婚享同學會


可用已有生活易帳號

登入


未有生活易帳號?

立即註冊

你可能也喜歡…

當前第 2 個 | 共 4 個BLOG      上一個 | 下一個
查看BLOG | 返回BLOG列表

【減肥新娘KaYin】喺HW BRIDAL買大碼婚紗,堅靚~終於唔係大媽婚紗了

標籤婚紗  3月前

其實自從大日子場地訂咗之後,我一直都唔想理其他嘢,除咗睇下decoration vendors之外,完全冇動力去plan其他嘢,主要係因為減肥令到我好忙……唯一既動力係我阿妹,佢幾乎個個Weekend都迫我去睇婚紗,三月頭我終於頂唔順同佢講我想at least減咗5KG先去試,因為太肥真係諗起要着婚紗都覺得有壓力。咁佢靜咗一排,又嚟料嘞,係咁說服我搵個weekend去呢間HW Bridal試婚紗……試身詳情我下面再分享。不過我想呻呻:其實大碼新娘搵婚紗係好難﹗強調真係好難﹗所以我先拖咗咁耐,除咗果啲金都款公主裙(着到大媽咁款),靚啲既根本冇我碼。

本來以為係葵涌啲工廈鋪頭會好up dup,啲婚紗款一定唔Ok,但HW BRIDAL婚紗款比想像中多同新,舖頭仲好企理,因為當日冇影舖頭相,所以係佢哋FB fanpage copy咗呢張過嚟。

話說我大日子訂咗係今年十月,之前一直唔想去試婚紗,因為我驚我會受氣,兩年前幫好姐妹做伴娘時,去度身訂造件雪紡裙,當時俾個店主(定唔知裁縫)講咗句有骨既說話:「你減減佢好喎,啲雪紡裙易爆線」。之前阿妹迫我去果啲婚紗舖,有個老闆娘又係好苦口婆心叫我「一定要減減」,搞到我真係好大壓力。

有日我真係壓力大到同佢呻:「太肥唔想結婚」,咁佢咪話:「人哋真人騷啲肥新娘上埋電視添嘛」,佢之後就上網搵咗條片俾我睇,我其實冇乜興趣,不過佢好一頭熱,話search到邊間婚紗舖贊助個大碼新娘喎……俾佢搵到係HW Bridal呢間婚紗店,佢好心急催我打去book期,間HW BridalFB,冇網站,上去佢FB見佢有不斷promote大碼婚紗,我覺得可以一試,咁我同老闆講明我想搵啲大碼婚紗,點知老闆問我想唔想要私人時段﹗我當然好想啦,因為我真係唔想試婚紗時見到其他新娘呀~各位瘦瘦B2B唔會明白,有時俾其他新娘見到自己試身,真係會唔自在,硬係會覺得人哋打量緊我既身形……補充一點,呢間小店淨係賣婚紗,唔租的,所有婚紗都係得三個價錢:$1800/$3800/$6800,咁其實同租差唔多,同埋make appointment要捐$100俾紅十字會,但就唔收試身費。

阿妹講既大碼新娘就係呢位嘞,件婚衫着得佢幾靚~

試身當日,阿妹興奮過我。去到HW Bridal環境ok好舒服,唔覺係工廈showroom,個店員先介紹婚紗種類,再望下我身形,就拎左幾件婚紗俾我睇,真係有我碼喎(原來我着US18)。但我都擔心件婚衫太貼反而唧晒啲肉出嚟,不過店員叫我慢慢試,再出嚟硏究,唔係好似之前果D婚紗舖咁,就算把囗好好叫你慢慢試,但你會感覺到佢哋其實會歧視你身形……咁HW既店員都再三保證件婚紗唔會着到我啲肉唧出嚟,佢話其實着「拋」出嚟果啲公主裙會更肥,因為成個人感覺累贅又重,反而修身款可以有輕同薄貼既視覺效果。

試咗出嚟,大家睇睇:

呢件係我揀咗既最滿意既呢一條。貼身小拖尾,半緞半紗好有仙氣又有線條。

著好件婚紗,望下塊鏡,我覺得係簡約同埋輕身既,但阿妹就話我露膊唔太靚(冇鎖骨喎),店員就俾咗好多意見我,佢話其實半緞半紗既婚紗比較啱我,因為緞質可以修線條,而紗質就帶返啲飄逸感出嚟,整體協調又襯到我身形。之後佢問我婚禮既場地,我話我日頭會係教堂行禮,夜晚擺酒,咁佢話行禮時婚紗可以加件lace top(另買),有兩件唔同款襯返唔同場地。

店員叫我試埋其他,咁我再試咗幾款唔露膊既,反而覺得遮遮掩掩仲累贅,我都係最鍾意呢件,睇落比較修長同有線條,所以confirm(因為佢係賣冇得hold)。我覺得佢地最正係唔使custom-made,有ready-made既婚紗可即場試身。阿妹雖然好多意見,不過佢都認同第一件最靚,同埋都覺得加lace top幾好,日頭夜晚有唔同造型~~但我當時冇試到,因為我搞咗四個幾鐘(勁攰﹗),唔想試咗又唔買,加上我約咗人係尖咀食飯,已經遲晒到。店員都話我可以第二日再返嚟試lace top,所以件婚紗我俾咗錢留咗係間舖先。

    

第二日返轉頭,揀咗加件lace top,下邊果件。

老實講加lace top我都想,千零蚊好似多件婚紗咁,係幾吸引,所以第二日我返咗HW Bridal攞婚紗,同埋試埋果兩件top,冇咗阿妹係度,我其實好心大心細,都係店員分析俾我聽邊件啱我,最後俾返我自己決定。咁佢話其實第一件就古典啲,第二件感覺trendy啲,佢覺得第二件着得我顯瘦啲,咁我都鍾意第二件既清新感覺,所以扑錘買咗。

講埋件婚紗既價錢,係$6800 (實收$6700 ,扣番捐俾紅十字會果$100 )。因為係全新既,我覺得價錢好合理公道。

好啦~解決咗婚紗呢part,我真係要落手plan其他嘢啦~


5757 次閱讀 | 7 個評論
Facebook WOW Google+ Weibo Mail
當前第 2 個 | 共 4 個BLOG      上一個 | 下一個

評論