婚享同學會


可用已有生活易帳號

登入


未有生活易帳號?

立即註冊

你可能也喜歡…

當前第 94 個 | 共 120 個BLOG      上一個 | 下一個
查看BLOG | 返回BLOG列表

倒數314日-大師級數親民價錢的香港戶外仙氣prewedding

By Mschichi (聯絡作者) 於 2019-04-21 19:12

係香港土生土長嘅我哋之前影過兩輯香港嘅室內婚紗照, 有一輯係香港嘅小清新, 戶外照有泳棚嘅自拍婚紗照,  有摩星嶺嘅自拍婚紗照, 香港夜景嘅自拍婚紗照, 呢d 都有香港嘅特色喺入面。  但係唯獨一輯香港嘅室外婚紗照我哋就未影過~~ 



今次我哋揀咗都係有大自然元素嘅室外景色。提起香港室外嘅大自然你可能會諗城門水塘, 獅子會, 泥涌石澳, 南生圍, 摩星嶺, 而家我哋今次就揀咗最近好多攝影師同埋婚紗店嘅model都會去嘅鯉魚門三家村石礦場影逆光~~ 


呢個地方唔難去, 係喺油塘大本營附近海鮮檔攤位行20分鐘就到,  去到嘅時候都有好龍友喺度影緊日落。 真係好感恩我哋下午仲係傾盆大雨, 但係臨日落竟然放天晴。

呢個地點嘅好處, 就係後面有一個石山, 前面有少少乾嘅草, 山的隔離就係日落的地方。 日落的光因為有石山嘅阻擋少少低下,亦都可以好容易影到逆光的感覺~~ 而家好多婚紗相都係鍾意呢個感覺㗎~~~️ 


今次嘅攝影師真係好細心!! 佢不斷不斷喺唔同嘅角度為我哋拍攝, 指導我哋做好多唔同飄逸嘅動作, 仲專登帶左一個專門影逆光的鏡頭, 可以畀我哋喺日落下影到一個好似有個光環咁樣圍住我哋的效果 。 我地一邊影一邊間唔時係相機到見到自己的相, 影到好有仙氣, 影得好開心, 影得好興奮, 攝影師係咁讚我地, 搞到我地都覺得自己好型仔好靚女咁🤣🤣 影得輕鬆開心又hyper ~~




我想講, 呢個攝影師真係超級識攞位!! 我地行外人見到呢個地方, 應該都只會係草地影下, 最多玩下逆光已經好滿足。 但專業的攝影師佢有獨特的camera eyes, 佢會叫我哋去下石屋隔離擺下post, 同下另一半玩下, 影到我地好似好恩愛好旅拍feel 的感覺~~ 






又會教我哋去草叢後面的路, 好自然咁行下, 好輕鬆咁樣行下行下, 又互相對望一下, 哈哈哈, 個感覺就好似我老公拖住我, 帶我繼續行前面嘅路一樣, 自己講完都毛管戙🤣🤣🤣
型格一d 嘅相亦都絕對難唔到攝影師架,  差唔多影到日落的尾聲, 佢就叫我地企上一嚿大石頭上面, 低低我地。 雖然個天灰灰暗暗咁, 但佢一樣都可以影到我地好有氣勢。 呢個就係攝影師嘅功力啦 絕對同業餘嘅攝影師冇得比~ 每一張影相嘅角度, 眼光, pose, 眼神, 人同人之間的距離, 一d 小動作的甜蜜時刻, 情侶之間的親蜜感, 完全睇相已經可以表現到出黎 ~~ 係一張張有溫度, 暖入心的相片呀

攝影師即場已經係咁俾佢相機入面嘅相我地睇~ 之後好快已經俾左原圖我地再揀修圖的相片了~ 揀相過程實在有d 困難~ 因為原圖都已經好靚好靚, 好多都已經唔洗點拾🤣 只可以話修完圖之後係有唔同嘅風味。 因為本身原有嘅氣勢, 顏色, 我哋嘅表情, 服裝的質感, 道具嘅擺位等, 我哋都已經好滿意。 攝影師修圖之後係做到更加精益求精, 堅持都要幫我地再拾靚d , 畀到我哋又有唔同風格嘅相片可以選擇。 精心推介呢個香港本地嘅攝影師同埋呢個咁有香港特色嘅地方畀大家



4516 次閱讀 | 578 個評論
Facebook WOW Google+ Weibo Mail
當前第 94 個 | 共 120 個BLOG      上一個 | 下一個

評論


您需要先登入才能繼續本操作