YYanlam
新婚同學
您認識YYanlam嗎? 認識或者想成為新朋友,立即可以加為「好友」,第一時間知道YYanlam的最新動態。
把YYanlam加為好友

  • BLOG
  • 相簿
  • 新婚檔案
YYanlam

https://wow.esdlife.com/space.php?uid=118475

已有 5531 人次訪問, 23個積分

全部 個人動態

  • YYanlam 發表了新BLOG 7日前
    (已向消委會投訴)中伏 - 訂造婚紗2
    想知發生乜事可以睇返下面條linkhttp://wow.esdlife.com/space.php?uid=118475&do=blog&id=359489

    本來分享完就算,橫掂已經無左舊價,我亦已經搵過另外一間解決左件事(呢間好多B2B都有post話上過去試,我試完又真係覺得好靚)。

    但負責人睇到我個post然後聯絡我話我惡意中傷佢,無理佢感受。睇黎以後只可分享好事,壞事就唔好話俾你地知。

    所以我已向消費者委員會作出投訴,預左件事可能會不了了之,因為只係做個中間人幫你。但叫做開左個檔案,記錄在案,日後如果各位都有呢類情況,個邊都會知道之前已經有人投訴過。

    實有人話抵死啦,4xxx就想訂造件婚紗?又話我圖中張相係外國超級靚料,呢個價有咩可能。係既,如果我一早對d布料各樣咁熟悉我就唔會有呢個情況發生,都怪自己乜都唔識囉。至於話一模一樣呢個問題,當然知道唔係100%,但做到出黎有幾多%由你地眼睛自己定斷。  

    至於第2條,如果你地覺得接受到無問題就話我知,可以轉讓(唔係免費呀,話哂都俾左4xxx)   

    值得一提,負責人態度係ok。實有人鍾意/唔鍾意佢店。或者我呢個只係咁唔好彩既個別情況。呢d都由你地自己去試左,有親身經歷先知。

    我唔會再回覆任何有關呢件事既回應啦,因為已交消委會處理,就告一段落啦,如果有興趣知我join左邊間我都可以分享下。
  • YYanlam 上傳了新圖片 7日前
    手機上載
    共 1 張圖片
  • YYanlam 上傳了新圖片 7日前
    手機上載
    共 1 張圖片
  • YYanlam 上傳了新圖片 7日前
    手機上載
    共 1 張圖片
  • YYanlam 發表了新BLOG 9日前
    中伏 - 訂造婚紗
    諗左好耐打唔打呢篇野,冒住可能會俾間野找我晦氣既危險.....(因為唔知佢會唔會有d fans係度睇然後報料)
    我打呢篇野目的係真係想各位唔好步我後塵..
    呢間野係銅鑼灣,sell只賣不租,來圖訂造

    相信唔洗開名大家都會估到邊間,因為呢度都有好多B2B講過呢間野

    我係今年2月既婚展中join呢間野,當時佢地話可以來圖訂造(因為本人比較瘦,當時認為訂造比較fit size),我即時俾左張相個負責人睇,佢答做到,仲話好有信心,仲即時畫左張圖出黎添,所以我都覺得好似有d料到喎..就join啦,原來要full pay,咁我都俾左。(千其唔好學我!full pay真係要諗清楚先)

    4月去間店度傾條婚紗,度身,我仲send埋我想要訂造個條婚紗既相俾佢。然後我之後上facebook睇呢間野都有好多明星著過佢d裙行婚展catwalk,應該無咩問題啦,就無再理,等佢通知。
    6月頭我whatsapp佢問件婚紗大約會幾多個月前整,整之前會唔會再同我review多次d detail位,因為驚隔左咁耐佢會無咩印象,驚有d位整出黎有出入。當日佢覆話已經做好,然後我就好心急幾日後就上佢店試,一見到條婚紗我未著已經開口問佢呢條婚紗係咪我?因為我眼前呢一條完全唔係我要既野,著上身之後......

    上圖係我send俾佢,下圖係佢做出黎 

       
    上面個透視lace都算,都叫A貨,但個拖尾!真係似咩?唔好話一模一樣呀,連似都唔係呀!根本兩樣野,之後我拎返張相出黎同佢講,佢話因為人地加左層lace等等等等既野,但當時我決定要呢款既時候佢話因為多lace所以要加錢,依加同我講廢話?仲話我帶左頭紗既話都見唔到後面係點!然後條拉鍊位又露哂出黎,佢話人地個款係真係一粒粒扣上去既鈕所以唔同。佢當時係主張話叫我做拉鍊,話會幫我釘返d鈕上去,結果出到黎?仲要唔記得自己講過乜。當時就話乜都得,完全無講過話邊一part有問題邊一part會做唔到。

    當時我仲好on9咁安慰佢話其實已經做得好好...

    之後一離開間店先醒覺,我唔係真係要著住呢條野結婚嘛?即刻上網睇呢間野乜料,點知咁多人話佢係淘寶野,又話有人都試過訂造都係貨不對辦!然後我即刻whatsapp佢要求退錢啦!因為真係貨不對辦。然後佢就話點解我連一次機會都唔俾佢,總之就係講一大堆野話佢自己係好有heart個d說話。我又真係俾佢軟化到,又真係俾多次機會佢重做,諗幾多次我都覺得自己on9,應該根本要堅持退錢。

    之後我連款都改埋,因為問過朋友個拖尾個lace係法國靚料,佢收我個價無可能做到。最後都係決定做佢店內現有既款式,實無死啦係咪。但我就自己再選過呢一款花。等到8月做好去試,結果出到黎都係唔掂....質量真係一個好大既問題。你地會唔會真係著住呢條結婚?   

     我男朋友問過佢退返一半錢黎,佢拎個理由係今次已總按我要求整,我先再次醒覺我當初真係唔應該再俾機會,根本係個局.........無得退但我都照要拎返條裙,話哂俾左錢。

    最後我都係拎多舊錢出黎搵過另一間租,今次租,唔敢再訂造...好彩呢間正野好滿意,可以fit到我size,總算解決左,因為我婚期係今年12月,拖左我咁耐真係好趕。依加解決左就有時間出post。

    我打呢篇野真係想各位唔好步我後塵,如果你真係睇岩呢間野既款,咁你直接去淘寶搵啦仲平,佢連擺係facebook d婚紗/晚裝相都係直接淘寶copy。

    佢實有佢既客路既(媽媽/奶奶),我只係分享我既經歷。完啦....辛苦大家睇長文。
  • YYanlam 上傳了新圖片 9日前
    手機上載
    共 1 張圖片
  • YYanlam 上傳了新圖片 9日前
    手機上載
    共 1 張圖片
  • YYanlam 上傳了新圖片 9日前
    手機上載
    共 1 張圖片
  • YYanlam 上傳了新圖片 9日前
    手機上載
    共 1 張圖片
  • YYanlam 上傳了新圖片 9日前
    手機上載
    共 1 張圖片

新婚檔案

我們的大喜日子 : 03/12/2017

全部 相簿

全部 BLOG