婚享同學會


可用已有生活易帳號

登入


未有生活易帳號?

立即註冊

你可能也喜歡…

當前第 1 個 | 共 3 個BLOG      上一個 | 下一個
查看BLOG | 返回BLOG列表

{J&W} DIY Candy Corner 賓客大愛

標籤DIY  CandyCorner  糖果區  2月前
Candy Corner雖然唔係一個婚禮既必需品,但有的話絕對可以令賓客開心好多! (睇埋之後啲相你就明!) 

我們的婚禮包括下午在戶外草地的cocktail party及晚宴,如果兩場都請vendor實在太貴,而且大部份vendor本身提供的糖果唔啱心水,所以最好梗係自己custom-made啦!

話難唔難,但話易都絕對唔易,最初諗住買啲靚靚玻璃樽,再買啲糖,再放少少裝飾品就搞掂。係既,的確係好似咁簡單,但完美主義但又慳家既我,每樣野都要靚得黎性價比高,所以花左好多時間上淘淘買玻璃樽同買不同款式的絲花,自己整絲花花束黎裝飾!邊做邊學,完全係考驗手藝與美感既功課!(BTW 我地的reception枱都係自家DIY設計,遲啲再分享)

第一步係同W先生商討糖果list!大家都列出自己最喜愛的糖果和朱古力後,再去商店睇吓有咩款式都適合,務求不同款式、顏色、味道和集體回憶都集於一枱但harmony。由於我們的回禮禮物係有我地結婚Logo的DIY玻璃瓶,可以送俾賓客裝糖拎返屋企慢慢食,所以我地都只會揀有獨立包裝的糖果。市面都有好多零食舖,揀的過程好似做返細路仔咁,超開心。最後大部份糖果我都係喺一間網上零食店買,貪佢比地舖再平啲之餘仲送貨上門,而且可以順便訂埋兩箱支裝水預當日俾兄弟姐妹飲(呢樣野真係好重要!試過做人地姐妹,去左一間附近乜都冇得買既教堂行禮,但準備俾大家飲既水唔夠,30幾度既天氣影完外影,成班兄弟姐妹就快渴死咗

同時間我就要揀放糖果的玻璃樽。上淘淘在海量的選擇中尋找喜歡的。個人覺得最緊要係自己心目中有概念成個candy corner係點,因為玻璃樽有大有細要砌到靚靚又方便賓客拎糖食,唔係求其放晒啲樽上枱就得,所以都花左唔少時間上網睇啲candy corner vendor的相參考吓,睇得多就可以篩選到自己喜歡的陣型。

裝飾方面,除了花和相架,我仲買左啲心心碟放糖果。因為我一向喜歡較簡潔的設計,所以DIY candy corner,都唔想有太多多餘的裝飾品(有時見到啲堆滿裝飾既candy corner反而會覺得太迫連搵個位放低個玻璃樽蓋都冇)。Less is more!

買齊晒所有野之後,仲要將所有野砌一次影相方便兄弟姐妹當日幫手setup返我心目中的設計出黎。Big Day前預充足時間將所有野入晒箱mark好晒number,Big Day當日兄弟姐妹按圖setup就簡單方便!

講咗咁耐,俾大家睇吓相先~

除左枱布係場地本身提供之外,枱上既野全部都係努力既成果,見到賓客們食得開心,所花的時間心機絕對值得!我地揀的糖真係好受歡迎,現場食食食再拎走都無任歡迎(唔係幫襯vendor的好處係唔使計住計住,自己訂糖又平又抵可以俾賓客任食任攞好大方),補添完都係清晒!連同晚宴嗰場全部糖都唔使幾佰蚊,計晒所有野,平均除開唔使$900就有一個高質candy corner,平過搵vendor好多

睇吓大朋友小朋友都食得幾開心~


(如果有興趣要晒成套candy corner,可以留言俾我啊!除左中間個相架和糖果(食晒啦)之外,枱面上所有玻璃樽、花瓶、絲花及心心碟都希望成套出讓呀~喜歡我的設計的話可以直接用,為你慳唔少時間

1573 次閱讀 | 36 個評論
Facebook WOW Google+ Weibo Mail
當前第 1 個 | 共 3 個BLOG      下一個

評論

 36 12

您需要先登入才能繼續本操作