婚享同學會


可用已有生活易帳號

登入


未有生活易帳號?

立即註冊

你可能也喜歡…

當前第 3 個 | 共 16 個BLOG      上一個 | 下一個
查看BLOG | 返回BLOG列表

第二回合媽咪衫。我 vs 我媽 & 姨媽 (K.O.) 多圖

3月前
講真...選媽咪衫真係要同佢溝通清楚
早兩個禮拜終於比我k.o

話說上一次我hold 第二轉衫既時候帶埋媽咪去試衫,佢當日揀左條佢話好鍾意而我又覺得靚既晚裝,我都以為佢好滿意,我果下仲諗:我媽真係易搞, 一試即岩
點知..我表姊早兩個月大日子,係幫佢戴緊金器果陣突然同我講話:「你媽同我申話唔鍾意條裙呀」,我聽完果野呆左
第二日我搵佢傾計,佢先肯坦白話佢果日其實鍾意件黑色晚裝多d,但嫁女佢又怕著黑色會比親戚話...

既然佢唔鍾意,我又唔想成日心掛掛,所以就定左一日搵埋姨媽表姐一齊去幫下眼揀之餘同姨媽租埋衫
(我細細個我媽仲做緊工廠妹要返工,果陣係我姨媽同表姐照顧我,所以我大日子,當然姨媽都要靚靚️)

果日我地去左兩間鋪試衫
第一間係係葵興區,款式相比第二間小,媽咪係果邊睇岩左一條朝早著,不過因為我姨媽比較肥同皮膚白,著深色顯瘦但膚色好大對比,著淺色好睇但又顯肥,所以要轉戰第二間

第二間係深水埗,我本身都係呢邊join 左package ,租左裙,媽咪今次去已經係第二次轉款,所以我叫佢今次一定要選自己鍾意既先好走,無得再轉款
試左7-8條,黑色果條最好睇,但我知佢又係顧慮黑色唔著得,今次我同佢講:「果日你嫁女,你開心,你靚最緊要,我明你擔心咩野,但就算你唔著黑色,著第條唔好睇既,佢地咪又係一樣會講,唔需要理會佢地,最緊要你鍾意,你開心,同埋衣家呢條黑色就係要用黑底先襯托到d閃石,出到黎先著得你靚!」,果度租衫姐姐都有同我媽咪講其實衣家好多人選黑色晚裝,因為最顯瘦,最後佢終於都釋懷選左黑色果條,好野(拍手) 你就想 仲有我姨媽未搞掂

講起姨媽,係無曬氣,但衣家諗返又好好笑
其實係第一間佢一睇就睇中左條粉紅色(少女心@.@?),但試完,不得了...包糭咁,但佢竟然好鍾意,仲同我講就呢條啦,我地大家都話唔好睇,但佢好似唔想除咁 之後試幾件我地選既都扁曬嘴,最後我地比返佢自己選裙試,但佢竟然選左條綠色-.- (我個場係草綠色背景,佢想做其中一棵草?)
Nonono 去第二間!
去到第二間,試左4-5件左右,我地鍾意既,佢唔鍾意,佢鍾意既,我地覺得唔好睇,佢仲叫姐姐幫佢將A晚裝既配件(腰帶之類)襯落C晚裝咁
好在果日我有帶埋表姐去,如果唔係我應該叫曬救命
最後終於選左件淺粉紅

我仲差奶奶就搞掂曬媽咪衫啦
但奶奶身形比較大,衣家煩惱緊可能要訂造先岩,因為問左試衫兩間鋪,都話無咁大size既媽咪衫
希望可以快點ko 埋

P.S. 選衫小提示
佢地試完之後,記得大家一選睇埋相再做決定,因為有時現場睇靚,但影相出黎可能未必係最靚,始終當日媽咪要著住件晚裝同好多賓客影相,入鏡率高,最後影出黎唔靚就無得補救

第一間鋪內既媽咪衫 (旗袍款)

媽咪衫 (第一間)

好鬼好身材 羨慕死佢個女我

姨媽衫 (第一間)

媽咪衫 (第二間)

?好麥玲玲feel

呢件似比呀嫲級長輩著多點

呢件其實現場睇靚dd

姨媽衫 (第二間)

最後黎張合照,當晚你地仲搶眼過我

1313 次閱讀 | 140 個評論
Facebook WOW Google+ Weibo Mail
當前第 3 個 | 共 16 個BLOG      上一個 | 下一個

評論

 140 12345

您需要先登入才能繼續本操作