婚享同學會


可用已有生活易帳號

登入


未有生活易帳號?

立即註冊

你可能也喜歡…

當前第 2 個 | 共 3 個BLOG      上一個 | 下一個
查看BLOG | 返回BLOG列表

[CXXII - Ep2] 外國網購高質姊妹裙分享

By babyccino (聯絡作者) 於 2020-06-07 15:09

同好友MJ雖然不是同一年結婚(其實如果以農曆年來計我們是同一年的),但相差不夠12個月,加上姊妹都是同一班人,為環保同慳錢起計,我們決定一齊share用,兩個婚禮用同一條姊妹裙。

不過因為MJ搞結婚比較倉促,再加上之前好朋友結婚時的經驗,發現就算度身訂造都要來回店舖改好多次先fit身,所以我地就決定上網買,寧願買完返來可能改一次就OK,不用浪費太多時間同腳骨力。而且我地都好想找D婚禮之後都可以著得返的款雖然後來發現要符合呢個條件真係好難

我地搵左以下幾間網店,好想同各位B2B分享:

A 

呢個基本上係無人不識的網購店,好多衫可以係度搵到,除左姊妹裙,佢連紗都有出。佢的姊妹裙真係睇到人花多眼亂,好多顏色同款式可以選擇,風格我覺得比較歐美的,我自己睇中左以下兩款

 

呢條我一見到已經好鍾意,覺好有氣質,但要4位數字,實在係over budget......而且佢最細得size 8,始終歐美size擔心太瘦的姊妹著唔到

呢條都覺得可以,不過都唔平,同埋我同MJ唔鍾意心口有個洞,所以都out

B

呢間都係幾出名的網購店,不過姊妹裙來講款式無A店咁多,而且多短裙款,但佢價錢上會比較相宜,有時遇上佢推出優惠就仲平D,以下係我地覺靚的設但都因為不同原out……

我覺得裙款幾靚,但短裙無長裙咁高貴……

 

MJ鍾意入膊款,而裙擺係魚尾設計,我都覺得靚,但我地二人的婚禮都唔係用深色做theme colour,好似怪怪的……


睇完AB兩店,我地就都幾清楚想找款式,所以搵得更有方向:

1.     長裙

2.     粉色系

3.     Budget $500以內

而為左想size更貼近我地亞洲人的身型,我地決定主攻亞洲的網店!

C

呢間係新加坡網店,之前見到佢係中環有pop up store,然後發現佢有出一個叫LYLAS系列,顏色同款非常適合用來做姊妹裙!

 

呢套其實係兩件來配的,所以要買晒兩件,咁就有少少out budget,但好處係之後兩件可分開襯衫著得返

呢件係最後入選的兩強之一,都好合地心意

D 

後來再search之下,我地又發現另一間新加坡網店,佢的bridesmaid系列款式更多,而且好多size選擇,纖瘦同豐滿的姊妹都照顧到,仲要價錢一D都唔貴! 

 

又係我鍾意的lace有袖款,但有姊妹介意個背開洞……

 

呢款分有袖同無袖兩種,前面有高叉,Simple and modern的感覺,兩件頭的設計很容易carry,而且呢個design姊妹唔洗著nubra或者bra top,舒服又方便,所以入選!

掙扎左一陣到底揀C店定D店,最後姊妹們投票一致決定D店,本來有想過可以一半人有袖一半人無袖,但大家都覺得無袖靚D,咁就費時煩啦,買晒同一款。計埋郵費唔洗500蚊有一條,而且佢係以DHL運來香港,3-4天就送到。收貨之後最驚喜的是,cuttingfit,我個條完全唔需拎去改。 質地仲好靚,用得是厚實舒服的布料,而且裙有袋,姊妹做野時好方便,真係無揀錯! 

最後送上MJ早前婚禮上我地真人示範的照片,好期待下年到我結婚時,姊妹們著靚靚同我影相。

1986 次閱讀 | 147 個評論
Facebook WOW Google+ Weibo Mail
當前第 2 個 | 共 3 個BLOG      上一個 | 下一個

評論

 147 12345

您需要先登入才能繼續本操作