dreamcometrue
新婚同學
您認識dreamcometrue嗎? 認識或者想成為新朋友,立即可以加為「好友」,第一時間知道dreamcometrue的最新動態。
把dreamcometrue加為好友

  • 心情記錄
  • BLOG
  • 新婚檔案

全部 心情記錄

  • 請問大家有冇pre-wedding租車推介? 想喺香港租七人車+司機🙏🏻🙏🏻🙏🏻🙏🏻 ( 5個 回覆)
  • 有冇人join咗ztage wedding?😆😆😆 Join咗可以pm我拎電話及編號, 齊齊會有500分贏禮物😄😄😄 (join咗三內日補交名都得㗎) ( 2個 回覆)
dreamcometrue

https://wow.esdlife.com/space.php?uid=119746

已有 12054 人次訪問, 314個積分

請問大家有冇pre-wedding租車推介? 想喺香港租七人車+司機???????? (回覆)

全部 個人動態

  • dreamcometrue 評論了 OceanAzur 的BLOG 深夜淘佬開箱 5小時前
  • dreamcometrue 發表了新BLOG 9日前
    尋找我的專屬婚戒
    前言:
    「結婚是一件認真的事」

    呢句說話我好認同,

    正正因為彼此相愛,

    所以我哋都非常認識對待我哋嘅感情。

      

    我們的愛情故事‥‥‥
    我同K先生2010年喺大學認識,

    2011年展開咗我哋嘅愛情長跑。

    一年前,我同佢已經有共識要展開人生新一頁,

    所以我冇等到對方求婚,

    就決定開始籌備婚禮。

    但原來籌備耐咗,

    自己內心都好渴望被求婚嘅一刻。

    我嘅好姊妹成日同我講,

    要好好享受籌備婚禮嘅過程,

    因為一世人得一次,

    要好好珍惜同另一半呢段時間,

    但係我覺得似做Tasks多啲,

    完全冇結婚嘅感覺,

    糾結嘅心情一直纏繞着我(唔知有冇B2B有同感呢?)

    直到今年8月,

    K先生終於畀咗我一個既驚喜又浪漫求婚,

    仲感動到喊咗我兩日!(我超誇張!)

    於是乎終於有結婚嘅感覺!Yeah!🤣🤣🤣

    而第一個求婚後同共進行嘅任務就係選婚戒~
    選婚戒旅程展開了‥‥‥
    正正因為重視求婚後嘅首個任務,

    所以選擇咗喺我生日正日進行。

    當日,我同K先生嚟到位於旺角雅蘭嘅周生生,

    向職員表示想了解婚戒。
    其實我同K先生對於戒指真係一竅不通,

    事關平時我哋都唔多戴首飾,

    甚至有講過即使結婚之後,

    都唔會時時刻刻都戴上。

    直至聽到職員介紹Promessa系列Enigma婚戒嘅獨特之處,

    我哋都開始被打動。
    認識Promessa Enigma婚戒系列....
    Promessa Enigma婚戒由兩個旋轉盤組成,

    你可以隨意配襯上、下兩個轉盤,

    三種顏色分別有950鉑金、18K黃金、玫瑰金。

    而戒指嘅表層亦分為「光身」同埋「拉絲」,

    一共有6個款式,9個顏色組合,

    獨特性好高。

      

     而最最最獨特之處,

    就係戒指內外可以刻上唔同嘅字或符號,

    你大可以寫上屬於你和伴侶嘅愛情密碼。

    當指環分層轉動嘅時候,

    呢個密碼就會被分割開,

    其他人去睇,就完全唔知道愛情密碼嘅秘密,

    真係幾符合我哋鍾意低調地浪漫,

    而望到呢對戒指,亦都好愈來愈希望可以日日戴住。

      
    (網上圖片)

      

      
    (網上圖片)

    職員亦都為我哋展示出戒指Sample,

    當中包括刻上「Forever」、「Promise」以及「 Je t'aime」(法文:我愛你)嘅戒指。

    而我最想喺戒指外層刻上就「n paau I」,

    我記得睇電影《春嬌與志明》出現過「n 55iw !」呢個愛情暗號,

    識得倒轉去睇,

    就知道其實係代表「i miss u」。

      
    (網上圖片)

