婚享同學會


可用已有生活易帳號

登入


未有生活易帳號?

立即註冊

你可能也喜歡…

當前第 1 個 | 共 7 個BLOG      上一個 | 下一個
查看BLOG | 返回BLOG列表

[H&H] 完婚review - 比你更緊張的細心MUA

2月前
雖然big day至今隔咗差唔多半年,一直因為懶冇做返個review
其實今次嘅Wedding好順利,全靠好好彩咁搵咗好多幫到手嘅人
特別係我嘅化妝師,佢化到我真係好靚
睇返啲相就算笑到見牙唔見眼都算叫一個靚女

呢個化妝師係喺我影pre-wedding嘅時候已經認識,
嗰陣已經覺得佢好細心,所以順理成章咁揀咗佢做我big day嘅化妝師。
big day嗰日,我聽得最多嘅就係啲人讚我好靚,
朋友都話個妝好有氣質,以下就俾啲近照大家睇睇啦

朝早出門

下午證婚

最後晚裝

底妝-嗰日係戶外證婚,而且10月嘅時候仲係好熱,但係竟然冇咩溶妝(加上佢會不停幫我補妝)
而且皮膚都化得滑同埋真人望住落去好自然,將我啲毛孔都遮得好好

眼妝-呢個係我最難化嘅地方,因為單眼皮關係,
好多時都搵唔到一個好嘅方法化到隻眼精靈同有神。
但化妝師一執執咁幫我痴假眼睫毛上去,所以成件事好natural

(本身對眼好無神)

髮型-朝早掛頭,我要求後邊有多啲花紋同埋用細花。
下晝去草地舉行婚禮,我就着婚紗,化妝師就地取材用我花球多出嘅花做頭飾,覺得佢襯得好好睇!
最後襯紅色衫,我鍾意依個馬尾嘅曲度。
另外我想講化妝師自己有好多唔同嘅頭飾、乾花等素材,全部都好靚㗎

後感:
我覺得自己搵到Jennifer做我化妝師真係好幸運,佢盡責、不計較,
成個過程入面佢都會不斷咁check住你嘅狀態,所以我完全放心將個妝同埋頭比佢整,
自己都冇咩望過鏡,但睇返啲相仲可以保持種仙氣
第時老左拎返啲相出嚟見到自己咁有氣質真係開心

1774 次閱讀 | 53 個評論
Facebook WOW Google+ Weibo Mail
當前第 1 個 | 共 7 個BLOG      下一個

評論

 53 12

您需要先登入才能繼續本操作