婚享同學會


可用已有生活易帳號

登入


未有生活易帳號?

立即註冊

你可能也喜歡…

當前第 3 個 | 共 4 個BLOG      上一個 | 下一個
查看BLOG | 返回BLOG列表

試婚紗首記

By Girry (聯絡作者) 於 2019-06-27 01:25

我覺得籌備婚禮其中一樣最開心嘅事,就係試婚紗啦!人哋話着婚紗嘅女仔最靚,原來係真嫁!雖然每次花一兩個鐘試衫好攰,但望到鏡入面嘅自己,又會覺得好開心,想再試多啲


好啦,廢話少講,分享下我試衫嘅經歷!誤打誤撞之下,搵到呢間小店,喺上環既。雖然鋪頭細細,但係都有好多靚衫,感覺店主勁用心去揀靚嘅衫俾新娘試,唔會得個多字但揀唔落手。


俾相大家睇下先!


以下呢件好似蛋糕咁樣,一層一層,前面少少性感,都幾顯瘦㗎。不過因為我想要大拖尾,所以冇揀佢。


以下係好特別嘅一件,係絹布嚟㗎。第一次見絹布造嘅大拖尾,好grand呀!個拖尾則邊仲有花花,不過我唔記得影。但因為前面太性感,最後都冇揀到。


下面呢件好靚架,雖然拖尾唔大,但係cutting好靚。配埋長頭紗其實都好夠grand。都顯瘦嫁,但我影得太暗唔放正面出黎喇。


最後就係我揀咗嘅呢件啊,好特別架。佢個拖尾好靚,啲喱士好Grand。手臂都有喱士嫁,可以遮一遮啲肉肉 係比較宮廷嘅款式。


其實我冇諗過自己可以着到呢啲款,所以都幾開心㗎。我要努力減肥先得!希望瘦咗可以着得最靚啲啦。


同場加映一件晚裝。我好鍾意呢隻色架,着起嚟又白又顯瘦。



我想講:呢間小店服務真係超好!店員勁有禮貌,又好願意幫忙同埋比意見。原來佢係化妝師BWing開嫁,仲俾咗少少化妝嘅建議我。不過佢哋唔會好hard sell,都係靠口碑咁做。希望之後返多啲新貨啦!



我驚我覆唔到啲留言,話俾大家知間婚紗店既名啦!

1151 次閱讀 | 72 個評論
Facebook WOW Google+ Weibo Mail
當前第 3 個 | 共 4 個BLOG      上一個 | 下一個
全部(1)

留下足跡

評論

 72 123

您需要先登入才能繼續本操作