婚享同學會


可用已有生活易帳號

登入


未有生活易帳號?

立即註冊

aryo529的BLOG

aryo529的主頁 | 查看全部BLOG
自我介紹:
Mrs.Long to be - https://www.facebook.com/Mrs.Long20171121/

你可能也喜歡…

當前第 1 個 | 共 89 個BLOG      上一個 | 下一個
查看BLOG | 返回BLOG列表

[Y&P] #82 一日七個造型 我的神奇MUA

標籤七個造型  神奇MUA  新娘化妝  7日前

今篇係打得好開心既一篇blog!
因為一路upload相可以一路欣賞最靚既自己! 
真係心花
朵開 <3 <3 <3

先送上我同MUA既"合照"一張!!!!!!
(有無人睇到呢度已經知道邊個係MUA?)

首先講下...MUA個角色其實真係好重要!
佢唔係係你大日子果日先突然係草叢彈出黎幫你化妝~
早係落訂後...我已經三不五時成日煩住佢!!
一陣又問下佢我個Rundown既野, 
一陣又問下佢染髮咩色好...
一陣剪頭髮又要問下剪到幾短好!
我最過份係揀裙果時都whatsapp問佢意見!
臨近大日子果時, 連揀個頭紗都決定唔到..交左俾佢決定!!!

Big day之前....MUA就問定晒我揀左咩裙同咩花球...
我以為佢係拎黎睇下, 心中有個預算, 至少知道我唔會揀左套泳衣黎著啦..
我都無打算過問佢諗住幫我set咩頭...
因為覺得佢set咩都係咁靚 <3
點知原來佢已經幫我諗好晒造型喇!!!

全部都係我同佢提過我鍾意既style黎!!

事不宜遲! 立即一齊睇睇我既靚妝靚頭啦! (自戀~~~)


造型一: 裙褂出門

由於我既行程比較特別, 係出門>外影>入門
而我又會著婚紗外影...
所以佢就提議我褂頭整一個比較西式既髮型..
方便出門後可以快速轉外影用既髮型!!!


當日MUA早上四點半就要黎到我屋企, 真係辛苦晒佢同助手!!!


褂頭整得好靚 <3 就算係偏西式都好襯我套褂!!


正面睇都好鍾意!


佢仲幫我影低左頭花! 鮮花黎架~~~係咪好靚?


造型二: 外影

由於我出門後就立即換婚紗去外影!
所以MUA就幫我決定左呢一個髮型!
換個款頭花~就係另一個造型喇!
不得不提, 呢個頭花係MUA自家品牌既保鮮花~~~
好靚呀!!! 唔講我真係以為係鮮花黎!!!


好襯好襯好襯!!! 裙, 花球, 妝頭!!! 成個造型都好完美!!!!!
我好期待外影既相呀~~~ (此為MUA側拍)


左面一樣係咁靚 <3
我想講一樣野...
呢個造型完成之後, 我係一眼都無望過鏡就開始影相!
我係完全無諗過要睇下鏡有無唔滿意既地方囉!!
因為我知道一定會係好滿意~~~~
爭取時間影相啦!!!!!


造型三: 註冊

當初MUA sd造型提議俾我果時...
七個造型當中, 我最有concern係呢一個...
其他六個造型我望左一眼就覺得無問題!
但因為我從未試過set中髻.....
註冊呢一個咁重要既moment, set一個我無信心既造型...
令我好十五十六左好一陣....
我都有向MUA表達我既concern...
MUA都有再俾左其他中髻既圖我睇, 
亦有安慰我如果我真係唔想, 我可以揀返自己鍾情既低髻....
佢絕對唔會有藝術家脾氣, 要逼你接受佢既提議!
後來呢.....我覺得, 我揀得呢位MUA, 就係相信佢既眼光同手藝!
所以都係俾左佢決定!!
最後.....呢一個造型, 係我成晚最喜愛既造型!!!!! <3 <3 <3


條頸有d痛....但頸痛都咁靚既喂~~~~?
講笑啫, 我無頸痛! 係MUA教我擺pose影相囉!!
嘩不得了, 影到我仙女咁!!! (背面嘛~)


痴線呀!!! 係新娘房都影到靚既相!!!!!
(唔講你唔會知, 間房係細到無咩位俾人行架喇...)