    我覺得愛情就好似電影橋段一樣,

    說話唔需要多,

    一種眼神、一個動作,

    就可以意會到彼此,

    呢樣叫做默契。

    喺戒指表層刻上「n paau I」,

    倒轉去睇就係「I need u」,

    我希望可以建立屬於我哋嘅暗語,

    愛得低調得嚟不忘放閃,

    真係好符合我同K先生嘅Style!
    至於內圈方面,我希望可以刻上結婚日期,

    提醒我哋喺結婚週年時要好好慶祝🥂,

    唔好忘記婚姻係需要努力經營同維繫️,

    同時亦都要僅記「Promessa」 意大利文嘅意思-「承諾」,

    因為我哋要承諾要好好愛大家️。
    認識Promessa Birthstone緣分誕生石鑽戒系列...
    至於另一款Birthstone婚戒,

    亦都係製作得獨一無二。

    有人講過我哋嘅人生會遇到成千上萬嘅人,

    但係你嘅終身伴侶就只有佢一位。

    正因為緣份係咁珍貴,

    所以品牌亦推出咗十二種不同顏色嘅Birthstone緣分誕生石,

    每顆石都係代表唔同嘅生日月份

      
    (網上圖片)

    仲記得當時職員問我係幾時生日,

    我答係今日,

    佢哋都非常驚喜,

    然後再話畀我知9月嘅誕生石就係藍寶石,

    象徵智慧。

    至於我嘅另一半嘅生日月份就係1月,

    代表誕生石係石榴石,

    象徵恆心。

    喺鑽戒上嘅兩邊亦可以鑲嵌我同另一半嘅誕生石,

    真係別具意義,

    好似將我同佢都牽引喺一齊咁!

    而鑽戒仲可以選擇唔同嘅戒托款式添

      
      
    其後,職員就教我哋點樣揀鑽石,

    佢話價錢亦都會因應鑽石嘅車工、色澤、淨度同埋幾多卡而有所不同,

    亦感受到揀鑽石都係一種好大嘅學問,

    今次真係學咗好多嘢!

      

    試戴感想......
    我覺得籌備結婚嘅過程,

    難免會遇到好多難題、阻滯,

    但好慶幸今次嘅試戴婚戒過程係非常開心。

    兩位職員知道我哋參加周生生舉行嘅試戴計劃,

    都比我哋更熱心。

    除咗幫我哋影相,

    仲提議我哋點樣影相先更有Feel,

    好有人情味呀。

      
      

    其後佢哋知道我哋係2018年新人,

    仲立即畀咗張「婚嫁籌備清單」我哋,

    張清單列明咗籌備婚事進程提醒,

    例如係結婚12個月前需要「購買結婚戒指」、「預約婚宴場地」;

    結婚9個月前需要「預訂裙褂婚紗晚裝」諸而此類等等。

    而佢哋亦分享咗自己結婚或者做姊妹嘅經歷,

    我覺得呢種好似朋友般相處令我覺得好舒服,

    亦令我喜出望外。

      
      

    試婚戒亦令我學識小技巧,

    就係如何輕易地除下戒指。

    好多時,我除戒指時都會「轉」住咁除,

    奈何咁樣就會「啜」住隻手指,

    搞到手指紅晒都除唔到。

    不過,職員總係以親切嘅笑容,

    教導我要放鬆隻手,

    然後唔需要「轉」住除都可以輕易除下戒指,

    再一次真係學咗好多嘢。
    今次嘅試婚戒真係好難忘,

    好感恩今次遇到嘅人和事,

    令我哋可以好好享受籌備婚事嘅過程,

    對一對準對人嚟講,

    真係一個美好嘅開始。

     
  • dreamcometrue 上傳了新圖片 9日前
    手機上載
    共 1 張圖片
  • dreamcometrue 上傳了新圖片 9日前
    手機上載
    共 1 張圖片
  • dreamcometrue 上傳了新圖片 9日前
    手機上載
    共 1 張圖片

全部 BLOG

小圈子

新婚圈子 婚後賣物會 2.0