婚享同學會


可用已有生活易帳號

登入


未有生活易帳號?

立即註冊

HuiHui的BLOG

HuiHui的主頁 | 查看全部BLOG
自我介紹:
< 許許與小BELLA > 未生小Bella前非常慢活, 愛hea即hea是個自由人, 而家當上新手媽媽全職帶娃, 雖然每日只有忙與累, 但跟小BELLA嘻嘻哈哈過每一天, 看著她在歡樂中成長原來更有趣~ 從前喜歡分享美容, 生活, 入廚及旅遊樂, 如今更有機會寫下更多育兒誌, 歡迎到我地FACEB

你可能也喜歡…

當前第 8 個 | 共 62 個BLOG      上一個 | 下一個
查看BLOG | 返回BLOG列表

BB寫真場景自己搭:好玩便宜背景紙

標籤Baby  孩子成長  12日前
我同Bella又有野玩喇。
Bella爸睇到我地facebook專頁,成日都話我地倆母女趁佢返工,
係屋企玩D古靈精怪野,其實開心咪得囉,
做大人又好做小朋友又好,最主要都係開心既姐…
 
今次又係吾使出街玩,係自己屋企影靚相,
大家都知帶BB出去影輯相,閒閒地都要數千啦,
就算認真影一輯,到BB大d又想再影多輯,邊有咁多銀彈呀?!
我發覺其實好多BB室內攝影,都係靠背景同場景道具,
道具都係毛公仔玩具之類,再靚D就不斷加錢再加錢,
加加下又要哂全部相既話,真係成萬銀落樓。
如果吾出街影相,屋企既環境又吾多靚,
咁就要靠不同既背景喇!所以我今次就摷到廿幾蚊張既背景紙,
近百款背景圖案可以揀,而且質地好襟用,用手機影已經OK~



雖然自己影相吾係咩專業大製作,
但勝在經濟,自己地方時間自己掌握,
又吾洗周車勞,不過就要注意,影相地方要光猛,
靠窗邊採自然光就最理想,好似我咁,
搵勻全屋最理想既位置係自己張大床,
雖然淋淋地,但下面墊張遊戲墊已經ok。
 


 
 
另外建議最好多一個大人幫手影相,一個負責影一個負責氹BB,
因為我整個拍攝過程最難控制既,都係控制Bella坐定定埋位。

 
背景紙的款式好多好多,大家可以按自已想要既風格淘啦,
初時又係只抱一試心態,總認為廿蚊野會吾會中伏,
所以先買兩張玩下,但收到後自己搭出來影又幾滿意,
淘寶link不在此貼了,大家真想要的話,可以facebook pm我~

順便一提係,背景紙有尺寸分嫁,大家可以自己聯繫店主問,
我當時用順豐集運,所以有最大尺寸限制,我買的尺寸都是1.1*1.5米,卷裝收貨。

 
我用手機影完,再用apps執下,唯美FEEL又好日系韓風都好,自己搞吧。
如果爸媽係攝影大師/發燒友,用大機影既就更加要買多幾張玩喇。
我就唸住幫BELLA開一歲PARTY時再SET多幾個景到時大人都可以影~~~


 
< 許許與小BELLA >
未生小Bella前非常慢活, heahea是個自由人, 而家當上新手媽媽全職帶娃, 雖然每日只有忙與累, 但跟小BELLA嘻嘻哈哈過每一天, 看著她在歡樂中成長原來更有趣~ 從前喜歡分享美容, 生活, 入廚及旅遊樂, 如今更有機會寫下更多育兒誌, 歡迎到我地FACEBOOK專頁瀏覽更多生活趣事分享~
 
~ BLOG足跡 (BEAUTY, LIFESTYLE, DINE, MOM & BABY) ~
 
131 次閱讀 | 6 個評論
Facebook WOW Google+ Weibo Mail
當前第 8 個 | 共 62 個BLOG      上一個 | 下一個

評論


您需要先登入才能繼續本操作