上次填咗張FORM(惠氏會員小冊了內)免費攞咗"迪士尼美語世界"既SAMPLE CD + DVD....DVD裡面都有"廣告"硬銷佢對小朋友既影響....D小朋友真係好鬼叻....1歲半已經識讀識認好多英文生字....雖然佢既"廣告"都幾有說服力, 不過我都冇諗住買呀...因為太貴啦....我諗應該有其他平D既教材有同樣既效

晉瑋唔知係咪厭奶呢???最近食奶好扭...平時佢食5-6安士/5餐, 但係呢兩個星期食咗2安士就唔想再食...勁喊, 要搵盡方法又坐又企又行咁等佢肯食番...搞成個鐘先掂, 仲要食唔哂....所以我同老公決定比佢試食開奶茶...但係佢既反應係狂嘔奶.....我媽咪同奶奶都叫我地唔好再俾佢食, 佢應該係受唔到...仲話呢d開奶茶唔係日日飲...

阿仔今個星期日去打第2支乙型肝炎針加肺炎鏈球菌加輪狀病毒......話咁快就4個月人仔啦.....但係仲未識得反身同用對手攞野呀.....不過就勁流口水law.....唔知係咪出牙仔呢??聽人講應該唔會咁早, 起碼6個月先架喎???

KIKO琴晚帶我去灣仔"天神村"買衫褲俾BABY....嘩嘩嘩....佢地做緊SALE($50/2件, $119/2件)....真係超級抵呀....仲要ALL MADE IN JAPAN喎! 最後我買咗2件衫仔, 6條褲仔(可以著到9個月大), 都好有型有款架, 等我今晚返去影番D相放上黎俾大家睇啦.....我揀個D褲仔好似DADDY而家著緊個D款....我諗到時兩仔爺一齊著

今日去上第2堂織冷衫堂....學用色牌間色...都唔係好難既, 不過就煩D囉...老公成日話買件都唔使咁貴...但係我堅持點都要織一件俾阿仔...因為當我每次諗起阿仔可以著住我既溫暖牌過第一個聖誕....真係覺得咩都抵返哂!!!!

我係留言廣場見到有d媽咪話playgroup申請好緊張, 一等就係1年半, 所以我都唔執輸, 星期三幫阿仔遞紙申請維多利亞playgroup, 好快就有老師打黎confirm收到申請, 話會幫阿仔排waiting, 跟住1歲會再安排黎面試......... 我同老師講: 我個仔得3個半月, 仲未識反身, 仲未識爬, 真係有需要咁快報名?? 老師答: 係呀...差唔