億年經典第二章 - 赤裸的秘密

林憶蓮的作品很多是一個故事，一個失意女人的故事
不敢愛，逃避愛，被愛遺棄，在愛裡的失落....
最加上林憶蓮本人的經歷，更令人細味到她唱出的鬱結

赤裸的秘密是一隻很精彩的作品，填詞人潘源良一向是說故事的高手，
很懂得用一些小物小事去反映情感，常能融情入物/景
而配上了張國榮獨白的劇場版，更是華語歌曲中的極品之作
這個故事，很可能你與我都曾經遇上
回想當天，我也曾有此經歷，遇上了一個受過感情重創的女孩，
不敢再付出，不敢再愛；
當我聽到哥哥說：
「而妳話 : o個個結我係用兩隻手打o架！你用一隻手又點可以解開呢？
我真係好想知道，究竟一對點樣o既手先至可以幫妳解開感情上o既死結？
究竟一個點樣o既男人先至可以令妳毫無顧慮o甘去愛佢呢？」
那種無奈與泣血，可想而知。



赤裸的秘密(張國榮/林憶蓮劇場版)
作詞：潘源良　作曲：薛忠銘　編曲：倫永亮

Leslie獨白 :
離開妳已經差唔多一年，但唔知點解，
當我每朝早起身剃鬚o既時候，仍然每每係個鏡度，
睇到妳o岩o岩目訓醒o既樣，好似隻貓咁，
將個頭絹入我睡衣入面；
記得妳講過：人越o黎越大、就越o黎越唔敢開始一段感情，
妳亦都講過從來無試過同一個男人，
可以好似同我係埋一齊o甘開心咁投入；
但係點解....妳始終都唔肯講俾我聽，
妳愛我o既？

就像是一艘飛向星的客機
心彷彿早已離地　身邊的一切游離
不夠膽望向你　為怕你知道此刻的心理
還是推開你　去呼吸空氣

盡力地說一些笑話作逃避
偏不知怎麼說起　方可找得到自己
為何能遇上你　能驟眼已感到沒半點距離
純屬緣份？還是如以往我再自欺？

偷偷感激你　能讓我再試這滋味
無奈我卻怕愛比刀峰更利　更癡戀也是要捨棄
只好感激你　明日我要與你分飛千里
留下我愛你這赤裸的秘密　也只好偶然再想起

Leslie獨白 :
鏡裏面，我又再見到妳著住我送俾妳o個件睡衣‧
呢，係妳胸口上面有一個蝴蝶結o個件，
妳每一次都會唔小心咁樣將佢打成死結，
我就一隻手剃鬚，一隻手想幫妳解開佢，
而妳話 : o個個結我係用兩隻手打o架！你用一隻手又點可以解開呢？
我真係好想知道，究竟一對點樣o既手先至可以幫妳解開感情上o既死結？
究竟一個點樣o既男人先至可以令妳毫無顧慮o甘去愛佢呢？

盡力地說一些笑話作逃避
偏不知怎麼說起　方可找得到自己
為何能遇上你　能驟眼已感到沒半點距離
純屬緣份？還是如以往我再自欺？

多麼感激你　能讓我再試這滋味
無奈我卻怕愛比刀峰更利　更癡戀也是要捨棄
只好感激你　明日我要與你分飛千里
留下我愛你這赤裸的秘密　也只好偶然再想起

Sandy獨白 :
感情o既事，我從來都唔知道應該點樣去解釋....
可能因為以前所受o既傷，我同我自己講，我唔會再付出；
即使我好清楚知道，唔會再有機會碰到一個好似你o甘o既男人...
我諗人都係自私o既，係我再一次受傷之前，請你原諒我，
我只可以離開.......。