婚享同學會


可用已有生活易帳號

登入


未有生活易帳號?

立即註冊

你可能也喜歡…

當前第 4 個 | 共 8 個BLOG      上一個 | 下一個
查看BLOG | 返回BLOG列表

未來封塵太 #5 婚鞋點揀?gracegift都係伏,差過淘寶真係反哂眼

標籤婚鞋  高踭鞋  高跟鞋    褂鞋夾  8日前

話說封塵太我平時少着高踭鞋

個人鍾意oriental traffic個類style

鍾意粗踭英倫風

不過亦都好鍾意粉紅色既

要我揀婚鞋都揀左一段時間

成鬼日去試d勁高既高踭鞋

tryd個感覺

 

之前一直爬文

見到唔少同學仔都有介紹gracegift既鞋

幾百蚊有對靚靚公主鞋

都算係公道

所以我都姑且一試

買對紅鞋返黎pw同敬酒着都好

 

當然亦都有淘寶喇

但無諗過結果竟然出乎我意料之外

 

先介紹下我揀個對gracegift

玫紅色幼踭

 

開箱圖

我一着上腳

雖然size我買大左

就發覺有d唔妥

好似企得唔穩咁

平時出街試ZARA, H&M

即使試size大既又好鬼高既高踭鞋都好穩架

而且入面個底好線好滑(唔係鞋底!係鞋入面個底)

個腳板底一着上去就線線地

貼唔實個底咁

每行一步都線一線咁

而且我唔可以原地跳!

我試ZARA, H&M鞋會係咁原地跳試下佢個踭夠唔夠硬淨(哈哈d人見到個傻婆係咁跳唔知做咩)

因為我feel到我一跳落地個下會唔穩陣而容易扭親

但係我心諗

見到呢度咁多人介紹

係咪我少着高踭鞋所以先覺得唔慣呢?

所以即使我覺得好似伏伏地咁都着佢出街試下

當然有封塵生陪先着佢喇

同埋去好近既地方好快就返

 

封塵生一見我着呢對新鞋

就話我

嘩你行得咁慢既(我平時行得好快)

重行得慢過d老人家喎

我覺得自己平時5分鐘既路程行左成10分鐘

重慢過隻龜………………………

而且我每行一步都線一線

我自己都覺得驚心動魄

慘喇咁我結婚個日點算

着住件婚紗拖哂地已經夠累贅

重要着住呢對唔穩陣既高踭鞋

pk定喇唉…………………….

乜呢度d同學仔咁西利既

女人真係愛靚唔愛命

 

我行到一半

其實對腳已經好攰

已經要向封塵生借力黎行

點知中途行行下拗左一拗!

嘩我真係嚇死!

好在扶住封塵生!

拗左一半上返黎!

如果唔係真係唔使行落去

而家腳踝拗既位置重癮癮作痛

心諗幾百蚊對鞋都咁樣既

勁灰

個下我真係想成對鞋dum左佢

辛苦到丫

 

但我仍然想繼續冒險!

就係試淘寶!

我唔信有幾千個評價全部都假既哈哈

今次我就先淘左個對矮d既而且係粉紅色黎

個人好鍾意鞋踭位有蝴蝶結

可以出街着得返

賣家圖

佢係有紅色架!

但係我想買平時出街着到既試下先

出街着紅色鞋上身好難襯得到

係聖誕新年先着到

重有佢背面個閃閃吊飾好靚

公主度upupup

開箱圖

嘩好靚! RMB$65!(HKD$79)

着上腳

穩陣既感覺返黎喇!

重可以原地跳添呀!

然後我就着住佢同封塵生去elements睇戲!

大家如果有去過elements

都知戲院係好遙遠

我由地下巴士站趕住行到上戲院都無野

建步如飛

重行得好輕鬆呀yeah yeah yeah

封塵生都話我

你着住對幼高踭鞋都行到平時咁快既

個日超開心嘻嘻

自信心返哂黎!

係個商場係咁行行左兩個鐘都唔覺太攰

 

淘過呢次大滿足之後

我決定淘過對紅色既

gracegift我唔要喇!(蝕左我幾百蚊!)

着到拗柴既我重着黎做乜!

 

今次我淘返同gracegift個對一樣咁高既!

但就唔係船鞋(即鞋側有邊)

係而家好興既尖頭而得鞋頭鞋尾有野包

鞋兩側中間係無野既

賣家圖

開箱圖

 

RMB$78咋!(HKD$95)

同樣地

呢對鞋又係勁穩陣!

又係原地跳得到!

而且又係咁舒服

同上一間粉紅色唔同店架

但一樣有質素

佢條鏈係分離架

要自己再扣返上腳度

但我覺得唔加鏈靚d

 

我細心留意過對gracegift點解會唔穩陣

比較埋淘寶

應該係個腳踭設計既問題

大家對比下

 

淘寶個兩對既鞋踭係正正正中間咁幼落去

gracegift個對既踭唔係正中間既

而係偏向前

可能就咁樣唔能夠卸力

所以唔穩陣

平時少着高踭鞋既同學仔

要留意喇
個鞋踭要係正中間唔係偏前

 

諗緊對紅色高踭鞋

可以加返個簡單既褂鞋夾

咁朝早可以變做褂鞋喇!

(同上次分享既褂頭釵係同款架)
(網絡圖)

 

過往的blog

未來封塵太 #4 嚴選9K以下花花清新系風格化妝師
未來封塵太 #3 終於揀到!平過淘寶靚靚結婚證書套<3
未來封塵太 #2 20款精選戒指枕<3咁多點揀好?
未來封塵太 #1出哂名的葵廣珍珠小店

1289 次閱讀 | 137 個評論
Facebook WOW Google+ Weibo Mail
當前第 4 個 | 共 8 個BLOG      上一個 | 下一個

評論

 137 12345

您需要先登入才能繼續本操作