[拋磚引玉貼] 06年11月布吉之旅

我想講我06年11月在泰國布吉旅行時的事,

唔知大家知唔知, 當時我住在巴東海灘果邊d酒店, 酒店除左房, 其他地方都冇冷氣架, 我住果間酒店斜對面有一間 如似有個in 字的酒店啊 ! 果陣聽講話哩間有個in字酒店café shop在地下室, 所以當年海嘯時好多人都食緊早餐, 入邊冇乜邊個可以出得返來, 而海灘出面d商場地下室亦是一樣...講返我住果間酒店先啦, 當時check in 之後, 我跟女友兩個人出電梯, 行左好耐都未見到我房門牌, 心想…唔會係尾房呱…一會, 到達了房門外, 眼見盡頭重有一個門口, 心諗, 我唔係尾房啦, ok~ 入面好黑, 未搵到燈制電話已經響了, 導遊打來問我間房有冇問題....真快 ! 之後我同佢講 : “我依加連燈制都未搵到…有咩事我就話打比你啦 !”

搵到燈制之後, 我開晒房入邊d燈, 間房都係勁暗, 果個天花上邊係冇燈架, 得入門口櫃, 化妝桌, 窗台上, 同床頭哩幾個燈…油木地版, 油木化妝桌, 木椅…淡黃色燈, 成間房暗暗的十分有情調 !

聽好多人講, d鞋唔好放我得好靚, 要一隻前一隻後咁放,總之亂放啦…(我一向在家都唔會放得好靚 ! )

頭兩日完全冇問題, 第3日晚上當我地2個坐在床上收拾戰利品入袋時…我兩二人面對面坐在近門口的床上, 我面對門口櫃, 女友背住個櫃啦 ! 拾拾下時, 特然我見到一個人企左在入門口放行李的櫃前面….佢著全白長衫白褲, 面色黑黑, 雙眼比皮膚更黑, 頭戴白帽 (上邊全部都有類似金色線….好似泰國果衫咁啦…最重要係…佢竟然穿著我的白色3條紅邊的波鞋….姐係站在我的鞋上面)

我望左1秒…之後低著頭想….我有鎖好門架 , 冇理有仕仔入左來都唔知…果時有種感覺係…中招了 -_-…睇到之後…氣氛, 時間就好似停左咁…過多一秒之後深吸一口氣向上望….咩人都冇…得我地2個, 我行過去門口睇…發現我的波鞋整齊地一雙平放在地上, 但其他鞋是亂七八糟的….只有我果雙係放得好好的…特然心涼了一下…感覺全身震了一下…唔知關唔關事呢, 之前幾晚我一入房就都把我的萬用刀拿出桌上, 就係第3晚沒有…之後2日我都放刀在桌上…沒事發生了…

返到香港, 講比朋友知, 佢地問我有冇唔要對鞋 ? 當然冇,我帶回香港現在還用緊呢 ! 現在想起都心涼涼的….

(插圖遲d會放上來, 請支持一下 !!)