一邊睇TBB個節目, 老公就一邊話, 睇吓你幾幸福, 冇我你都變盛女呀~ 哈, 假設當初冇同老公一齊呢, 我估計我都唔會變盛女, 事先聲明, 唔係美女呀, 因為我畢業後已經開始"作戰", 搵人拍拖咁, 我估除咗交友網外, 我會繼續做義工, 識多d人, 應該都識到男仔0卦~  當然都係我估計, 結局係咪一樣, 冇人知嘅

呢個星期TVB播呢個真人show, 估唔到又引起幾大迥響, 尋晚嗰集"larp"到d, 聽到"港女"二字, 以前冇呢個terms, 我覺得係因為香港女多男少, 女士做到嘅工作唔比男士差,  "港女"我覺得係有d貶義~ 咁男士就好好? 一樣有唔少男士, 成個少爺咁, 少少事都係搵人幫0架, 我哋都可以叫佢哋係"

拎埋4月5號AL, 一連放咗6日, 真係唔願返工~ 今日完全係冇心情做嘢, 好在冇大project做緊, hea多幾日先啦~  放假帶個囡周圍去吓, 係累過返工0架, 不過見佢開心, 都值得~ 佢呢個年紀, 其實帶佢去公園, 由得佢跑吓, 都會好開心, 再大d就會有要求0架喇~  forum度原來唔少媽咪都覺得, 老公係個大仔, 意思係要湊

唔知點形容老公一家，有時我哋見人哋傾緊一個話題，唔搭咀咪得，等人講完你先講，62唔係咁，佢就會講另一個話題，又講得大聲，就搞到幾個墟咁，好嘈。 有時要就多啲人係幾辛苦，自己唔想就人，人哋都唔想就你，都係各自生活好啲。

病足成個月, 好咗d, 又起番, 咳到甩肺~ 食緊抗生素0架喇, 希望呢次清得到啦~ 一喉嚨痕就咳到停唔到, 飲水都飲到有d反胃呀~  病嘅時候特別想自己一個人, 可以安安靜靜咁休息吓, 而家返工先叫有d私人時間, 一返到屋企, 想攤晌床休息, 一係比個囡嗌, 一係就老公搞住晒~ 都幾煩哩~ 已經咳到我好煩, 加埋呢d更加"mu

啲咳硬係好唔到, 有人話食善古寧, $300/27粒, 食晒就好, 仲有冇其他辦法?

結婚, 兩個成年人一齊生活, 有好多事要磨合, 不過, 只要兩個人仍然相愛, 冇事係解決唔到 生BB, 的確為個家庭帶來唔少歡樂, 但寄語各位準媽媽, 要鍛鍊好身體, 少啲病痛, 唔係就似我而家咁, 病咗仲要湊囡, 個衰囡啱啱病好, 鬼咁扭計, 生佢出嚟真係自己整蠱自己, 想瞓覺好啲, 休息吓, 都冇機會

今日去壽司店食嘢，我叫咗蛋同蟹棒壽司比個囡，老公話陣間又要佢執手尾，我話，你唔食咪我食囉，冇人迫你食。平時阿囡食剩啲嘢係你爭住食，而家又要怨。做父母係咁架啦，執仔女口水尾。駛唔駛頒個獎比你呢？

我唔需要你成日開口話愛, 我寧願你花晌實際行動上, - 多點體諒我 - 多點認同我 - 多點聆聽我, 仲要記得我講過d咩 禮物, 我收到會開心, DIY都好嘅, 有自己落手落腳做, 買嘅, 我唔介意係幾錢, 最重要係你自己去揀, 呢d事似乎男人唔明, 以為個老婆一定要收份好貴嘅禮物, 好大紮嘅鮮花, 唉, 你有心買, 買一支都得啦,

lunchtime過海去旺角, 之前團購咗個朱古力set, 星期日同個囡一齊整朱古力送比老公, 諗住難得過到嚟, 買d嘢食先, 先發現原來我冇拎銀包, 哈哈, 得張八達通, 都係快快返公司喇, 唔係比差人查身分證就大件事