婚享同學會


可用已有生活易帳號

登入


未有生活易帳號?

立即註冊

你可能也喜歡…

當前第 1 個 | 共 2 個BLOG      上一個 | 下一個
查看BLOG | 返回BLOG列表

婚後Share不花冤枉錢的貼心退酒服務-婚宴酒🥂

By MrsRight (聯絡作者) 於 2018-07-13 23:04
一個婚禮真係好唔簡單, 完成晒所有野之後休息左一排!依家慢慢打返d分享先。大部分婚宴後Review都係講場地, 今次我想分享下當日令我都好印象深刻但係大部分b2b都冇咩點留意既一Part - 酒 (都有見到其他b2b介紹過呢間, 但好似唔見有big day當晚既情況, 有興趣可直接飛到big day當晚個part)

話說我之前出席過朋友婚禮, 佢地呢就係尖沙咀一間酒店擺酒, 場地呀個d都幾靚, 食物都OK。但就衰左係個任飲紅白酒既Package到, d親朋戚友就數d酒唔好飲。其實都明白任飲唔會好高質素。點知一件咁簡單既事係可以比人傳萬里⋯⋯

睇到咁既情景, 我都預左要出去買酒。

  
(其實覺得呢2支酒標幾靚,望落去好grand)

個陣就係網上搵到一間專做婚宴酒既公司, 見佢地有得免費試酒又可以退貨, 我就打電話去預約。‍♀‍♀‍♀ (其實之前去婚展都試左幾間賣酒既, 但係個幾間一黎唔太好飲, 二黎冇得退貨。最後都係放棄左)

本身場地(Cxxx Oxx)都有得加錢包任飲(+$9xx,包紅酒,啤酒,汽水🥤) ,我擺20圍都要$18,000 如果要比咁多錢買左d低質素既酒我真係會肉痛。本身擔心出去買, 好難預d賓客飲幾多, 同上網搵過幾間都係無得免費試 (如果免費試就要去婚展, 但我同老公都好怕去婚展), 但唔試點知好無飲

婚宴酒個負責人Choco, 就send左個Catalog比我, d酒都大約係$65~$110!我預算係Under $100一支, 咁一圍3支都係大約$6000, 價錢足足差左3倍!🤩🤩🤩

上去試酒呢, 其實好快就已經決定要落單。
有2個最重要既原因:

1. 佢地有得原價退酒 (即晚黎收, 唔洗辛苦d兄弟) ,而且免運費  

2. 佢地d酒真係好飲又好抵

佢地荃灣個試酒室都幾舒適, 我同老公仲特登帶埋個飲開酒既兄弟去試, Choco幫我揀既酒都好啱我地口味。試左4支, 我地已經有心水。

最後我地要左12支白酒 (2箱)同埋36支紅酒(6箱) (本身就算加$900 個Package都冇白酒), 都只係大約$5000多d, 完全係我Budget之內。

係到略略講下佢地既服務流程, 
預約試酒揀好酒就先比一半訂金 (可以比Master/Visa卡/Cash)佢地安排送貨婚禮當晚佢地會過黎做埋退貨 (如果你飲唔晒) 計算實際飲用量後當晚付尾數 (只可以比Cash)

  
白酒: De Alberto Verdejo, $90/ 一支, 呢支好易入口, 啱晒我


  
紅酒: Martue, $110/一支, 呢支連兄弟都讚不絕口!

因為尾數只可以比Cash, 佢地建議我係婚宴前一個星期入埋尾數 (Choco個時都有再提我, 個排真係太忙), 咁當晚退貨個到佢地係計算完之後即刻比返Cash我地負責既兄弟。其實當晚好多尾數要找, 少一筆錢就少一份擔心, 如果最後唔洗退, 咁我都唔洗搵人再記多筆錢。

退貨方面係有條件既, 但都好合理

1. 退貨以箱為單位 (姐係要冇開過箱先退得, 有d 6支一箱, 有d 12支一箱, Catalog有寫)

2. 最多只可退一半 (姐係我買8箱, 最多只可退4箱)

3. 退貨後金額不可少於$1000 (其實我買2箱都過$1000, 呢個問題唔大)

Big day當晚

  

到左婚禮當日啦, 真係要讚下佢地公司既服務。佢地早兩個星期會直接同場地個邊安排送貨, 完全唔洗我擔心, 仲主動提醒場地d侍應我地可以退酒。一開始仲好驚場地個邊有理冇理同我開晒佢, 所以我都有問返, 場地個邊話知道我地可以退酒, 所以佢所以等d賓客飲得差唔多先再開箱, 每箱都包好同貼左張紙提醒侍應唔好開晒箱, 真係非常貼心。

當晚我地總共都飲左4箱紅酒, 2箱白酒 (共36支), 退左2箱 (共12支)紅酒。佢地係大約10pm, 過黎搞尾數同退貨。佢地預先問我拎左當日負責既兄弟電話, 到時就主動聯絡個兄弟, 搞埋d尾數同退貨。老實講, 我有擔心過佢地10pm黎, 個席都要未散, 咁會唔會退左酒又唔夠飲?或者會唔會說服我地留多幾箱然後搞到我冇得退。因為到時係兄弟負責, 咩情況我都未必會知。

好好彩既係, 後尾問返兄弟, 兄弟都話佢地交代得好清楚, 佢話過程好順利。個陣開左3箱紅酒, 白酒就已經飲緊最後個箱。Choco 個同事過到黎同兄弟講, 其實留多1箱就差唔多, 剩返2箱可以退。確認過個2箱冇開過, 搞掂晒d手續, 佢地就拎返個2箱酒走。

試酒個時 Choco 都有同我地分析過, 我地個日係平日, 朋友都有d揸車既。d人未必飲得好多, 所以都叫我地大概預一圍1.5支~2支。除返開, 其實個晚真實情況一圍都飲左1.8支。我覺得佢地都預得幾好, 係真係爲我去諗點樣預個數量, 唔係個d Hard Sell夾人買多幾箱個d。🤩

最開心既係個日大家都話d酒好飲, 冇諗過d白酒會清得咁快, 仲有諗過如果有剩我可以拎返去慢慢飲。

同埋一d有飲開酒既親戚, 同事都讚估唔到係婚宴可以飲到咁好質素既紅酒。後尾我係呢間公司既FB Page見到原來我買個支紅酒拎左個什麼大獎賽既金獎!🤩都只係$110/支, 真係好抵飲。(早知道我就唔退啦, 送返比兄弟姊妹仲好)

雖然話擺酒好多野要搞, 但原來一件你唔係好爲意既Item係可以令大家都記得呢一日。從初初有d擔心到依家好感恩比我搵到呢間婚宴酒公司。完左個婚宴之後都有d朋友問我支酒係邊到買 (有d自豪感) 哈哈

有興趣的可以PM我
1860 次閱讀 | 203 個評論
Facebook WOW Google+ Weibo Mail
當前第 1 個 | 共 2 個BLOG      下一個
全部(15)

留下足跡

評論


您需要先登入才能繼續本操作