婚享同學會


可用已有生活易帳號

登入


未有生活易帳號?

立即註冊

你可能也喜歡…

當前第 11 個 | 共 74 個BLOG      上一個 | 下一個
查看BLOG | 返回BLOG列表

《The One • 尋找BIG DAY 靚靚婚紗禮服》

By Zoie333 (聯絡作者) 於 2019-07-16 23:59
當結婚日子定好,場地定好,三師定好後,作為新娘子最重視一定係婚紗&晚裝。之後會開始上Facebook 、IG去睇不同婚紗店,不斷問婚紗店PACKAGE 價錢格價。一生一次穿上婚紗絕對不可以馬虎了事,但同時要又要睇住個預算,都去了不少婚紗店試一下婚紗,真的有點難度。所以我問了90間以上婚紗店價格,有需要大家PM 問我囉個表去參考一下。

我發現係選擇租婚紗時一定會面對幾個問題,可以同大家分享一下。

  1. 要租幾多件婚紗&晚裝?
  2. 中式裙褂應該在婚紗公司租嗎?還是在中式裙褂專門店租用?
  3. 選擇咩類型的婚紗公司?
  4. 要到婚紗店試穿先再JOIN嗎?
  5. JOIN租婚妙Package有咩要留意???
1. 要租幾多件婚紗&晚裝?
> 我自己經驗女仔 1 套中式裙褂、1 套外拍晚裝、1 套迎賓晚裝、1 套進場婚紗、1 套敬酒晚裝、1  套送客晚裝,合共6套。 如果時間比較趕急,可以考慮唔要送客晚裝及外拍晚裝。因為擔心外拍個條易整污糟,而且好似決定外拍,所以我就直接係淘寶買了一條平平地就算啦。


2.中式裙褂應該在婚紗公司租嗎?還是在中式裙褂專門店租用?
> 係婚紗店租中式裙褂係比較平,如果沒有特別要求,大部份都提供到小五福裙褂。而我JOIN 個間婚紗店PACKAGE 除開都只係大約$980蚊就可以租到一套大五福的裙褂。中式裙褂專門店選擇會比較多由小五福到褂皇都有提供,而且SIZE 都會齊全。按我了解係中式裙褂專門店租用一套大五福價錢差不多要$1200或以上都有了。下面係兩間不同裙褂店試穿款式。

下面就係婚紗店提供的裙褂

3. 選擇咩類型的婚紗公司?
> 一分錢一分貨,婚紗公司有平有貴,PACKAGE 由$3900蚊可以租到5件到$7000蚊一件晚裝都有。$3900蚊5件的確麻麻地喲衫真係比較殘,所以我自己試完已經直接走啦....有很多在中、上環的婚紗店都是主打高檔品牌婚紗,租用婚紗價格都是一件,一件計多。曾經在尖沙咀主打高檔品牌婚紗婚紗店試穿了一件是以色列婚妙品牌,不論質料,婚紗cutting 真的是與普通婚紗冇得比,我都念念不忘。但租用一件婚紗婚紗及一件紅色敬酒晚裝要件$7000多,對於我來說依個價錢租2件太貴了。所以我最終選擇係一間位於尖沙咀中等價錢婚紗店。從下圖一睇就知道平貴的差別。

4.要到婚紗店試穿先再JOIN嗎?
一定要啊!!! 可以睇清楚婚紗店婚紗質素,而且可以了解有沒有提供自己喜歡的款式類形,一般婚紗店網上SHOW 出來都好好睇,但現實可以好唔同,差別很大,所以自己親身睇過、試過會比較好。市面上都有少婚紗店係有提供Free Trail 服務,大家可以先去試一試,而且一般婚妙店試穿後即使JOIN 都會有優惠比較抵少少。雖然我自己都是傻傻地係婚展睇完相就FULL PAY JOIN 了,好好彩冇中伏。我自己都去了5, 6間試一下。

5. JOIN租婚妙Package有咩要留意???
> 係咪「冇限轉款」 ,我覺得依點好重要,因為女人都係三心兩意,而且婚紛晚裝每季都新款,所以依點好重要。同埋 「可唔可將Package 內裙,轉比新郎或者奶奶、外母」有時用唔哂,都可以比其他人用嘛。

最後我建議盡可能係一間租哂所以衫,因為如果分開太多間,係最尾囉衫、還衫都會好辛苦,而且按金都會要比多好多。最終我自已係選擇了一間中等價位婚紗店的PACKAGE租了5件加1件買的。雖然選手婚紗晚裝唔係名牌子,但著上身絕對係我覺得靚。希望以上資訊幫到大家啦,大家亦搵到喜歡的婚紗晚裝。
2341 次閱讀 | 203 個評論
Facebook WOW Google+ Weibo Mail
當前第 11 個 | 共 74 個BLOG      上一個 | 下一個

評論


您需要先登入才能繼續本操作