剛剛過左既星期我好唔開心呀!! 因為我地養左11年既狗狗走左, 佢係我地養既三隻狗當中最最最乖既一個, 我地個個都好錫佢, 佢走左, 對佢黎講係一種解脫, 希望佢下世可以開開心心啦!!   BOBO (又名妹妹) 199? ~ MAR 31 2009

收到新助養小朋友既資料喇, 今次係一個11歲既男仔, 讀緊4年班!! 剛剛仲收到佢封信添...佢話大個想做醫生, 真係乖仔呀!! 希望佢可以達成願望啦... 我就真係懶呀! 收到佢封信都好幾日, 但總係的唔起心肝去回信..係咪因為要寫英文呢? 總是覺得寫中文會快D, 表達得好D, 我既英文又真係麻麻地!!

前幾日宣明會打比我, 話我個女既阿爸搵到工做, 所以唔洗我助養, 乜咁得意既? 唔可以繼續助養既咩?? 真係唔明呀?? 佢問我仲會唔會繼續助養其他小朋友, 我當然話冇問題啦, 仲問佢有冇中國既小朋友, 佢話冇乜喎? 但唔係中國好多小朋友都好慘好窮既咩? 比人助養晒?? 原來有咁多好心人幫助D窮困既小朋友喎! 咁我就唯有繼續助

上星期六18號, 同家姐去葵芳洗牙, 但個醫生要4點先得, 咁我地諗住放工去葵芳食野後行一陣, 點知一去到就見到好大個poster話林峰會黎, 咁我一嬲都幾鐘意睇佢, 所以諗住等佢出場先去食野, 咁張poster話2點開始, 林峰好準時2點到, 但個show係2:15先開始, 離遠見到佢都幾高幾瘦, 仲影左d相添呀!! 哈!!    

10月4號阿源既哥哥結婚, 佢選擇左西式, 咁係大埔海濱公園搞, 係回歸塔附近, 我地開頭諗海濱公園有地方咩? 點知去到, 係一片大草地, 我同阿源負責睇住人佈置, 同果度既負責人夾點樣佈置! 到2點半工式開始! 切蛋糕, 證婚, 個過程都好順利呀!!   前一日3號仲話可能會掛8號風球架, 到4號朝頭早都仲落緊雨, 點知到12

嘩~真係好耐冇更新個blog喇, 實在太懶喇! 哈!! 係上個月既20號同阿源屋企人去海洋公園玩, 開頭諗住係去哈佬喂, 因為係夜晚去, 點知唔係, 但都冇所謂啦, 因為好耐冇去, 而且只係幾十蚊一張菲!! 去到只係玩左一個過山車, 唔知係咪因為夜晚, 定係我老呢? 好驚呀! 驚過之前玩咁既!! 跟住去睇海洋劇場同水母館! 因為係第一次

呢個星期有 D 顧慮 , 所以塊面起左 D 粒粒 , 我本身係唔會點起粒粒架 , 但之前發覺塊面多左好多 , 所以先諗會唔會我果個時間胆心一 D 野所以先會起咁多 !! 咁今次既原因就係發覺自己既頭髮少左好多 ! 我本身係短頭髮 , 為左結婚所以突登留長 , 近排天氣熱熱地 , 所以 ” 責 ”

剛剛過左既16號係法國婚紗度揀左相喇, 我地只係揀22張, 原本影左百六張左右, 我地好蕭洒咁揀剩40張左右, 跟住係咁out, out剩22張, 真係太好喇, 唔洗加錢要相, 因為阿源覺得影到佢好肥! 所以佢揀唔落手呀! 哈! 但我就可以揀到4張單人相, 佢好難先揀到2張單人相...其實d相唔係好似我咋..但都影得幾靚呀!! 哈! 到最後都係加左

2號果日家敏想話帶QQ去游水, 問我地帶唔帶BIBI去, 我開頭唔想帶架, 因阿BI身體真係好差, 驚佢游完水會皮球敏感同冷親呀! 而且果日阿源要番工, 諗住唔洗帶去添! 咁阿源3點左右番到黎, 家敏話有排燒, 所以我地飛的去天水圍! 都要$160呀好彩有八折咋..去到就抱阿BI去泳池, 一放佢落水佢就識得游, 好得意呀! 阿BI每次游完就抱

剛剛過左個星期三, 7月30號, 我地約左去法國婚紗影相呀! 我地約左12點, 首先係換衫化妝, 化妝時我同化妝師講唔想咁濃, 但佢都係化得好濃呀! 仲話唔係好濃添! 但我望住塊鏡, 已經有D唔似我喇! 咁化完妝行去番阿源度, 佢一望到我, 第一句就話唔似我呀! 我叫佢用手機影底我個樣, 今晚可以比家姐佢地睇呀! 原來我簡既UPGRADE