婚享同學會


可用已有生活易帳號

登入


未有生活易帳號?

立即註冊

你可能也喜歡…

當前第 11 個 | 共 62 個BLOG      上一個 | 下一個
查看BLOG | 返回BLOG列表

一千蚊內度身訂造爸爸西裝

3月前
由籌備婚禮開始每個週末都好忙,最近開始搵樓就忙上加忙...雖然係咁,我都盡量趁有時間就去完成多D TASKS,剛過去既週末就搞掂左餅卡、婚戒同埋好重要既爸爸西裝!

我爸以前既工作從來都唔需要著西裝,佢對衣著亦唔講究 (以前細個好羨慕同學仔爸爸會著西裝打呔返工 :P),佢後生個時好瘦,而家就有個典型既大肚腩...但佢膊頭又唔算橫,手腳又唔算話肥,買現成既碼數一定唔FIT 身要拎去改。之前佢問我係咪會帶佢去G20XX 買西裝,不過原來喺香港一千蚊都可以度身訂造喎!

間鋪喺金都商場,1樓同2樓都有分店(一上電梯就見到)。鋪頭裡面都幾多選擇,淨係揀布料都有排你揀。

 

爸爸比較保守,而且唔想搶鏡,所以鮮色/格仔PATTERN唔駛諗。店員推介條子(間條),我地都覺得有少少野睇靚過淨色又TIMELESS,爸爸最後揀左暗間。如果有多少少BUDGET,可以做埋活動絲面喺領口位,日後想平實D又可以帶返去鋪頭免費拆左佢。
 
 

度身過程都好順利,感覺到店員同度身師傅都好識得同爸爸級年紀既客人溝通(因為我爸有時好多野講...而且冇乜耐性),最後都幫爸爸順便造多件白色恤衫,唔駛再出去搵。度完身大概一個月後可返去試身,唔啱就再改,如果大旺季結婚我都建議早少少去度身,咁結婚前一兩個月就唔會樣樣迫到埋身咁辛苦喇!

價錢:
外套+西褲 $999
活動絲面/真絲面 $300-600
恤衫$280
如果要背心就加$480

唔方便喺到POST店舖名,有興趣可以再PM












1784 次閱讀 | 195 個評論
Facebook WOW Google+ Weibo Mail
當前第 11 個 | 共 62 個BLOG      上一個 | 下一個

評論


您需要先登入才能繼續本操作