婚享同學會


可用已有生活易帳號

登入


未有生活易帳號?

立即註冊

你可能也喜歡…

當前第 3 個 | 共 5 個BLOG      上一個 | 下一個
查看BLOG | 返回BLOG列表

[PC - Chapter 3] 尋紗遊記第一章 - 荔枝角婚紗小店

9日前
當KO左場地, 化妝師同攝影師之後, 接落黎就好心急四圍去試婚紗試裙啦, 係呢到爬左好多文, 綜合左呢到好多位B2B嘅分享, 最終我都落左訂搵到自己心儀嘅婚紗店, 係到要多謝各位B2B嘅無私分享, 所以我都決定係到分享下自己嘅感受:D

由於有位好朋友都係2019年結婚, 所以我地好多時試裙都係孖住去試, 其實有朋友一齊試真係會好啲, 互相影相同幫下眼比下意見好緊要, 因為大部分婚紗店都有即join優惠, 好似我呢類有選擇困難症嘅女仔就更加需要搵未婚夫同朋友幫下眼, 否則真係搞唔掂呀大佬
最後我試左7間婚紗店, 每一間我都會出一篇blog去分享, 希望詳盡地比大家睇下每間婚紗店有咩好同唔好(希望自己唔好越打越懶lol)

今次要介紹嘅第一間婚紗店係位於荔枝角, 其實都好多B2B出過blog介紹佢, 不過我都照分享下比大家, 果時因爲無咩試身經驗, 見佢有一小時任試, 而package都只係$3xxx有五件(而家已經加左價), 作為小資新娘嘅我即刻搵埋當時未cfm婚期嘅好朋友去試, 店主好好, 並無因為我朋友未定實婚期而拒絕佢嘅試身, 仲好好幫我地book定兩個鐘比我地一齊去試, 呢個位真心加左啲分架!!!

到左試身前一日, 店主同我地cfm booking嘅時候發現出左啲問題, 應該係佢搞亂左我地同其他客人, 導致我同朋友果兩個鐘唔可以連住咁去試, 果下我都有少少無奈, 不過店主都好盡力調配時間解決問題, 最後店主提早開店時間比我地去試身, 我覺得少少出錯可以原諒, 最重要係店主有盡力調配同解決問題, 最後雖然我要晨早出去試身, 但我都感到店主嘅盡責同歉意, 所以對我黎講都唔係咩大問題;)

上到去環境幾舒適, 裙款都唔算太少, 基於我無乜概念就由店主介紹啲裙比我試, 最後我試左11條裙, 的確比左好多概念我, 令我開始知自己啱啲咩同鐘意啲咩, 廢話就唔講咁多, 去相比大家睇先:D

首先試嘅係婚紗款:

 第一件試嘅係入膊款輕婚紗, 自己本身偏好入膊款嘅裙, 所以店主就推薦左呢條比我, 不過我就覺得略嚴普通左啲!!!!
 

第二件係短袖嘅輕婚紗, 不過呢件好似好唔襯我lol
  

第三件係魚尾款, 其實一直都好怕著魚尾, 因為我盤骨位係特別闊, 但試完呢件反而有少少心心眼️ 
 

 第四件係一字肩大拖尾, 呢條質感好挺身好好, 其實好鐘意架, 但佢係偏粉紅色, 要行教堂嘅我比較想搵象牙/純白色嘅婚紗
 

到第五件啦!! 當時真係好驚訝呢條著得比想像中好睇, 未婚夫同好朋友都大讚, 佢背後塊紗係心型架, 好特別!! 
 

試完五件婚紗, 接落黎就試紅裙同晚裝:

 第六條裙, 我本身個人比較鐘意型格少少嘅野, 當時店主知道就揀左呢條裙比我試, 未婚夫表示100%係我鐘意嘅野, 最鐘意佢有裙袋, 到時可以袋定電話隨時同朋有自拍!!!!
 

第七條係入膊款紅裙, 當時試都覺得幾好架, 因為我真係入膊控hahaha 


第八條係上金下紅, 初初睇覺得一定唔襯我啦, 點知試完又比想像中好睇, 都幾意外(後來發現呢條裙好似好多地方都有呀)
 

第九條黎到晚裝嘅部分啦, 呢條裙超輕超舒服, 著完有少少唔捨得除, 因為我真係十分鐘意呢條晚裝(不過屋企人睇完相嘅feedback都麻麻, 好傷心呀)

 第十條係大熱款星空裙, 未婚夫表示佢覺得好襯我

最後一條係我一直唔敢試嘅粉色系, 因為我膚色偏黑, 我覺得呢啲都係白雪雪女生嘅專利, 不過店主同朋友都鼓勵我試下, so far都無想像中咁差lol 
 

到最後我同朋友都因為佢性價比極高所以join左, 因為佢可以將五件轉做PW用/主禮人(爸爸媽媽)嘅衫,彈性都好高, 所以我地都齊齊join左!!! 我知店主都會keep住返新貨, 黎緊都約左去試裙for pw用!!! 我都好推薦呢間比各位新娘去當試下款, 都可能會有意外驚喜呀:D

最後要多謝睇到呢到嘅你因爲唔小心打下打下打到咁長!!! 希望呢篇文章可以幫到無咩idea嘅妳啦:D

下一篇將會分享係尖沙咀試嘅婚紗店:)

1404 次閱讀 | 132 個評論
Facebook WOW Google+ Weibo Mail
當前第 3 個 | 共 5 個BLOG      上一個 | 下一個

評論

 132 12345

您需要先登入才能繼續本操作