婚享同學會


可用已有生活易帳號

登入


未有生活易帳號?

立即註冊

你可能也喜歡…

當前第 8 個 | 共 60 個BLOG      上一個 | 下一個
查看BLOG | 返回BLOG列表

Day 46-影PW做足準備-靚nubra 全日都安心

3月前
話說尋日我終於影完今年度第一輯,亦都係暫時覺得最物超所值嘅一輯PW啦,7:30深圳集合、8:30化妝,影到晚上10:30,十套衫N個場景,有超靚海景有城堡有森林有各式好韓嘅室內景有好閃嘅夜景,我同男人攰到癲嘅同時都好滿足。但未收到相之前,我好難話比大家知輯相有幾正,所以今次要介紹嘅,係令我全日都安心嘅內在好伙伴。

其實上年我幫襯左一間WOW B2B推薦嘅內衣店買矯型內衣,「Day 25: 分享小改變大改善,月減6KG懶人健康減肥成果」都介紹過,我著左之後虎背熊腰改善左超級多,所以影相前一星期我決定喺果間店買埋nubra 同束褲。

 
間店位於尖沙咀,店面唔大,要預約,一對一服務 ,因為內衣始終係比較私密嘅野,同埋我覺得專業意見好緊要,所以我都好欣賞每個預約時間服務一個客人呢一點。

    

  
間店有好多唔同嘅bridal系列,啲輕婚紗都好靚,亦有啲性感束衣可以著黎影boudoir。

    我今次試左高腰嘅束褲配搭皇牌girdle ,件皇牌girdle 我一早買左,不過店員比埋我試,等我睇到搭配高腰束褲嘅效果,呢條束褲除左可以收平我個肚腩,我都好滿意佢可以收埋胃腩呢一點,而且係好薄好舒適,我尋日影相著左咁長時間,換左咁多套衫,佢完全冇向下捲,更加冇出現著太長時間束得太緊而唔舒服,幫我換衫嘅化妝師都大讚。

NUBRA 當然係不切試身,但尋日影相之後,我完全愛上呢個日本進口嘅nubra:  

 官方圖: 
我之前無論做姊妹定影相,其實都有著過唔同地方買嘅nubra ,傳統nubra 、蝴蝶型同波波小姐都試齊,我都係首選傳統呢隻,因為蝴蝶型同波波小姐個邊位都比較易穿崩同貼唔實架!而經驗之談真係唔好亂試啲過平嘅nubra ,推唔到事業線易鬆脫事少,敏感事大呀!畢竟無論PW/big day 著nubra 嘅時間都幾長,防敏度唔夠,真係有機會又紅又痛又痕,到時睇醫生真係勁尷尬。雖然我大愛淘寶,但呢啲咁貼身嘅野我就真心唔夠膽亂試。

呢個nubra ,我由尋日朝早4:30出發,著到凌晨12點幾返屋企,足足著左差不多廿粒鐘,佢都係輕盈到唔多覺,全日換5套衫,出哂汗都冇鬆脫冇移位冇敏感,又輕易令我呢位長平公主推出事業線同自然圓潤嘅胸型(你睇上圖就知,我本身平到用girdle 都擠唔出事業線,件girdle 已經有PAD...🤦‍♀️),完全冇因爲我強行夾事業線而壓胸(我係貼副乳位再拉,基本上所有nubra 咁拉,男人都出到事業線,但唔靚嘅nubra咁拉胸型會壓到好怪),我決定之後幾輯相直到big day 都會繼續寵幸佢!

價錢方面比起淘寶幾十蚊貨仔當然算天價啦,但$399會員再85折,都係$340,以呢個質素我又覺得好合理,起碼唔會著一次就掉,除返開使用次數性價比好過淘寶,大家有需要可以PM我拎會員號碼85折買野架。

如果大家喜歡我嘅分享,希望唔好你吝嗇,留個腳印支持下,你地嘅支持就係我分享嘅動力!我都希望大家繼續happy wedding ,happy sharing ,好好享受籌備婚禮嘅過程!️
20824 次閱讀 | 809 個評論
Facebook WOW Google+ Weibo Mail
當前第 8 個 | 共 60 個BLOG      上一個 | 下一個

評論


您需要先登入才能繼續本操作