不得不提...呢個頭飾, 真心好靚!!
係MUA提供架~~ 
當日除左鮮花之外, 其他頭飾同埋保鮮花都係由MUA免費提供~

順帶一提, 我知道呢個頭飾係係一間網店購入既....
間網店好多頭飾都好靚!!
大家買黎去影pw或者big day用都好岩呀!!

支持一下小店呀~~~


正面....配埋一粒珍珠頸鏈同珍珠耳環既簡潔造型....<3


註冊時加左頭紗~~


但都可以見到我個中髻呀!!!!
好開心我最後交左俾MUA決定, 而佢幫我整左呢個髮型!
真係真係真係好靚!!!!


造型四: 迎賓

呢條裙係我其中一條好期待著呢裙黎~~
我好鍾意呢d清雅既顏色呀!!


(MUA幫我影既造型照...)
又係好靚好靚好靚!!
其實轉妝轉到後期,
我一入新娘房坐低就係掛住飲水同睇電話...
因為我完全唔需要擔心個妝同頭呀~~
MUA會幫我整到最靚!!!
我淨係需要係佢完成造型後等佢幫我影靚相~~
等我係收到Photog相之前可以止下渴!!


造型五: 進場

註冊用左中髻, 進場就放返d頭髮落黎啦!!


原諒我搵唔到清晰d既照片.....
因為進場前我開始擔心我會行行下趴左係路中心.....
所以都唔記得要影多兩張相.....


造型六: 敬酒

我期待既紅裙!!!!! 紅裙其實著起都唔老套呀~~
簡簡單單既低馬尾我鍾意!!!


整出黎好滿意~


造型七: 送客

最後一個造型, 一早MUA就俾左兩個option我...
話會睇下當日既時間充唔充裕而決定會唔會再轉髮型....


最後, 由於我希望可以多d時間同來賓影相...
我自己主動要求MUA唔駛幫我轉髮型, 換衫就可以!!!
但MUA竟然可以係佢助手幫我換衫既同時幫我轉左髮型!!!!
雖然只係簡單地拆左馬尾整理下同埋轉左頭飾...
但係成個感覺就已經唔同左! 
好勁呀!!! 我一日轉足七個造型!!!!! 做一日主角 <3



同場加映, MUA同佢助手好好人~
見幫我整完妝頭, 仲有時間會幫我老公整理佢既服裝! 亦有幫佢補妝!
老公揀每套西裝時, 諗襯咩煲呔好果時又會俾意見~~~

我就唔駛講啦! 每條裙都係MUA親手幫我換架!!!!
呢位MUA佢真係全日都係我身邊跟住我幫我手~~~
我影相時佢唔會行到好遠唔見左人...
又會教我擺pose, 提我唔好夾個雙下巴出黎~
仲會幫我側拍!!!!!! 好重要!!!!!!!
真係好多謝好多謝好多謝好多謝佢!! <3

最後一個重點, 佢收費真係一d都唔貴!
大家可以自己問佢拎rate card 睇下價錢...
但我可以話俾大家知......
16年果時, 呢位MUA全日既價錢都只係HK$6,XXX!!
就算宜家加左價...都只係極少極少既升幅!
我真心100%推薦呢位MUA俾大家 <3

======================

FB Page: Mrs.Long
Instagram: mrs.long_
======================

5273 次閱讀 | 319 個評論
Facebook WOW Google+ Weibo Mail
當前第 1 個 | 共 89 個BLOG      下一個

評論


您需要先登入才能繼續本操作