婚享同學會


可用已有生活易帳號

登入


未有生活易帳號?

立即註冊

你可能也喜歡…

當前第 27 個 | 共 29 個BLOG      上一個 | 下一個
查看BLOG | 返回BLOG列表

終於搵到fit 身既functional bra啦!

By Lem0n (聯絡作者) 於 2018-01-06 20:09
上星期有位B2B 都分享過呢間觀塘工廈區小店,於是見放假就book 左一節一對一免費fitting試下~上網book完有email同wtsapp確認booking,之後店家仲會有map教你點上門,雖然我係港島人,但都唔難搵~見佢上一位客人未走,係門口等左陣~ 

上到去地方唔算好大,不過每次只接待一位客人,試身area大privacy高!店內只有2款Bra,Functional bra同wireless Soft bra,每款有2隻色!今次接待我既係JENNY 小姐,佢首先介紹左品牌有咩特色,佢地既bra有隻專利綿(唔記得叫咩名),總之就輕柔d透氣d,而且係立體剪裁,完全同乳房貼合,唔會胸就住個bra!而Soft bra就係訓覺用,唔會cool住個胸,適合想relax/偶爾free下/sexy既朋友(因為我覺得有d少布)

由於我主攻functional bra,所以只係試左有鋼圈既bra~以前我買bra都係買waxxx, trixxxx呢d牌子,通常著開果個size就直接買,好少試得咁清楚!

試身要裸上身度size,唔知點解對住專業既JENNY一d怕羞既感覺都無(P.S. 我第一次坦盪盪係陌生人面前咋🤫) JENNY好細心幫我mark左d landmark,之後會同我分析我既問題: 2邊有大大個副乳,大細胸主要因為以前既bra太鬆唔岩size,導致一邊胸向橫發展好似八字胸咁,而且唔夠挺死啦,我唔想咁快der lin呀!!!!!

於是 JENNY攞左好多唔同size俾我試,每一個都好認真幫我調較肩帶、檢查鬆緊度、檢查鋼圈位置、有無離罩或cool住,仲叫我大幅度郁,睇下有無走位再重新check 一次!因為我size介乎中間,而且有嚴重大細胸問題,所以試左差唔多7-8件,終於搵到件岩我size,最緊要貼身舒適既bra!!!原本我著自己bra 無乜睇頭(小咪),一著上身就明顯見到好大分別,唔洗加pad都有條事業線,成個胸型提升左!呢間鋪最厲害就係size超多!就算一樣碼都有唔同罩杯size,特別適合香港女生~!(無論大定細都好齊size!)

JENNY仲會教我點樣正確著bra,保養同清洗bra,原來以前我大部分時間都買錯size著錯bra我地一路試一路傾,令原本一節30分鐘既fitting,搞左成個鐘咁岩依家有隻限量版新色bra(貴少少,要預訂),最後敗左2個都係800蚊左右!P.S. 平時好少去觀塘,JENNY 知道後就話可以寄去順豐站(滿1千免運費),但我應該會指派大上去攞貨

希望可以徹底改善副乳、大細胸既問題之餘,push up返個胸型靚d~等我之後影Boudoir更有自信



最低果款係限量新色~大話呢款最靚!(係呀 ,買bra都選擇困難症,要問)
  
24676 次閱讀 | 165 個評論
Facebook WOW Google+ Weibo Mail
當前第 27 個 | 共 29 個BLOG      上一個 | 下一個
全部(9)

留下足跡

評論


您需要先登入才能繼續本操作