婚享同學會


可用已有生活易帳號

登入


未有生活易帳號?

立即註冊

你可能也喜歡…

當前第 7 個 | 共 12 個BLOG      上一個 | 下一個
查看BLOG | 返回BLOG列表

可以免費送貨免費退貨既婚宴酒🥂

By applechichi (聯絡作者) 於 2018-06-17 22:51
如果係酒店要任飲紅白酒要每圍加$500,一黎價錢比較貴二黎朋友都唔會飲好多酒,所以都諗住自己搵酒會比較化算。

無意中發現左依間公司,佢地係荃灣、尖沙咀、觀塘等等都有得試酒,可以先試下邊隻岩飲再決定要邊隻。早前上左佢地尖沙咀既Tasting Room,負責人Choco好好呀,俾左6支我地試,真係睇住佢地一支一支咁開,唔會話試d開左好耐放係度既。佢地全部酒都係黎自西班牙,亦都係佢地獨家代理。
  
大家可以望下個酒list,有好多$100以下既選擇。試左白酒紅酒甜酒,試到有d醉🤤當中比較鐘意下面既白酒同紅紅,唔會太酸,非常易入口。佢地會係big day前一至兩日將酒送去婚宴場地,唔使自己搬最最最最吸引我既地方係飲唔哂可以免費退,佢地會係big day當晚差唔多完既時候去收番飲唔哂既酒,唔會收附加費,係免費!!!! 有左依個服務可以放心預多少少數量,唔使怕飲唔哂要帶哂返屋企不過退酒都有少少條件,因為酒係以一箱箱咁買,所以只可以退未開箱既酒。同埋最多只可以退一半。例如買左4箱,最多只可以退2箱。 

上次試完酒之後念念不忘其中一支Rosato甜酒,咁岩上星期佢地擺婚展,所以專登叫Choco帶一支去婚展俾我買 依支甜酒好好飲,好甜,又好靚婚展亦都再試多幾隻酒🥂

因爲要再同屋企人商量下所以都未正式落訂,但Choco都好好人,唔會黑面,重好有禮貌!真心誠意推介依間公司俾大家
1425 次閱讀 | 169 個評論
Facebook WOW Google+ Weibo Mail
當前第 7 個 | 共 12 個BLOG      上一個 | 下一個
全部(6)

留下足跡

評論


您需要先登入才能繼續本操作