lor, 不過都要再同攝影司confirm)
-
1) 我嘅plan同Tessdicky一樣呀!! 同樣地呢個plan都可以解決你的問題.
2) 長輩先需要跪地敬茶, 平輩而年級大過你可敬, 但無需要跪地, 企係度敬就得喇.
3) 最緊要搵個稱職就可以了, 邊個都ok嘅.
4) 係要架, 果個人要點算收左幾多件, 要mark清楚, 當晚佢會全權負責keep住.
慢慢來, 唔好急, 總會搞得掂嘅.
-
佈置花車係做樣嘅啫,我見通常攝影師會到女家先,因為要影下新娘化粧SET頭D相丫嘛(呢D相應該睇唔少啦!)。而我會咁安排:
PLAN A(正常流程):攝影師先到女家(化粧+準備遊戲)>攝影師落樓下同新郎兄弟扮佈置花車>玩接新娘遊戲>攝影師+新郎兄弟上番黎接新娘出門口>上車
PLAN A 註: 其實如果姊妹準備遊戲時間是長的話,可以叫較岩時間,準備遊戲前段給攝影師影相,後段放攝影師去影兄弟扮佈置花車,當兄弟完成之時同為姊妹完成之時,之後就一齊開始接新娘,咁租車果度可以慳番幾個字至半個鐘。
PLAN B(慳租車車鐘):先到女家>玩接新娘遊戲>攝影師+新郎兄弟落樓下扮佈置花車>攝影師+新郎兄弟上番黎接新娘出門口>上車
PLAN B的話就個花車唔使等你玩遊戲同敬茶囉,可能可以慳番一個鐘錢
-
HIHI---我都是過來人可以分享下既,希望幫到你啦...
我想問下你desan 你當日的攝影師隊伍有幾多位工作人員,以我的SUGGEST有2個啦---
(1) 正常黎講應該有
1個影STANDARD-P & 1個SNAP -P &一個VIDEO MAN;
結婚日早上,攝影隊內的SNAP P 係去女家,佢就係影新娘化妝、著褂、派利是畀姊妹、籌備遊戲 --呢啲唔係0野呀﹖呢啲細節都好重要。
(2)而STANDARD - P & 1VIDEO MAN當然係最好08:30個兩位師傳到達就會去男家影到佈置花車同誓師---09:00 花車、24座男家就開始出發---
(3)跟住新郎及所有人就"好好當當"咁樣去到酒店迎接早上10點開始接好好玩既新娘遊戲!!
***不過,如果你們的攝影師隊伍係得2個師傅就不能咁樣安排啦,應該係加多一個師傅LAW-----
以上係我自己的個人意見---都希望幫到你既...唔好見怪---
****不過,如果最後攝影師隊伍都係得2個師傅既呢就多數會去左影新郎那邊---因為主要係個個時間既主題係影到新郎接新娘的有趣回憶---
又或者加一個半日既SNAP 師傅都唔會好貴姐....哈哈
-
我成隊攝影隊有:
1 個standard photographer
1 個standard videographer
1 個snapshot photographer
1 個snapshot videographer
1 個燈光助理