-
CarCar0809:
通常big day 相幾耐先有?
(04-09 20:50)
-
CarCar0809:
昨晚終於畢業了，可以放低緊張心情。
係時候要搞旅行嘅野了
(03-25 19:17)
-
CarCar0809:
請問支its skin wedding cream 邊度有得買?
(03-14 22:52)
-
CarCar0809:
我唔會再送野比未來99， 話說買左條珍珠鏈送比佢， 送比佢果時佢d態度真是，人地送野比你唔係你鐘意嘅你都多謝一聲呀。佢問： 咩黎架。 我話:小小心意珍珠鏈比你當日襯衫。
佢話： 我帶金，唔帶呢d。之後就放係枱睇都冇睇。
真是永遠記住，當初諗住比錢佢租衫，男1話佢多錢過我地唔洗所以先送野比佢 果d錢當我比錢佢租衫算.....又或者我當比左乞衣?
(03-14 00:01)
-
CarCar0809:
下月底結婚開始寫帖計人數，真是比未來99激到，阿豬阿狗都話要請， 叫佢問下人地幾多人出席佢就話冇得咁問人， 話只能預大約。 你咁唔肯定我點預圍數呀！ 我只有一圍buffer,多過一圍要照計錢。 散席時間又要管又話要趕車趕船。我5至6又要斟茶，8點幾又要證婚， 點就都要10點半先散到席，唔係佢安排梗係唔知時間難就，佢只係識得自己攞威 成晚都係要就佢。 真是一肚氣要搵地方呻呀?。
(02-19 14:48)
- lamlam1230: 安排酒席人數係幾頭痛嘅事,不如同你未來老公傾下,叫你99俾個list出黎,婉轉d問人出唔出席,唔係預太多,到時好多吉位反而唔好睇,散席度其實你地都一早訂左知酒樓/酒店位置,驚客人唔識走咪係帖度加張地圖卡同交通說明,再唔係安排大巴車哂客人走囉,雖然咁樣會洗多左錢 (02-19 14:59)
- CarCar0809: 因6299 唔識字，佢地口講老公幫佢draft, 但寫兩寫又加d，加加下9x封。 問佢幾多人會來就話將帖數x1.5 ,頂。
交通突然又叫我搵旅遊巴車佢班朋友回碼頭，因住離島。話要趕11點船。 冇可能趕到啦，我最快都8點半開席， 唔通叫佢食食下10點就走咩。 (02-19 15:17)
- lamlam1230: 散席度我個人認為你唔駛太擔心喇，知自己住得比較遠會識預時間走，真係有需要咪安排大巴俾佢地去碼頭，搵d兄弟姊妹幫幫手，唔駛你開口好似趕客咁；至於酒席圍數，真係要好好夾一夾，我唔清楚你擺酒會點搞，睇返你地最盡可以擺幾多圍，會唔會考慮唔熟唔請，6299娶新抱開心事想公告天下好正常，但係要俾佢地知無可能請得哂咁多人，叫bf同佢地好好傾傾 (02-19 15:45)
- yy1228: 其實禮貌上都要先問左人個日得唔得閒先好俾帖人，咁樣會容易d預算，十點半散席都好早唔會太夜啦，真係遠既就book 車接客人去就近地鐵站，實有方法解決，加油～～ (02-19 15:16)
- sto: 禮貌上，約人比帖前都要問左人地黎唔黎到，係自己、先生夫人定闔府，寫多左/少左都唔好。
我個時都係8點證婚，成11點先散，如果10點半散既就真係好趕 (02-19 15:51)
- CarCar0809: 我係超級趕，因冇早上出門
5至6 要著裙褂斟茶
6:30至7：45要迎賓
8:00至8：30要進場註冊
8:45一定要開席
10：30一定要散旅遊巴車返賓客去碼頭 (02-19 16:29)
- Ivy514hk: 我5 點證婚，我所有野都極快速先meet 到1030 散席
正常真係不能再早??
不過可唔可以比let’s say x圍佢，叫佢自己諗點填滿佢？ 好過佢不停加人，無上限咁...
(02-19 16:27)
- CarCar0809: 已左比14圍佢冇得再加 (02-19 16:30)
- MrsTS: 加油加油！?? (02-19 16:49)
- kit_jai: 我wedding 係平日。我17:45外影完返去，即轉妝換衫。18:30切cake，之後就係影下相敬下茶咁，不過我唔洗換褂。本來20:30證婚，但影相遲左入去攪晏左，所以證完婚開席已經係21:20。
然後我都係book左車俾D親戚朋友去關口&新界，22:45左右D人一聽到有車就散晒?我地安排最熟既朋友最後影相，影完D人已經走晒，我地係冇送到客?
