抱 B 抱到手腕痛點算?

不如試吓做物理治療，一定要盡快醫好佢，否則手尾會好長

謝謝，有無好醫生介紹？

小心變咗網球肘。我朋友就係抱仔抱得多，兩隻手都變咗網球肘。

我坐月時都試過，醫生話係筋膜炎，睇極跌打及物理治療都唔得，後來睇西醫，打了一針在患處，便不痛了，直至現在足足廿年也沒有返發！

感謝各位的經驗分享！. 看來都係要去見一見西醫了...

之前有個，但他難約，ｂｏｏｋｉｎｇ通常要等三個星期以上，所以啱啱轉左，試完比過報告你吧　

如果bb唔咸.....可以唔抱囉....重量多d休息..
抱bb最好係坐係度......唔好企係度..
坐係度可以用腳嘅大脾....托一托住....舒服好多呀...

感激感激！

我個b成日都要抱住佢先肯訓
依家隻手好痛 但係我都未睇醫生
但係你地會用咩去prevent 架？
會唔會帶護腕架你地？

我照顧對仔女細個果時，都有一個時期手腕作痛，我都發現有時會唔覺意地用多左力去 hold 住自已對手，驚會跌左呀 b 落地咁，因而用左盲力都不自知架~

當我自覺唔對路時，就反而係努力地搵位搵機會黎唔用個手腕，等手腕可以休息下放鬆下既時間增加，bb 慢慢大，過度期過了，就無咩事了....
eg :~
~ 真係可以唔抱時盡量唔抱，改為比 bb 訓床仔、搖籃仔、爬係心口度等等
~ 無辦法要抱時就托高 d 呀 b，用手臂手爭位夾住黎借力，你就會發覺個手腕就無咩用架了
~ 減少橫抱，改用心貼心既直抱，再用手臂借力托住呀 b pat pat
~ 同老公/親友輪流抱
~ 無人幫手時係屋企都用下揹帶... 等等...

所謂過度期，其實係由出世後至 6-8 個月，當 bb 開始想企或行時，必需要抱既時間也會減少，所以媽媽們有時要唸下計 "懶得就懶下"，智慧型地抱 b，錯誤姿勢少一分鐘，手腕壓力都少一分鐘，手臂都無咁易粗哩！wakakaka!!