婚享同學會


可用已有生活易帳號

登入


未有生活易帳號?

立即註冊

你可能也喜歡…

當前第 9 個 | 共 9 個BLOG      上一個 | 下一個
查看BLOG | 返回BLOG列表

京都櫻花秘景Pre-wedding之旅

2017-04-17 23:23
終於喺4月頭影左Pre-wedding啦,係集合左D先生好鍾意去ge日本+我一直想去睇ge櫻花元素~~

由於一早同D先生共識左只會影一輯PW (budget問題...),所以我地都有比較過唔同PW公司ge sytle 同package,記得之前有個親戚兩年前揀左Picasso Wedding影佢地輯PW(之後問番佢係輕井澤櫻花季節影),雖然佢地都唔係靚仔靚女,之但係佢地輯相又真係好靚啵,作品ge感覺好溫馨又sweet,櫻花景又靚,係我想要ge感覺~~ 所以揀PW公司果時都已經好留意呢間ge作品,最後喺婚展兜左幾個圈都係揀左Picasso Wedding同指定左幫我親戚影相既攝影師Raymond。

終於到拍攝當日啦,化妝師Annie朝早5點就黎左酒店房幫我著晚裝、化妝同Set頭,之前聽有d b2b講pw ge MUA無得試妝會化得唔靚or唔岩心水,但係Annie好細心幫我改善大細眼問題,又幫我修靚個眉形(我平時都無修開眉...),又解釋俾我聽我ge臉型比較適合咩髮型,令到我好放心 之後仲幫D先生執一執左個頭先出發。
 
好快Raymond就帶左我地去第一個景點(係呀,攝影師兼職埋司機),果度好近京都站,d櫻花仲要開得好靚好多,之不過除左我地之外成個景點一個人都無,真係估唔到咁近JR站ge地方居然有個咁ge世外桃源,仲要有齊鳥居、神社同橋,一次過滿足晒D先生三個願望。
 
之後換左和服繼續影下一個景點,Annie好快手就幫我轉左個髮型同換左頭花,呢度係全日最神秘既景點,因為聽Raymond講佢係前一日喺京都揸車周圍搵靚景時發現呢個公園,之前全公司都未有人去果度影過,我地係第一Pair,最緊要係人少同櫻花滿開,真係好多謝佢咁有heart幫我地搵景點

最後影婚紗Raymond帶我地去左佢地公司ge京都"招牌"河畔公園,河ge兩旁開滿晒櫻花,之前睇佢地的sample相時見到呢個景已經好鍾意,Raymond仲擒高擒低幫我地就角度揾靚景,非常專業同有heart!!
 
Annie全程都對我地好細心,一停機就比件褸我,驚我凍親,見我個頭俾風吹亂左會好快幫我整番好,仲做埋燈光師 我同D先生都唔係好識擺Pose既人,Raymond影每幅相都會教我地點擺pose,見我地笨手笨腳咁Annie又會幫我地d手手腳腳擺返啱位。另外我同D先生都注意到Raymond ge細心,因為D先生同我差唔多高ge關係,Raymond為左d相出黎ge效果會好d,全日好多景點都有一d天然ge暗級,解決身高ge問題。食lunch ge時候,Raymond仲主動俾部相機俾我地睇下影左的相,未執都已經好靚啦!! 最緊要係影到我地好sweet好自然 好期待快d正式收相睇~~
 
插曲:
其實我地原本Book果日係落大雨,果朝起身見到天氣咁差都好擔心,Raymond一早就打黎問我地改唔改日子,因為果日係第一日落雨,應該會好大雨,建議2日之後天氣預報話天晴,而且佢地兩個當日係休息日,可以用自己ge私人時間黎幫我地影相,效果會靚d,而佢地幫我地影完之後,Raymond仲要即刻揸四個鐘車落富士山,第二朝一早又要幫第二Pair人繼續影,所以佢地真係好好人呀。


Raymond 見我地一落車就興奮得滯係咁自拍,所以忍唔住幫我地用手機影左幾張相...
621 次閱讀 | 1 個評論
Facebook WOW Google+ Weibo Mail
當前第 9 個 | 共 9 個BLOG      上一個 |

留下足跡

評論

  • kyoto_tokyo 2017-04-18 13:53
    想知道拍攝既地點,可以pm嗎?謝謝😊🙏🏻

您需要先登入才能繼續本操作