婚享同學會


可用已有生活易帳號

登入


未有生活易帳號?

立即註冊

意粉媽的BLOG

意粉媽的主頁 | 查看全部BLOG
自我介紹:
*新手媽媽* 享受了3年多2人世界生活, 2017年3月29日意粉王準時報到, 從此變成了2+1的生活 :) 歡迎產品試用, 請PM / email: docxed@gmail.com 聯絡我:)

你可能也喜歡…

當前第 1 個 | 共 7 個BLOG      上一個 | 下一個
查看BLOG | 返回BLOG列表

|意粉媽經驗分享| 認識嬰兒血管瘤

標籤Baby  意粉仔  嬰兒  血管瘤  士多啤梨痣  健康院  小兒外科  孩子成長  11日前

意粉仔手臂上有一個紅點

有時候係街遇到其他小朋友,佢地都會十分好奇

「呢粒咩黎架?」「BB痛痛?

每次都要解釋一番


其實我自己都係做左媽媽後先上網睇資料、去問醫生、問朋友

先認識「嬰兒血管瘤」,即係平時叫既「士多啤梨痣」


嬰兒血管瘤即係咩?

血管痣是嬰兒最常見的良性腫瘤是由胚胎期血管網增生所形成

血管痣分兩種,血管瘤和血管畸形。

臨床上以草莓狀血管瘤較為常見。

而成因坊間有許多說法/推測,

我自己問過唔同既醫生,都暫時未有確切資料可以說明其成因。


作為媽媽,一切關於BB的事都會特別緊張

所以剛發現的時候,心入面的確有一點擔憂,很心急想搵到治療既方法。

我自己綜合得出下面既小小經驗,旨在分享一下

等其他新手媽媽遇到同樣情況時唔需要太擔心


一出世就有?

其實意粉仔出世果時係無

直到出世半個月左右,陪月同佢沖涼時候發覺佢手臂有一個印

當時係淡紅色、平坦既

於是我地開始觀察住呢個紅印,到一個月大再去健康院覆診時再問醫生。



會愈變愈大?

正如上面所講,本身係淡紅色好細既一個印

但佢的確大得好快,半個月之後已經變成了接近1CM闊、突起既一粒深紅色

而家意粉仔5個月大, 已經變到1.5CM了


半個月大發現有個淡紅印


幾日後就開始變明顯


差不多2個月大時...已經少少突起既


3個幾月大...已經明顯突起


最近...五個月大


要治療嗎

我地當然想幫意粉仔消滅左呢個士多啤梨痣啦!

阿媽都想佢行偶像派架麻!(咁都講得出真係想笑C人咩...)

不過經過得到下面呢幾個資訊之後就決定暫時不作任何治療喇~


健康院

因為生係手臂,唔影響儀容,亦唔特別防礙生活/發展,

所以政府醫院係唔會幫你處理既,見過兩次醫生亦都覺得唔需要做。

因為呢類血管瘤分增生期、穩定期、消退期」

增生期=初生時候/剛發現時會急速增長

穩定期=大約到6個月至2歲不等,血管瘤的大小會停止生長

消退期=會2-5歲或更長時間會慢慢消退,亦有人唔退,因人而異


小兒外科的私家醫生

大致同健康院一樣,認為唔值得係呢個時候治療。

如果要治療需要做手術切除。但嬰兒太小,一定要用全身麻醉

佢有機會大個自己消退,到時雖然未必完全退晒會仲有d印

咁到時有需要可以考慮去美容院激光去斑咁處理,較為溫和

現階段並唔影響成長同日常生活

醫生就唔建議我地而家要意粉仔全身麻醉做手術,太唔值得了!

於是建議我地半年後覆診,暫時先作觀察。


身邊既朋友

另外,自己身邊既朋友亦有仔女都曾經有士多啤梨痣,

據說佢地都係3歲左右自己完全消退了

所以聽完專業意見+朋友分享,意粉媽決定都係觀察一下先


咁有咩要注意架?

其實嬰兒血管瘤係唔痛既,小朋友應該唔會有唔舒服既地方

不過醫生都提我要注意唔好俾小朋友抓損血管瘤

入面係血管,如果損左可能會難止血同驚細菌感染

有需要就要去診所洗傷口

而天氣乾燥就搽下lotion 避免擦損流血。

基本上一般護理就OK!


經我地既觀察,對比最初士多啤梨痣已經減慢生長

唔知係咪醫生講既穩定期

期待稍後見到消退期~嬰兒血管瘤自己消失啦

-以上資料只供參考,如有問題建議尋找醫生專業意見-
6371 次閱讀 | 0 個評論
Facebook WOW Google+ Weibo Mail
當前第 1 個 | 共 7 個BLOG      下一個

評論


您需要先登入才能繼續本操作