婚享同學會


可用已有生活易帳號

登入


未有生活易帳號?

立即註冊

你可能也喜歡…

當前第 1 個 | 共 1 個BLOG      上一個 | 下一個
查看BLOG | 返回BLOG列表

什麼是「靠自己」?

By GloryKids (聯絡作者) 於 2019-10-17 15:10
什麼是「靠自己」?


和他們幾個溝通,時常都需要用很多不同的比喻來說明一些事情,尤其關於內化的行為問題。

由於他們的年紀未太懂得直接明白一些較抽象的概念和感受,所以好多時想解釋一些關於感受或內化行為時都用了很多不同的比喻來解說!

記得有一次同大哥哥做一些解難活動時講起....
「解決難題嘅時候,就算有別人從旁協助,其實亦需要靠自己努力嘗試才有機會成功!」嘅話題。
初時和他談起這個話題時,他仍好像一知半解,頭上有些問號但同時好像明白一點點什麼似的。
於是,媽媽又諗下如何能夠清楚易明地解說一下,最後就是用咗「運動減肥」來說明啦!

開始講故事啦!

媽媽:咩叫做靠自己呢?!
等我講個——
關於媽媽減肥嘅故事你聽啦,你一直都知媽媽成日話做運動係米?媽媽又會成日話自己好肥係米?

哥哥:係呀!你成日襯我哋未起身就做運動呀嘛!

媽媽:咁,點解我要做運動呢?

弟弟:因為媽媽好肥呀嘛!(弟弟在旁說)

妹妹:媽媽,你都唔肥!
(妹妹又講埋一份)

媽媽:吓?妹妹你早兩日至話我好肥咖喎!又話我好似有BB咁咖喎!依咖又唔肥喇?!

媽媽:Ng...係啦!我咁肥,所以好想減肥喎,不過我唔知點至可以減到肥...!
於是,媽媽去問爸爸又問你哋點樣至可以減肥變瘦呀?....
爸爸同你地幾個都教咗一個方法俾媽媽.....
呢個方法就係.....

#每日做運動!!!!!!!!

「運動」可以減到肥又健康!
媽媽知道之後覺得好開心,原來「做運動」可以減肥。

不過,媽媽雖然知道咗「運動」可以瘦,但仍然「未」有運動喎,所以一直瘦唔到呀!

因為咁,媽媽又去問你哋幾個啦喎:「點解我無瘦嘅?」,明明已經問咗大家「運動」可以瘦咖啦喎?!


呢個時候大哥哥就話啦!

哥哥:車!你只係問咋嘛,你問完都無做到運動!更係唔會瘦啦!

媽媽:係啦!搞錯呀!

媽媽問完,自己又唔做運動,唔通你哋做咗運動 媽媽會瘦咩?又唔通爸爸做咗運動媽媽會瘦咩?!


哥哥:係啦!一定要你自己做運動至會瘦咖嘛!

媽媽:係喎!一定要我自己做我至會瘦咖喎!
呢啲就係叫做 「成功要靠自己」加上堅持啦,有啲嘢就算人哋教咗我地都要我地願意付出努力和堅持去做至有機會成功咖!

哥哥聽完後,雙眼好像有「叮」一聲的眼神出現了幾秒,此刻的他認真地再次投入那解難活動中,完全沒有了剛開始時不耐煩的態度!

不過,我們大哥哥是個什麼都要快的人,所以到了現在仍然要不斷提醒他 「耐性」的重要性!

又係需要繼續努力的其中一環吧!
.
.
www.facebook.com/threekids.gloria

161 次閱讀 | 0 個評論
Facebook WOW Google+ Weibo Mail
當前第 1 個 | 共 1 個BLOG     

留下足跡

評論


您需要先登入才能繼續本操作