婚享同學會


可用已有生活易帳號

登入


未有生活易帳號?

立即註冊

YukiHui的BLOG

YukiHui的主頁 | 查看全部BLOG
自我介紹:
2019榮升為媽媽ღ誕下小Timsonღ現與眾分享育兒大小事

你可能也喜歡…

當前第 35 個 | 共 67 個BLOG      上一個 | 下一個
查看BLOG | 返回BLOG列表

on call 36小時@湊b閒談

By YukiHui (聯絡作者) 於 2019-04-09 11:13

仲記得小Timson 自出娘胎後咁岩撞正農歷新年,個時我都好擔心有太多人抱佢,攪到從此習慣要人抱著睡,一放落床即喊既陋習,漸漸地發現真係開口中,佢識得比個可憐樣我睇、唔抱就大叫唔肯罷休,哪怕連一滴眼淚到冇,名符其實係一名惡霸寶寶,個時我喺到諗,唔通要一直抱,抱到佢1歲先肯停??



到Timson個半月時我又嘗試幫佢戒夜奶,半夜個餐冇比佢食,直至清晨5-6點先食第一餐,每晚4點幾人肉鬧鐘又會叫醒我換片、安撫、比奶咀佢希望佢能夠再次入睡,只不過他還小未懂得食奶咀,成日跌出嚟,一跌即喊,晚上4點幾後我會一直呆坐在旁觀察他的一舉一動至下一餐奶,我的肉體好想我投降但潛意識又提我唔可以訓,呢段日子真心攰!!!



可能係長期唔夠訓關係,有一日當我一覺睡醒睜開眼時,望住個天花板係咁轉呀轉,轉到連落床都不行,暈陀陀的,暈到我一整天都不敢抱他,擔心自己貧血第一餐要食朱古力,幸好那天老公不用上班可幫我頂更,那時的我真正被打倒了。



從前還有時間扮靚、護膚,現在新的一天來臨,還是先安罝好他喝奶、哄他睡,自己的日常事排至最後,刷牙洗臉 ,然後食早餐,總覺得每天的時間不夠用,當他安靜已入睡,又好想趁機做自己喜歡的事,心想還是睡覺好?? 真的兩難,有時候太忙,忙至連午餐都沒吃,直踩至晚飯,發覺連饑餓感都可以拋諸腦後。


這段日子雖然很疲累,但眼見他一天天的成長,由出生後的一粒栗子頭變了今時今日的葫蘆頭,內心是甜甜的,一切都很值得,這一刻但求他平安、健康快樂地成長就好了~



不知是老天爺感受到我的累透指數將要爆登,還是小Timson開始懂得愛錫媽媽,發覺他這幾天長大了,變得很懂性,午睡可以由1點睡至4點多,晚上10點喝奶後,原先打算零晨1點餵最後一餐,結果他一直睡,睡至翌日7點,雖然半夜4點還是會喊醒要求換片,但他都沒有從前的扭抱哭鬧,換完尿片放回他到床上,給他奶咀自己繼續睡,睡至翌日7點多,這一切對我來說已經好好了,順利成章Timson也成功戒掉喝夜奶的習慣,很感恩! 原來他終於都變回一名天使寶寶了!




255 次閱讀 | 0 個評論
Facebook WOW Google+ Weibo Mail
當前第 35 個 | 共 67 個BLOG      上一個 | 下一個

留下足跡

評論


您需要先登入才能繼續本操作