婚享同學會


可用已有生活易帳號

登入


未有生活易帳號?

立即註冊

你可能也喜歡…

當前第 5 個 | 共 5 個BLOG      上一個 | 下一個
查看BLOG | 返回BLOG列表

Concept Video + Engagement Photo - 超專業mua及超值photog推介

2017-07-02 16:09
我哋上星期終於影左Concept Video + Engagement Photo,其實未收相同video 㗎!不過真係要好多謝全日幫我哋非常專業嘅photog同mua! 

呢個Video我好遲先決定加影,所以都攪到6月23日先影,當日真係熱到暈咁滯!全日嘅天氣好焗好熱,一滴風都無。但化妝師同攝影師一句都無埋怨過,全日都好helpful 好nice, 佢哋令我同男友都好放鬆,無先前影喺台灣影嗰輯PW咁緊張。

先講化妝師,我big day都係book左Yvonne㗎!本來以為佢化engagement 同跟全日8個鐘可能會好貴。膽粗粗問下,咦,原來都可以接受喎!能夠喺big day前book到佢再幫我化一次夾一次真係太好了!

Yvonne 9點已經準時到,化妝前先幫我用按摩棒令雙眼無咁浮腫,再幫我化妝set頭。Yvonne全程都勁nice,令我都放鬆左好多!化嘅妝貼薄自然,化得我對眼好有神好bling bling但又唔會over左! 佢成個行程都好細心,每化完一部分,就會用相機影一影,睇下過鏡效果。由於我哋全日嘅服飾都係Causal wear,化妝都要簡約為主 ,Yvonne幫我揀左對超自然嘅假眼睫眼,照鏡真係好靚!

我每換一次衫,Yvonne都會喺隔離幫我,補妝同轉造型。其實我哋去緊大埔嘅車程上,佢囡囡發高燒,喺學校早退,但完全無影響過佢嘅專業,佢仲陪我哋影到最後返studio 8點幾先走!

當日,雖然我同男友個頭滴唒汗,成身濕唒,但佢係毫不猶豫咁伸手幫我抺,伸手入濕唒嘅頭髮幫我整理髮型。即使中間有個位,我係熱到幾乎溶唒個妝,但佢都好快手幫我補翻唒!仲有一個小插曲,其中有條裙好窄身,本來喺屋企試過都無問題,點知當日喺公園,可能個身真係太多汗痴立立,著左幾次都著唔到,好彩Yvonne幫我手炸️!Yvonne 仲幫我哋影左好多花絮!有一個位,佢見到我對腳紅左,知道有蚊咬,佢即係衝去拎蚊怕水俾我噴,我嗰下都好感動!全日,佢都會傍住我身邊扶我、幫我哋手一齊拎嘢轉位、幫忙收拾道具; 拍攝途中,見到個髮型有啲問題,都會即刻過黎幫我哋整返好先影!佢到尾二站大尾督,仲買左大菜糕俾大家食添!佢真係超級超級好!連我男友都話,big day有佢,一定好放心!

攝影師Albert係我嘅好朋友介紹嘅,Albert係一個好實際嘅攝影師,佢成日都會企喺我哋嘅角度諗,同俾好多意見我哋,覆message都好快。拍攝前開會,佢好認真幫我哋度好唒去邊度影、點樣拍、效果會係點,拍攝前要準備嘅道具、衣服,佢都有俾好多意見我哋。

拍攝當日,佢自己駕車,又無收我哋油錢,真係好好!全日佢每到一個地方,都會同另一位partner 一齊去睇一睇,揾景點拍攝。佢哋當日因爲要先幫我影2隻狗仔,所以特別先喺我屋企附近影左先,再去其他地點。我其中一隻狗仔已經14歲了,唔算好合作,但佢哋同化妝師都好落力氹狗仔影相。

中間有段時間落左場大雨,佢都好輕鬆同我哋講笑,令我哋無咁擔心。仲喺有瓦遮頭嘅地方影左啲相。佢同Partner即使咁熱都完全無hea,好用心咁guide住我哋擺pose,捉緊每個要影嘅地方。Albert仲用埋航拍影添,我第一次真正見到人用航拍機,個心不斷講緊「好正呀!原來個航拍機可以飛得咁遠!」當拍攝完外景,返到workshop已經係8點,但佢哋都無話累,仲幫我哋喺workshop補拍啲shot同錄VO添,攪到10點先收工,但佢都無收我哋OT錢!真係好多謝佢哋咁用心幫我同男友!當晚,佢就已經send左幾張相我睇,我心諗,「你真係太好太勁,影左成日咁累都仲整緊,唔駛瞓!

啲相好靚呀,係完全出乎我哋意料之外。佢capture到我同男友好自然嘅表情!我係真係無諗過咁靚,好鐘意!令我更期待睇到video嘅成品!

講左咁耐,不如去相(雖然我只係得幾張未執原相同化妝師影嘅花絮。)

   

 
如果大家未揾到攝影師、化妝師,誠意推介俾大家

(P.S. 我其中有2套衫係喺淘寶買嘅情侶裝。我本身唔想揀情侶Tee,想揀低調嘅合襯款,竟然俾我發現到,原來真係有!!!攝影師同化妝師都有讚好睇㗎!如果大家有興趣,我再share俾大家
4251 次閱讀 | 210 個評論
Facebook WOW Google+ Weibo Mail
當前第 5 個 | 共 5 個BLOG      上一個 |

評論


您需要先登入才能繼續本操作