婚享同學會


可用已有生活易帳號

登入


未有生活易帳號?

立即註冊

阿珍的BLOG

阿珍的主頁 | 查看全部BLOG
自我介紹:
親力親為既我終於等到機會了! 2017年12月係我大日子~~可以一手一腳攪結婚既野心情既緊張又興奮! 希望喺到可以同大家交流下結婚既準備同請教下你地既心得! 多多指教~~~~

你可能也喜歡…

當前第 19 個 | 共 27 個BLOG      上一個 | 下一個
查看BLOG | 返回BLOG列表

勁易!勁低成本之蝴蝶結教學!!三分鐘完成蝴蝶結頭飾/煲呔篇~~~

標籤婚紗  化妝  婚照  行禮  婚宴  婚禮統籌  7月前
今次教大家係蝴蝶結髮夾 / 煲呔既!!!
因為兩樣都係一定要整左個蝴蝶結先呀,所以呢,
整個髮夾先,有D成功感!
依個蝴蝶結既難度個人認為有2個星星!!(5個星星最高啦~~~~)
初學黎講呢,係好易上手,一上手你會開始整好多個!!!我就係一個好例子~~~~
咁呢,比大家睇下製成品先~~~~~~~
其實自己整真係好平好平好平!!!!!!!!!!!!!
最緊要係整到自己中意既款式,仲要平!真係開心事黎既~~~

今次用具~~~~
白色線
雙面膠紙
交剪
銀色髮夾
裝飾材料(如珍珠呀,鈕扣呀等等)
絲帶(幾長就睇番自己想要既蝴蝶大細而定, 長度一定要係銀色夾既長度X2再加2CM!)
(點解有兩款絲帶呢?因為我要教你地整個冇咁單調既蝴蝶結~~~
 OK!
絲帶長度既比例可以望下下面:
材料準備好!
開始!

首先要修剪下絲帶先,有D毛飛出黎呢,剪走佢,但有D位會用雙面膠紙琴住既位呢,可以唔使做依PART~

咁呢就要用雙面膠紙啦~~~~

我地會將絲帶整成一個圈圈,所以呢,就要將絲帶如下圖咁樣連接,右邊既面貼好雙面膠紙,左邊既底就貼落去,



貼好就係咁啦!

咁呢,整好個後面,就整個前面啦,前面係咁既


貼一張雙面膠紙去下面既邊邊位置,如下圖~~~~(用黎做咩?用黎貼多一款絲帶,做個雙色蝴蝶結既~)

咁就撕走白色部份啦,可以貼碎花絲帶上去啦
咁碎花絲帶做法係要用綠色絲帶既圈圈做法一樣
跟住下圖咁做就冇錯架啦!

個比例就係貼左去上大家可以見到既範圍差唔多就OK!

跟住就整後面啦,O係綠色既下方邊邊貼一張雙面膠紙


貼好左左邊先,

之邊左邊既位置如下圖咁再貼一張雙面膠紙,貼好中間位置,咁右邊既絲帶貼上去就一定貼得實啦!

OK!睇番個前面先~~~~~

下一步就係整個蝴蝶出黎啦,

可以先準備白線 (其實任何線都可以既)同交剪!
我地會用白線o係絲帶中間綁緊打結!
白線長度都係絲帶既長度大約30cm啦,

咁呢o係綁之前要摺一摺絲帶既中間位置~~~~中間位置即係手指指既位啦
依個步驟我認為有dd難度既地方~~~

第一步,平放好左絲帶先
將絲帶橫分3 part, 
第1 part下圖咁, 摺一摺(hold住)

第2 part,中間位摺一摺~~~~(都係hold住,依個時候你係hold住兩個摺既)

第3part,底既位置摺一摺(都係keep住, 依個時候你會好忙,因為你要hold 3個摺)

ok,依個時候你要繼續hold住,好似圖咁樣~
hold住!!!!!!!
依家開始綁上白線啦~

首先右手hold蝴蝶,左手拎白線

白線就o係你hold住既位置打圈綁緊!要緊!


大約打8個圈左右
要打得緊

你就可以將白線o係蝴蝶既後面打上死結,記得係綁實既,好似下圖咁.


剪走多餘既線

蝴蝶後面

前面:

好,咁中間位我地要用絲帶包住白線(任何剪淨既絲帶都可以)

(依個時候開著溶膠槍啦!準備用)

如圖咁包住

我地會用溶膠貼實蝴蝶後面既位置,
,要用溶膠既位置係我手指公既位置

一滴仔就ok,滴上去之後貼好,下圖咁,有dd力按壓,

貼好後,蝴蝶前面係咁既

跟住到貼髮夾,注意番,因為我多數用右手落夾,所以髮夾係左邊開口既,
因為落夾如果開口係右邊,你會發現好唔方面,但如果你係左手落夾,咁你就要用右手開夾既做法
即係要咁貼~~~

預備好!依part大家動作要快少少~~~
將溶膠溶o係駁夾上


將蝴蝶置中咁貼上去髮夾上
用力按壓~~~~~

貼好之後,你會發現髮夾左右各有1個 孔

都要落溶膠,
將蝴蝶貼實髮夾有孔既位置:

落溶膠~~~


好,溶膠好快會乾,就去番蝴蝶既前面,o係中間位置做番少少裝飾,
中間位置滴一滴仔溶膠,再貼裝飾上去,都係要按壓,



整好裝飾之後,睇下個蝴蝶結髮飾有冇d膠絲呀,絲帶毛毛呀,有就修剪下啦~~

登登!!!!!大功告成!!!!!!!!!!!!!!!!!!!

試戴一下先~~~


咁大家識左整髮夾,整個煲呔更加冇難度啦,只係個銀髮夾轉左用橡根
下次再教大家~~~~~~~





3784 次閱讀 | 12 個評論
Facebook WOW Google+ Weibo Mail
當前第 19 個 | 共 27 個BLOG      上一個 | 下一個

評論


您需要先登入才能繼續本操作