事後6299就話我地掛住影相送唔到客好似唔係咁好，但我同老公都覺得後生既相都返張相多D?
結婚前好多野我都好緊張，但過左嗰日之後就會發現當日咁多人都控制唔到咁多?結婚係開心事，最緊要大家開心，搵D信得過既朋友幫你執圍數，因為老一輩堅係唔鐘意問人係幾多人黎，但最後2星期就可以confirm 得7788，到時可以叫你6299 打俾親戚提佢地去飲，順便多口問下佢地大約幾多人黎咁啦！
我table list 整到前一晚?但最後都係亂既? (02-21 19:06)
-
CarCar0809:
過了一個好求其的大禮，所有野自己安排， 除左禮金我叫左男友比之外，其他野全部自己搞，仲要當日新娘要拎返禮品過回男友家（因只得一個親戚幫手拎去女家之後唔得閒拎回男家）覺得自己好似做妾士咁。 回到男家阿6299 見到完全冇問冇埋過。佢地態度我有唔開心有不被重視感覺，唯有自己安慰自己 佢地唔過問唔理我全權發揮。好過乜都管吧！
(02-05 23:10)
- Elainenedward: 佢地未必唔重視，可能佢地個人唔太熱情，唔識表達自己，你咁樣都算好過同99多爭執吧！ (02-05 23:17)
- Bellip: 無事啦 過左唔好諗 我當日都係咁 勁大壓力 真係唯有睇開啲 過完大禮就輕鬆好多㗎啦 加油?? (02-05 23:23)
- Carol_Lam716: 我都係咁架，不過當氹自己屋企人開心，我都搞大大壇 (02-05 23:33)
- Yuki1628: 我同你差不多,除左禮金男人俾，其他嘢自己張羅搵自己親戚幫手過大禮,男家完全無郁手。 (02-05 23:49)
- CJWG: 調返轉頭諗唔問好過問，無壓力，如果佢地問來問去，又要求多多，到時仲煩，仲大壓力，放鬆D啦 (02-06 14:55)
- yy1228: 過左去唔好諗啦～我過大禮都非常hea, 只有生果同利是，佢地可能第一次辦喜事唔識處理je, 慢熱d, 佢地唔理好過咩都要理啦～好快就big day, stay positive ar sis!! (02-06 15:02)
- CarCar0809: 多謝大家?真是要睇開d (02-06 15:50)
-
CarCar0809:
想問下 如過大禮終極簡化版：
男家 ：禮金， 上頭等用品， 2藍生果，龍鳳餅及2盒奇華禮餅，其他用包羅萬有 利是代替。
女家： 回一半禮金，生2，餅， 女媠金。
咁樣有冇問題呢？ 女家回禮有 冇話一定要咩大發糕 茶葉之類？
過大禮令我好苦惱，開頭老人家話簡簡單單就得， 轉個頭又話要買子孫桶，大發糕等等傳統野......我椰子都冇諗住買啦，咁又整咩大發糕呀！救命
(12-03 23:38)
-
CarCar0809:
有冇人有相熟嘅uber司機介紹? 幫手結婚車野
(11-09 21:28)
-
CarCar0809:
想問大家意見， 租褂 錦發 vs 永隆
邊間好d? 我想經濟得來 件褂又唔太舊的。因為我只著晚上敬茶 著一個鐘左右喳
(11-06 16:58)
-
CarCar0809:
媽媽唔肯著晚裝因為佢話著左唔舒服又怕焗身， 本身佢想外套加長褲，但我話佢係主人家，來賓著得仲靚過佢 。但佢都唔肯， 而家打算搵d 靚嘅套裝外套加連身裙比佢。 除左大型連鎖店， 邊度有呢d舖?
(10-14 11:26)
-
CarCar0809:
想問下大家有冇租金器嘅舖紹介紹？ 其實我都係戴果幾粒鐘， 唔想嘥錢買，婚後又唔會戴 將來賣返出去又蝕錢。但係又要足撐下場面唔好咁寒酸。
(06-25 00:08)
-
CarCar0809:
結婚日子當時係上網睇通勝定的， 之後擺酒場地， 租衫，化妝， pw, Big day攝影都搞掂左， 但反而未擇日過大禮，上頭，出門時辰， 個次序好似調轉左咁。
大家係邊度搵c fu擇日架？ c fu收費大約幾多呢？
(06-11 17:54)
-
CarCar0809:
聖x娜做緊優惠，餅咭滿60張7折，係咪同婚展價一樣?
(05-19 21:18)
你未來老公點講 (03-14 00:29)
回覆
「優質婚禮商戶」計劃 
