Canus
人氣同學
您認識Canus嗎? 認識或者想成為新朋友,立即可以加為「好友」,第一時間知道Canus的最新動態。
把Canus加為好友

  • BLOG
  • 相簿
  • ?啣?瑼?
Canus

https://wow.esdlife.com/space.php?uid=123325

已有 60090 人次訪問, 942個積分

已有 2 篇婚享同學會貼堂好Blog

全部 個人動態

  • Canus 上傳了新圖片 6小時前
    手機上載
    共 1 張圖片
  • Canus 發表了新BLOG 6小時前
    [純分享]一輩子獨一無二簽名板️🧡
    簽名形式其實由一開始我已經100%決定好一定唔會用簽名布..因為聽過朋友講!個塊布佢放左屋企床下底半年之後大掃除個陣掉左..因為實在唔會捰返出黎睇

    所以我係好想搵一種可以係結婚之後能夠成為屋企佈置一部分既簽名方式!

    之後一直係淘寶搵呀搵!原本都有諗過打指毛油畫..但又驚會堆住好多人係reception..因為我地場地reception空間唔係好大同埋打完指毛又要抹手!所以最後都無諗依種!

    最後我係用左以下方式因爲big day當日太忙我自己都無同到我塊簽名板影相..同埋未收到攝影師既相..所以post左我依家屋企點將佢做擺設先!

    **強烈建議大家整依款..除左放係屋企好靚之外..因為我地重有心心淨..次次親戚朋友上黎屋企玩同食飯佢地都忍唔住寫下野掉落去

    所以好玩度係極高!!!

      
    再比你地睇下big day當日既佈置先!!真係勁吸睛架!!

    所以如果大家未整簽名布..而都想搞搞新意思!絕對建議大家整依個!而淘寶都有好多款background 同埋唔一定入心心重有好多其他野揀!絕對可以做到一塊你心目中獨一無二既簽名板..而塊簽名板絕對會跟住我地一世呀

    **塊板重係可以掛牆做油畫!!**




    分享完畢!多謝收看!

    想知道邊道淘到依塊簽名板就留言啦!

    鍾意篇blog既留個腳印支持下啦
  • Canus 上傳了新圖片 6小時前
    手機上載
    共 1 張圖片
  • Canus 上傳了新圖片 2日前
    手機上載
    共 1 張圖片
  • Canus 上傳了新圖片 3日前
    手機上載
    共 1 張圖片
  • Canus 發表了新BLOG 3日前
    [必睇]中伏花車公司
    次次都係分享平靚正野比大家..但今次一定一定要分享我既中伏經驗比大家!!!
    因為由Day1開始我已經諗好一定要用倫敦的士做花車!所以依個item係一早已經決定好亦都早近一年幾已經book定(因為big day 係大旺日所以好多野我都早早book定)

    搵到間價錢都ok既公司..咁我就租左架粉紅色倫敦的士加28座

    佢地係無實體店..只有Facebook page..但係我見都好多相同埋都好多job review 所以都無擔心過就落半訂

    而佢地都有好多特色花車做賣點..我租既粉紅色倫敦花車當然都係!

      
    去到big day前兩晚..佢地同我講架28座壞左..用唔到..想問下我地有幾多人..轉7人車比我地..當時都覺得無所謂啦..但因為兄弟姊妹已經十幾人再加埋化妝攝影又6個同埋我係有勁多袋物資要車去會場..所以叫佢比4架7人車我
    諗住無事啦..點知去到big day前一晚..佢地竟然聯絡我地留個big day聯絡既兄弟..同佢講架粉紅色倫敦的士有故障..可唔可以轉色(轉紫色或紅色)
    聽到個陣係勁錯愕..紫色紅色無可能囉!!!!!!!!!!!!重有點解會聯絡兄弟而唔係直接聯絡我..明明早一星期同埋早一日佢地先聯絡我路線..又要轉7人車同埋叫我可以早d入數..當日唔洗比司機(事後諗返有少少陰謀論可能想我full pay哂..點轉都改變唔到d咩️但因為太忙所以無事前入埋尾數..要當日先比)
    之後我係即刻打電話問返佢地....點解要換車發生咩事..佢就同我解釋話唔係..只係架車古董黎..行得比較慢..驚我地行程會延誤(但佢自己又講..但你地都只係炮台山去金鐘都好近所以都無問題..佢會叫司機早一個鐘開車黎)

    諗住無事啦應該..其實我只係最緊要有架車影外影..因為我地出入門都book左同一棟酒店..出門無用花車..係外影個陣先用
    點知d兄弟落去佈置個陣話架車勁殘..殘到一個點係影哂相sd比我問我點搞(真心..我覺得連男人都睇唔過眼架車一定係殘得好離譜🤦‍♀️🤦‍♀️)但係個陣已經係big day啦..我唔要架車咩唔通之後我問佢地正面係咪Ok..佢地話都ok既..係有少少甩色..但旁邊好多位都好差(事後我d屋企人都話架車有好多位搵膠紙痴住個車頭蓋又come唔埋咁)

    有圖有真相

     
       
    但係個陣都無辦法啦..都要上架啦🤦‍♀️🤦‍♀️如果事前我知道架車係咁我一定一定唔會比咁多錢租!!!!🤬車頭係有d甩色位

      
    影完外景既時間攝影師都忍唔住問我點解會租7人車咁騎尼我真係忍唔住話唔係咁架🤦‍♀️本身我係租28座但佢地話壞左喎要轉7人車囉🤦‍♀️

    佢一聽到即話邊有咁岩壞呀今日大旺日唔夠車咋..你又好人咁傻信佢

    Big day之後一日管錢個姐妹同我講返當日司機同佢講要比隧道費..佢幫我地比左..我一聽到係🧐🤨

    我地既路線係炮台山->金鐘->上環

    全程都港島點解要比隧道費......但當日好忙姐妹都唔得快快比錢..雖然唔係大數目..但係我地真係唔明點解要比(我地係完全無超時同埋正常晏晝時間用車)
    今次中伏分享真係唔想其他b2b同我一樣..租到架爛溶溶既倫敦的士(講真租得依d特別花車都係為左影靚相..但出黎係咁我真係唔想有人再中伏)而我最後重比左齊頭尾數佢地因爲係事前入哂利是封比keep錢姐妹幫我比
    分享完畢!多謝收看
    唔想中伏就留言等我pm你啦!!唔想有人受害
  • Canus 上傳了新圖片 3日前
    手機上載
    共 1 張圖片
  • Canus 上傳了新圖片 3日前
    手機上載
    共 1 張圖片
  • Canus 上傳了新圖片 3日前
    手機上載
    共 1 張圖片
  • Canus 上傳了新圖片 3日前
    手機上載
    共 1 張圖片

新婚檔案

我們的大喜日子 : 2018-12-01

全部 相簿

全部 BLOG

所有留言 留言板

  • TATAC9 6月前
    你好,,請問可以SHARE $25整tailor made連名鏡盒 結我嗎?
  • TATAC9 6月前
    你好啊,,
    我有興趣一齊團購整姐妹禮物..鏡盒 可以嗎??