婚享同學會


可用已有生活易帳號

登入


未有生活易帳號?

立即註冊

你可能也喜歡…

當前第 1 個 | 共 4 個BLOG      上一個 | 下一個
查看BLOG | 返回BLOG列表

長老襟花~Mission Completed!!

1月前
今次同大家講既係長老襟花!!
可能大家會覺得呢個話題有乜好講丫,求其係淘寶淘個絲花襟花比佢地咪得~
呢個完全係我當初既諗法... 

不過,當我同未來奶奶講起襟花呢個問題⋯⋯
就發現⋯⋯ 原來奶奶對襟花都好有要求,佢係想要鮮花!!!
(咁又係,奶奶咁貪靚!點會對自己當日既裝扮無要求!)

鮮花當然係靚,但係好難照顧佢地!由朝早戴到晚真係會好易殘
但係奶奶出到聲,又唔係一D無理既要求,點可以唔理佢~(我係一個好媳婦)

我當時就即刻諗到一個替代鮮花既方案! 就係依家好興既保鮮花
因為一開始覺得香港買保鮮花襟花一定好貴,所以我就上左偉大既淘寶睇...

望落好靚⋯⋯不過價錢仲靚⋯⋯要成140蚊人仔!!
又驚貨不對辦⋯⋯

以上呢兩張都係淘寶⋯⋯價錢平D!RMB~60!
不過,比左相奶奶睇,佢始終覺得係爭少少!

正當我好苦惱唔知可以點好既時候,同wtsapp gp既B2B呻⋯⋯
有個B2B提議我睇下一間facebook既店!話同我係淘寶睇既價錢差唔多!
(其實我自己都有問過某D facebook店,不過價錢真係太貴!)

Inbox問左價錢,價錢絕對可以接受!買4個仲有得平少少
之後當然要SEND比奶奶問下佢意見啦! 好彩奶奶都鐘意姐!
佢最後揀左呢款!


(如果店主介意,請聯絡我刪除照片)

我係9月尾落訂,10月頭就有得拎! 大概兩星期。因為店主要訂花!

(實物圖,請大家原諒我懶冇CUT圖)

(包裝得好好!完全唔怕會壓爛)

真係好好好滿意呢個保鮮花襟花!
呢次既分享完畢!希望幫到大家解決長老襟花問題!
如果大家覺得我既分享有用,麻煩留個腳印
下次可能會同大家分享我既囍帖!

794 次閱讀 | 52 個評論
Facebook WOW Google+ Weibo Mail
當前第 1 個 | 共 4 個BLOG      下一個

評論

 52 12

您需要先登入才能繼續本操作